Jas.kz

Бірқатар халықтар үшін құрма қасиетті тағам болып саналады. Бұл жемістің екі-үш данасының өзі ағзаға өте пайдалы. Күніне 3 құрма жеп қана ағзаны қажетті микроэлементтермен қамтамасыз етуге болады.

Дәрігерлер, тіпті, тәтті әрі зиянды кәмпиттерді құрмамен алмастыруға кеңес береді.

Сонымен, құрма несімен пайдалы?

Қалыпты жүрек жұмысы

Құрма құрамында калий мөлшері өте көп. Ол жүректің қалыпты жұмыс істеуін қамтамасыз етеді. Бұл өз кезегінде жүрек аурулары мен талмасының алдын алады.

Сау бауыр

Құрмалар бауырды токсиндерден тазалауға көмектеседі. Сондай-ақ, цирроздың пайда болу қатерін төмендетеді. Бауыр фиброзы симптомдарын жеңілдетеді.

Көру қабілеті жақсарады

Құрмалар көз жанарының көру қабілетін жақсартуға қабілетті (тіпті сәбізден де пайдалы). Себебі, құрамында А дәруменінің мөлшері көп.

Сергектік

Егер өзіңізді сергек әрі қуатты сезінгіңіз келсе құрма жеп тұрыңыз. Бар болғаны 3 құрма жесеңіз бір күнге жетерлік энергия аласыз.

Ас қорыту

Құрма — бұл асқазан функциясы бұзылған кезде ас қорытуға таптырмас өнім. Оны асқазан-ішек жолының аурулары, тіпті, асқазан обасының (рак) профилактикасы үшін пайдалану қажет.

Афродизиак

Араб әйелдері көп ғасырлар бойы афродизиак ретінде құрманы қолданады. Жемісін ұнтақтап, ерлердің кофесіне қосады. Бұл өнімнің құрамында құмарлықты, жыныстық қабілетті арттыратын түрлі амин қышқылдары бар.

Шаш пен терінің әдемілігі

Шаш сынғыш болса, тері құрғаса, әжім ерте пайда болса құрма жеу қажет. Оны косметикалық маскалар құрамына қосуға болады.

islam.kz

Қызанақтың құрамы В1, В2, В5, В6 және А, Е, С сияқты дәрумендерге бай.

Қызанақты үнемі пайдалана отырып, иммундық жүйені нығайтып, жүрек қызметін жақсартып, ас қорытуды реттеп, холестеринді азайтуға болады.

Қызанақ қандай ауруларды емдеуге қауқарлы?

Псориаз, экзема сияқты түрлі тері аурулары кезінде күніне қызанақтың, кем дегенде біреуін жеу керек. Содан кейін теріде оң өзгеріс болады.
Қышқылдылығы төмен гастрит және асқазан жарасы кезінде күнде жаңа піскен қызанақ шырынын тұз қоспай ішуге болады. Оны күніне үш рет, жарты стақаннан тамақтан кейін қолдану қажет. Емдеу курсы екі аптаға созылады.

Жаңа піскен қызанақ рационыңызға енгізілген болса, күйзеліс және нашар көңіл күйді оңай еңсеруге болады. Қызанақтың құрамында серотонин, яғни, бақыт гормоны бар. Осы гормон жеткілікті мөлшерде бөлінбеген жағдайда адам күйзелістік күйге тез түседі. Сондықтан, қызанақ жүкті әйелдер үшін өте пайдалы.

Қызанақ катарактаның алдын алады

Егер қызанақты сүйіп жесеңіз, көзіңіз жас ұлғайғанда пайда болатын катарактадан қорғайды. Өйткені, қызанақтың құрамында В2, рибофлавин дәрумендері бар. Ал арнайы зерттеу жүргізген мамандар бұл дәрумендерді қолданатын адамдар көз ауруының осы түрінен зардап шекпейтіндеріне көз жеткізген.

Қызанақтың құрамында бета-каротиннің көп болуына байланысты қызанақты тағамдарды жиі қолданатындар көздерінің өткірлігімен мақтана алады.

islam.kz

Жарнама мен делдалдың көмегімен екінші деңгейлі нарықтан бағасы қолайлы пәтер таптыңыз делік. Сатушымен келісіп, үйді көруге бармақсыз. Ең алдымен не нәрсеге мән беру қажет? Жаңа пәтерді мынадай 5 критерий бойынша тексеріп көрсеңіз болады.

Өзіңіз тұратын ауданды тексеріп көріңіз

Пәтерді көруге бара жатқан кезден бастап оның қандай ауданда орналасқанын бір бақылап шығыңыз. Тұрғын үй тұрған территорияның жағдайына мән беріңіз:

• Ауаның тазалығы;
• Балалар алаңының жайы қалай? Аула таза болу керек;
• Есік алдында отырған әжелерді әңгімеге тартыңыз, себебі олар үй сатушы айтпаған «тың деректерді» жайып салады. Дегенмен, олардың сөзіне көзсіз сене берудің қажеті жоқ;
• Көлік қозғалысы қаншалықты ыңғайлы екенін, автотұрақ болуын назарда ұстаңыз;
• Жақын маңда мектеп пен балабақша болуы керек;
• Аулада ағаштар мен аллеялар болғаны жақсы.

Пәтерді тек күндіз жақсы жарықта көру керек, себебі бөлменің қаншалықты жарық екенін сол кезде көруге болады. Кешкі қараңғылық бөлмедегі жарықтар мен кемшіліктерді көрсетпей қойғандықтан күн батқан соң пәтер көруге бармағаныңыз дұрыс.

Дұрысы, ұялы телефоныңызға барлық көрген кемшіліктерді түсіріп алыңыз. Барлық пәтерді аралап, алғашқы әсеріңіз басылған кезде кемшіліктерді салыстырып қарауға болады. Терезеден не көрінетініне мән беріңіз — қай бағытқа қарай шығады, алаңқайда не тұр? Егер балаңыз болса, балалардың ойын алаңы көрініп тұруы маңызды.

Пәтер бөлмелерінің орналасуы

 Пәтердегі бөлмелердің орналасуын талғамыңызға байланысты таңдайсыз. Дегенмен, бөлмелері ыңғайлы орналасқан пәтерді қалай таңдағанда мыналарды ескеріңіз:

• Егер пәтер екі бөлмелі болса, бөлмелер бөлек орналасуы керек;
• Бір бөлмелі пәтер жарық болу керек;
• Бөлмелердің кіріп-шығу ыңғайлылығы, арасындағы дәліздердің кеңдігін қараңыз;
• Әжетхана мен жуынатын бөлме бөлек болғаны ыңғайлы, ал біріккені көп жерді алмайды. Өзіңізге не маңызды екеніне байланысты таңдаңыз.

Мамандардың кеңесі бойынша, отбасы үшін екі кең бөлмелі пәтерден гөрі, шағын, бірақ үш бөлмелі пәтер алған дұрыс. Бұл келешекте адам санына байланысты қайтадан көшіп жүрмес үшін дұрыс таңдау болуы мүмкін.

Пәтердің инфрақұрылымын қарап шығыңыз

Техникалық инфрақұрылым — жөндеудің ең қымбат бөлігі. Пәтердің төбесін көріп, электрсымдардың қалай орналасқанын сұраңыз да, сантехника мен жылыту құбырларының жайын сұраңыз. Вентиляция мен шусыздандыруды тексеруді де ұмыт қалдырмаңыз. Терезе мен бұрыштарға көз салыңыз: егер бөлме дымқыл болса, онда көгерген зең басып тұрады. Пәтер бұған дейін жалға беріліп келсе, үйде сатып алған соң кілтті ауыстыру қажет. Одан бөлек, пәтерде есептеуіш бар-жоғын, бар болса соңғы рет қашан тексерілгенін көріңіз.

Саудаласуға себептер

Алғалы жатқан пәтерде мынадай кемшіліктер болса, саудаласып, үйді төмен бағада алуыңызға болады.

• «Қауіпті аудан». Үй маңында бөтелке пен ине жатуы мүмкін. Ол пәтерді сатып алу-алмау өз еркіңізде. Бірақ осындай көршілер — бағаны түсіруге жақсы себеп бола алады;
• Қабырға суық әрі дымқылданған;
• Бұрышта орналасқан, не бірінші қабаттағы пәтер;
• Балкон ескі, қауіпті және әйнекпен жабылмаған болса, пәтерге келетін шаң мен шуды желеу етіп бағаны түсірсеңіз болады.

7kun.kz

Егер анарды үнемі пайдаланатын болсаңыз, онда сіздің жүрегіңіз сағат сияқты тоқтамай жұмыс істейтін болады.

Анар жемісі шырыны қандай дәруменге бай екені  барлығымызға  да таныс. Өйткені, бұл жеміс туралы аз жазылып жүрген жоқ. Дегенмен, анар жемісінің ерекше қасиеттері мен пайдалы жақтарын біле жүргеніңіз жөн.

1. Анар адам организмін құнарлы заттармен қамтамасыз етіп отырады. Оның құрамында 15 түрлі амин қышқылы бар. Сонымен қоса, К, С, В9, В6 дәрумендері мен минералдарға (калий, мырыш, фосфор) бай. Анар – калориясы төмен жеміс. 100 гр жемісте бар-жоғы 72 килокалория болады.

2. Шырынын (құрамында танин болуына байланысты) және жемісінің қабығын медицина асқазанның жұмысы бұзылғанда, ал кепкен бұтақтары мен діңінің қабығын ішек құртына қарсы дәрі ретінде қолданады.

Асқазаны ауыратындар, асқазан сөлінің қышқылы жоғары, гастритпен ауыратындар, сондай-ақ, энтероколитцен ауырғанда анардың ащы сұрыптарын пайдалануға болмайды!

3. Қанның құрамында темір аз болса және адам сүйектері сынғанда тез бітіп кету үшін анарды жеу керек.

4. Анар шырынының тағы да бір ерекше қасиеті – ол радиация әсеріне шалдыққандарға көмектеседі.

5. Анар шырыны иммунитеттің жағдайын жақсартады, нәтижесінде ағза тұмау сияқты ауруларға шалдықпайды. Жөтел кезінде, тіпті, анар шырынымен тамақ шаюға кеңес беріледі.

6. Анар құрамында калийдің мөлшері өте көп болғандықтан, ол қан қысымын төмендету үшін өте тиімді болып табылады.

7. Анардың құрамында қабынуға қарсы тұратын зат бар және ол буын ауруларына шалдыққан адамдардың шеміршектері ыдырауының алдын алуда маңызды рөл атқарады. Анар шырыны, сондай-ақ, адамды буын қабынуына шалдықтыратын ферменттердің артуына кедергі жасайды және шеміршектердің бұзылуының алдын алады. Анар құрамында өте көп мөлшерді эстроген элементі бар. Бұл элемент  әйел адамдардың сүйектерінің қаусап кетуінің алдын алады.

8. Анар ағашы – жұмақ ағашы. Ибн Аббастың жеткізуінше: «Біздің Пайғамбар (оған Алланың сәлемі мен игілігі болсын)  анар дәндерін біртіндеп жейтін. Біз одан: «Неге олай жасайсыз?» дегенімізде: «Жер бетінде бойында бір дәні жәннаттан болмаған бірде-бір анар ағашы жоқ. Мен осы дәндердің бірі жәннатық деп үміттенемін»,- деп жауап берді» (Табарани). Ал Әли (Алла разы болсын) Алла Елшісінің (оған Алланың сәлемі мен игілігі болсын): «Анардың қызыл етін жеңіздер, себебі, ол асқазанды тазартады» (Ахмад ибн Ханбал), – деп айтқанын естіген.

9. Анар косметика саласында аса кең таралған. Ол теріні бос радикалдардың әсерінен қорғайды, теріні қалпына келтіру процестерін белсенділендіреді, оны қоректендіреді және жандандырады. Сондай-ақ, коллаген мен эластиннің синтезделуіне мүмкіндік туғызады, бұл әжім қыртыстарының жазылуына, терінің тығыздығы мен созылымдылығын ұлғайтады.

10. ВВС телеарнасының хабарлауы бойынша,  Лос Анжелестегі Калифорния университеті зерттеушілерінің бір тобы 65-70 жас арасындағы простат ауруына шалдыққан ер адамдардың бір тобын бақылауға алған екен. Бұл адамдар хирургиялық жолмен немесе лазерлік терапия арқылы простат ауруынан емделуге тырысыпты. Бірақ, тексеру кезінде байқалған белгілерге қарағанда бұл адамдардың ауруы одан ары өршіп кеткен. Зерттеушілер ауруға шалдыққан осы адамдардың бірнешеуін таңдап алып, оларға күніне белгілі бір мөлшерде анар шырынын беріп тұрды. Бұл шараның нәтижесінде осы адамдардағы простат ауруының өршу жылдамдығы айтарлықтай бәсеңдеді.

islam.kz

Бас ауруының түрлі себептері бар: қатты ашулану, дұрыс ұйықтамау, күйзеліс, уақытылы тамақтанбау, компьтердің алдында ұзақ отыру. Ондай кездері дәріге жүгінбей-ақ, табиғи жолмен бас ауруынан қалай айығуға болады? Ол үшін төмендегі кеңестерге құлақ түріңіз.

1. Басыңыз ауырғанын сезсеңіз дереу таза бір стақан су ішіп алыңыз.

2. Басқа, мойынға, құлақтың сырғалығына массаж жасаңыз.

3. Лимон немесе бал қосылған жылы су ішіңіз.

4. Жалбыз қосылған көк шай ішіңіз.

5. Зімбір (имбирь). Зімбірден дайындалған шайды күніне 3-4 рет ішсеңіз, бас ауруынан мүлде арыла аласыз.

6. Таңертең басыңыздың ауырғанын сезінсеңіз, бір алма жеп алыңыз.

7. Бадам (миндаль) да бас ауыруын тез басады.

8. Бір ас қасық кептірілген жалбыздың үстіне қайнаған су құйып, бетін жауып, 10 минуттан соң ішіңіз. Ащы десеңіз, бал қоссаңыз болады.

islam.kz