Қай-қайсымыз да басымыз ауырып, балтырымыз сыздай қалса дереу дәріханаға жүгіріп, дәрі сатып алуға асығамыз. Алайда сол дәрілік зат ауырған жерімізді жазғанымен, оның құрамындағы кейбір элементтер адам ағзасының басқа мүшесіне қандай да бір зиянын тигізетінін ойлап жатпаймыз ол кезде. Ал шын мәнінде дәрі-дәрмексіз де емделуге болады.

Мәселен, бас ауырғанда жарты шай қасық кептірілген жанжабілге (имбирь) ыстық су құйып, паста пайда болғанға дейін араластырыңыз. Дайын болған пастаны маңдайыңызға қойып жатыңыз. Күйдіруі мүмкін, бірақ өте пайдалы.

Қызу көтерілгенде бір шай қасық ұнтақталған кардамонды (имбирь тұқымдасына жатады) жарты литр сумен араластырып, оның үстіне сүт пен қант қосып ішсеңіз, қызуыңыз бірден басылады.

Тұмау болғанда кептірілген жанжабілден шай ішіңіз және куркуманы (имбирь тұқымдасына жататын өсімдік) сүтке қосып, күніне 3 рет пайдаланыңыз. Ол аурудың алдын алып, иммунитетті нығайтады.

Теріңіз күйіп қалған жағдайда бір шөкім куркуманы алоэ шырынымен араластырып, күйіп қалған жеріңізге жиі-жиі жағып тұрыңыз.

Ұйқысыздыққа ұшырасаңыз жатар алдында жарты шай қасық теңіз жаңғағын сүтпен араластырып ішіңіз. Сонымен қоса бір шай қасық қуырылған куминді піскен бананмен қосып жеуге болады.

Салқын тигенде немесе тұмауға шалдыққанда тоңып қалтырасаңыз жарты шай қасық жанжабіл (имбирь) мен бір шай қасық ұнтақталған даршынды (корица) 10 минут қайнатып, үш сағат сайын бір стаканнан ішіп отырыңыз. Бал қосуды ұмытып кетпеңіз, деп жазады ozgepikir.kz.