«Қорғас» халықаралық шекаралық ынтымақтастық орталығында Панфилов АІІБ полиция бөлімінің жаңа әкімшілік ғимаратының ашылуы өтті.
Алматы облыстық полиция басшысы Мұрат Өрімханов «Қорғас» халықаралық шекаралық ынтымақтастық орталығында орналасқан жаңа полиция бөлімінің әкімшілік ғимаратының ашылуына қатысты.
Жалпы аумағы екі мың шаршы метрге жететін жаңа ғимаратта жеке құрам жұмысы үшін бар жағдай жасалған: кабинеттер қажетті техникамен жабдықталған,
Жедел басқару орталығына барлық нысандарға бақылау камерасын шығаратын сервер орналасқан. Пиджім ауылдық округіне қызмет көрсететін Қорғас полиция бөліміне 8 қызметтік көлік бөлінді.
«Мемлекет басшысы Н.Назарбаев айтқандай, екі ел арасындағы сауда-экономикалық қатынастарды дамыта отырып, халықаралық шекаралық ынтымақтастық орталығы Қазақстан игілігі үшін қызмет етуі тиіс, — деді М.Өрімханов. — Орталықтың шетелдік азаматтар көп болатын еркін экономикалық аймақ екенін ескере отырып, қолданыстағы заң талаптарын ғана емес, келісім талаптарын да қадағалап тұру керек. Өз міндетін атқару кезінде полиция қызметкері үшін аса маңызды фактор болып табылатын кәсіби этиканы да қатаң сақтауы тиіс. Шекара қызметі мен құқық қорғау органдарының өзара қызметі мемлекетіміздің игілігі үшін кез келген қылмыста жедел әрекет жасауға мүмкіндік береді», — деп атап өтті М.Өрімханов.