Omir Art Studio дизайнерлік тігін студиясы шығармашылық байқау жариялайды!

Мақсаты: Қазақ тілінде тігін және қолөнер саласындағы контенттер санын арттырып, қазақы нақыштағы бұйымдарды кеңінен насихаттауға атсалысу;

Байқау шарттары:

• Байқауға кез келген жастағы қызығушылық танытқан тұлға қатыса алады;
• Қатысушы өзі қалаған форматта (жазба, видео) авторлық материалын press@gmail.com электронды поштасына жолдайды;
• Материалдар 2016 жылғы 7 тамызға дейін қа­былданады;
• Мақала/сюжет көлеміне шектеу қо­йыл­майды;
• Материалдар өңделмейді және қай­тарылмайды;
• Барлық материалдар Jas.kz ақпараттық-танымдық сайтында жарияланады.
• Бір автордың бірнеше материал жіберуіне рұқсат.

Байқауға қатысатын мақалалар мен видеоматериалдар төмендегідей тақырыптарда болуы шарт (жанрға шектеу жоқ):

• Құрақ құрау (тарихы, ерекшеліктері, әдіс-тәсілдері, түрлері және т.б.);
• Үй жиһаздарын тазалауға, жасауға, сәндеуге арналған пайдалы кеңестер/лайфхактар;
• Қазақтың ою-өрнегі (түрлері, тарихы, мағынасы, қолдану аясы, заманауи өзгеріске ұшырауы және т.б.);
• Киім мен үй интерьеріндегі түстер үйлесімі;
• Тігу және кестелеу өнері;
• Мереке-қуанышқа арнайы тігілетін құрал-жабдықтар (қыз жасауы, дорба, қоржын, ақ жол және т.б.);
• Ұрпақ сабақтастығы;
• Тігінші немесе кесте шеберімен сұхбат.

Байқау материалдарын бағалау шарт­тары:

Байқау қорытындысы 10 тамыз күні шығарылады.

Ең көп қаралым жинаған 5 материал ішінен Jas.kz редакциясы ұжымы жеңімпазды анықтайтын болады.

Байқау жеңімпазына Omir Art Studio дизайнерлік тігін студиясы ерекше оюмен кестеленіп, арнайы әзірленген екі жастық табыстайды.