Президент Әкімшілігі Басшысының бірінші орынбасары Аида Балаева ханым Жайдарманның «Маусымашар» фестиваліне арнайы келіп, жастарымен кездесу өткізді. Бұл туралы Жайдарманның әлеуметтік желілердегі ресми парақшасы хабарлады.
Аида Ғалымқызы кездесу барысында жастар саласындағы бірқатар өзекті тақырыптар көтеріп, алдағы жобалардың болашағы туралы, әсіресе, қазақ тіліндегі жобалар туралы талқылауға қатысты. Сондай-ақ, алдағы уақытта жас жайдарманшыларды қолдауға дайын екенін атап өтті.
Айта кетейік, 14-19 наурыз аралығында Жайдарман ойындарының «Маусымашар» фестивалі өтуде. Іс-шараға еліміздің түпкір-түпкірінен мыңға жуық жас жайдарманшылар жиналып, өзара тәжірибе алып, түрлі сайыстарға қатысып, өз шығармашылығын шыңдауға мүмкіндік алады.