Jas.kz — Страница 43 — Жақсы Ақпараттар Сайты

ОҚО-да VII Азаматтық форумы өтті

-

11.11.2016

Бүгін Оңтүстік Қазақстанда үкіметтік емес ұйымдарының облыстық VII Азаматтық форумы өтті. Шараға қатысқан облыс әкімі Жансейіт Түймебаев жиын басталардан бұрын ұйымдастырылған үкіметтік емес ұйымдардың әлеуметтік идеялар мен жобалар жәрмеңкесін көрді, деп хабарлайды ОҚО әкімінің баспасөз қызметі.

Азаматтық форумда сөз алған аймақ басшысы бүгінде қоғамдық ұйымдар, үкіметтік емес сектор, белсенді және бастамашыл азаматтарсыз біздің мемлекеттілігіміздің саяси және әлеуметтік-экономикалық тұрғыдан дамуын көзге елестету мүмкін еместігін айтты.

«Елбасымыздың «100 нақты қадам» Ұлт жоспарындағы халық алдында есеп беретін мемлекетті қалыптастыру мақсатында «Қоғамдық кеңестер туралы» Заң қабылданып, республикалық, облыстық, аудандық, қалалық деңгейлерде қоғамдық кеңестер құрылған. Осындай ұйымдардың құрамына қоғамның түрлі саласының мүддесін білдіретін бірлестіктердің 80-ге жуық жетекшілері енгізілген. Бұл Ата заңымызда көрсетілген азаматтық қоғамды дамытуға деген мемлекеттің кезекті бір қадамы деуге болады», — деді Ж.Түймебаев.

Сонымен бірге, өз сөзінде өңір басшысы азаматтық қоғамды дамыту үшін бірқатар ұсыныстарын жеткізді. Атап айтқанда, әкім аймақтағы қоғамдық-саяси тұрақтылық пен толеранттылықты тереңдетіп, халықты әлеуметтік қорғау, оның ішінде, әсіресе, қоғамның әлсіз топтарына көмек беруді айтты. Сонымен қатар, Жансейіт Қансейітұлы жастарды отансүйгіштікке тәрбиелеп, ұлт аралық қатынаста әдептілікті сақтау қажеттігіне тоқталып, діни экстремизм мен терроризмге бірлесе қарсылық таныту керектігін жеткізді.

Мұнан соң, алқалы жиында облыстағы белсенді үкіметтік емес ұйым өкілдері марапатталып, әлеуметтік идеялар мен жобалар жәрмеңкесінің жеңімпаздары құттықталды. Сондай-ақ, VII Азаматтық Форумға келген делегаттардың тізімін бекітілді.

Айта кетейік, облыстағы қоғамдық ұйымдардың саны 2000 жылдары 400-ге жуық болса, 2016 жылы олардың саны 1200-ді құрап, яғни 67 пайызға өсіп отыр.

Бұл бағыттағы жұмыстың ауқымын көрсету үшін төмендегі көрсеткішті айтсақ. Егер 2006 жылы облыстық бюджеттен мемлекеттік әлеуметтік тапсырысты орындауға 6 миллион теңге бөлінген болса, ал бүгінде 540 миллионнан астам теңге қаржы қаралған. Осыған байланысты облыста мемлекеттік әлеуметтік тапсырыс бойынша бастапқыда 1 ғана облыстық басқарма (облыстық ішкі саясат басқармасы) жұмыс істесе, бүгінгі күнге үкіметтік емес ұйымдармен аудан, қала әкімдіктерімен қатар 5 облыстық басқарма жұмыс істейді.

Қоғамдық бірлестіктер бойынша ең либералды заң біздің мемлекетіміздің еншісінде. Көршілес мемлекеттерде тиісті органдарға бір рет есебін бермеген қоғамдық ұйымдарға оларды жабу процедурасын қолданады.

Әлеуметтік міндеттемелердің бір бөлігін азаматтық қоғамның өз міндетіне алуы өркениетті әлемде қалыпты құбылыс болып саналады.

ОҚО-да «Қазақ дастарханы» ет асу фестивалі өтті

Клара Ермағамбетова

-

11.11.2016

0

ОҚО-да «Қазақ дастарханы» ет асу фестивалі өтті

Бүгін Шымкент қаласындағы «Оңтүстік» қабылдау үйінде» Тәуелсіздіктің 25 жылдығына орай «Қазақ дастарханы» фестивалі өтті. Оңтүстік Қазақстан облыстық Қазақстан халқы Ассамблеясының ұйытқы болуымен өткен шара аясында өңірдегі 20 этномәдени бірлестік қазақтың ұлттық тағамдары қойылған достық дастарханын жайып, ет асудан аспаздық шеберліктерін көрсетті, деп хабарлайды «Қоғамдық келісім» КММ баспасөз қызметі.

Өңір басшысының құттықтауын жеткізген ОҚО ҚХА төрағасының орынбасары, хатшылық меңгерушісі М.Қалмұратов: – Өткен тарих пен қазіргі берекелі заманды саралаған жанға бүгінгі шараның мәнін түсіну аса қиын емес. Кеңестік дәуірдегі солақай саясаттың салдарынан қазақ еліне жер аударылғандар алдыңғы буынның кең пейілі мен берекелі дастарханының арқасында осы күнге аман-есен жетті. Бүгінде біз бәріміз бір халықпыз. Бәріміздің туған жеріміз біреу, ол – дархан Қазақ даласы, деді.

Этностарды мемлекет құраушы қазақ халқының маңайына топтастыру арқылы қазақстандық бiрегейлiк пен бірлікті, этносаралық келiсiмдi қамтамасыз етуді көздеген шараға өңірдегі зиялы қауым өкілдері, ардагерлер кеңесінің мүшелері, саяси партиялар мен үкіметтік емес ұйымдардың жетекшілері, дін өкілдері мен белгілі спортшылар, облыстық Қазақстан халқы Ассамблеясы құрылымдарының жетекшілері, өңірдегі этномәдени бірлестіктердің белсенді мүшелері, аудан, қала делегациялары мен БАҚ өкілдері және Арыс қаласындағы балалар үйінің тәрбиеленушілері қатысты.

Оңтүстікқазақстандық этномәдени бірлестік өкілдерінің қазақша ет асудағы кәсіби шеберліктерін бағалаған қазылар алқасы III орынға – өзбек, татар-башқұрт, қырғыз этномәдени бірлестіктерін, II орынға – «Ынтымақ» этносаралық мәдени бірлестігі мен түрік этномәдени бірлестігін лайық деп тапты. I орынға – ұйғыр этномәдени бірлестігіне табыстап, Бас жүлдені иран этномәдени бірлестігіне тапсырды.

ОҚО-да «Алтын күз – 2016» мерекесі тойланды

Клара Ермағамбетова

-

11.11.2016

0

ОҚО-да «Алтын күз – 2016» мерекесі тойланды

Бүгін Оңтүстік Қазақстанда Ел Тәуелсіздігінің 25 жылдығы мен ауыл шаруашылығы еңбеккерлерінің күніне арналған «Алтын күз — 2016» салтанатты шарасы өтті. Ауыл шаруашылығы саласының жетістіктері баяндалған мерекеге келушілерді облыс әкімі Жансейіт Түймебаев құттықтап, биылғы жылдың өңір шаруаларына берекелі болғанын атап өтіп, шаруаларға қуанышты хабар ретінде келер жылға 6 млрд. 47 млн. теңге субсидия бөлінгенін жеткізді.

«Егіс көлемі өткен жылмен салыстырғанда 13 мың га артып, бақша, көкөніс, мақта, картоп және жеміс-жидек дақылдарынан мол өнім жиналды. Өнім көлемін, гектар түсімділігін арттыруға негізінен шаруашылықтардың агротехнологиялық іс-шараларды дұрыс жүргізу мен өндіріске озық технологияларды ендіруге бет бұруының нәтижесінде қол жеткізіп отырғандығымызды мақтана айтуымызға болады. Оның ішінде, терең қопсыту технологиясы, тамшылатып суғару әдісі мен жылыжайлардың көлемі бойынша Республикада көш бастап келеміз», — деді аймақ басшысы.

Сонымен қатар, мерекелік басқосуда, Жансейіт Қансейітұлы облыста соңғы үш жылдың өзінде 2 мың га өндірістік интенсивті баулар отырғызылғанын айтып, оның тиімділігі гектарынан мақтамен салыстырғанда 30 есеге, бақшамен салыстырғанда 10 есеге артық өнім алуға болатынын жеткізді. Қарқынды баулардың көлемін ұлғайтуға Күнгейде мүмкіндіктердің барлығы бар екеніне тоқталған әкім мал шаруашылығында да қабылданған іс-шаралар мен «Сыбаға», «Алтын асық», «Құлан» бағдарламалары жоғарғы деңгейде орындалып жатқанын баяндады.

Мұнан соң, аймақ басшысы түрлі ауыл шаруашылық өнімдерін өндіруден І орын алған озат аудан, қалаларды атап, арнайы мүсін мен облыс әкімінің сертификаттарын табыстады. Мәселен, астық өндіруде Қазығұрт ауданына ешкім тең келмесе, жүгері өндіруде Отырар ауданы, мақсарыда Төлеби, мақта бойынша Мақтарал аудандары үздік деп танылды. Ал бақша өнімдерін жинау бойынша шардаралықтар көш бастаса, көкөністе Сарыағаш, жеміс-жидекте Түлкібас, сүт Арыс қаласы, ет өндіруде Ордабасы шаруаларының мерейі үстем болды. «Сыбаға» бағдарламасының орындалуы жөнінен түркістандықтар ерлеп, «Алтын Асық» бағдарламасы шеңберінде Бәйдібек озық шықты. Ал озық инвестициялық жобаларды іске асыруда Шымкент қаласы басым болса, ауыл шаруашылығы саласының дамуына үлес қосуда Мақтарал, ауыл шаруашылығы жәрмеңкесін ұйымдастыруда Сайрамның беделі биік болды.

Мұнан бөлек, бұл күні түрлі салалар шеңберінде ІІ және ІІІ орындағы және өзге де еңбек озаттарының номинацияларды алған 75 аудан, қала әкімдіктерінің өкілдері мен шаруашылық жетекшілерінің мерейі үстем болды.

Айта кетсек, мемлекет тарапынан тұқым шаруашылығын қолдау, гектарлық субсидия, жеңілдетілген жанар-жағар май, тыңайтқыштармен қамтамасыз ету, мал шаруашылығы өнімі мен асыл тұқымды мал шаруашылығын қолдау, қайта өңдеу кәсіпорындарының шикі затты сатып алу құнын төмендету, инвестициялық субсидия, кредит/лизингтің пайыздық үстем ақыларын субсидиялау бағдарламаларының саланы дамытуға тікелей ықпал етуде. Оған дәлел, биылғы жылдың өзінде ауыл шаруашылығы тауар өндірушілерін қолдауға 13 бюджеттік бағдарлама бойынша 26,0 млрд. тң бөлініп, өткен жылдан 24 % артты.

Дегенмен де жылдан-жылға халық санының өсіміне және экономикалық жағдайдың жақсаруына байланысты сапалы ауыл шаруашылығы өнімдеріне деген сұраныстың артатыны сөзсіз. Сондықтан алдымызда аталып өткендей, облыстың аграрлық саласын 2017 – 2020 ж.ж. арналған дамытудың алты бағыты айқындалды. Оның ішінде бірінші кезекте ауыл шаруашылығы кооперативтер жүйесін қалыптастыруға, суармалы жерлерді қалпына келтіру, ұлғайтуға облыс әкімдігі тарапынан барлық шаралар атқарылатын болады.

Алматы облысында бір ғана жылыжайдан 40 мың тонна қияр мен қызанақ алынбақ

Клара Ермағамбетова

-

11.11.2016

0

Алматы облысында бір ғана жылыжайдан 40 мың тонна қияр мен қызанақ алынбақ

Алматы облысында қияр мен қызанақ көптеп өсірілмек. Осы мақсатта Қапшағай қаласындағы «Green land Alatau» жылыжайы инвесторларды тартпақ. Бүгін жобаның мән-жайын Премьер-Министрдің бірінші орынбасары Асқар Маминге таныстырды.

Қазіргі таңда жылыжайдың жалпы аумағы 10 га жерді құрайды. Аталған жобаны «ҚазАгро» арқылы жүзеге асыру мүмкін болған. Енді инвесторларды тарту арқылы табиғи таза өнім көлемі еселеп артпақ. «Green land Alatau» жылыжайының бөлім басшысы Ескендір Мұхамеджановтың айтуынша, алқап көлемі 60 га дейін жеткізілмек.

«Мұндай алып жобаны жүзеге асыруға индустриялық аймақтың үлесі зор. Бізге барлық жағдай жасалған. Өздеріңіз білесіздер, жылыжай салу өте машақаты көп шаруа. Жергілікті биліктің қолдауының нәтижесінде жұмысымызды жандандырып жатырмыз», — дейді «Green land Alatau» жылыжайының бөлім басшысы Ескендір Мұхамеджанов.

Енді 6 мың тонна өнімді 40 мың тоннаға дейін ұлғайту жоспарлануда. Аталған жоба Алматы облысындағы «Береке» индустриялық аймағында жүзеге асуда. Инвестицияның жалпы құны 66 млрд теңгеден астам қаржыны құрайды.

Айта кетелік, қазіргі таңда Алматы облысында индустриялық аймақта түрлі жобалар жүзеге асуда. Алдағы уақытта ет өңдейтін кәсіпорын іске қосылмақ. Басым бөлігі қой етіне бағытталмақ. Бүгінде облыс бойынша 4 млннан астам қой бар. Алайда, оны заман талабына сай өндейтін кәсіпорын жоқ. Енді Германияның «Baumann» компаниясы мәселені қолға аламыз деп отыр. Аталған кәсіпорын 1937 жылдан бері нарықта қой етін өңдеумен айналысып келеді. Жоба ойдағыдай жүзеге асса экспорт көлемі артады.

ҚазАқпарат

Алматы облысында 50 жеткіншек әскери өмірмен танысты

Клара Ермағамбетова

-

11.11.2016

0

Алматы облысында 50 жеткіншек әскери өмірмен танысты

Алматы облысындағы 12/740 әскери бөлімінің тыныс-тіршілігімен 50 жеткіншек танысты.

Кербұлақ ауданында екі күнге жалғасқан шара барысында олар әскердегі өмірді көріп, қару-жарақтарды меңгеріп, түрлі жарыстарға қатысты, деп хабарлайды ҚазАқпарат тілшісі.

Сондай-ақ сапта жүруді үйренген жастар, әскери борышын өтеп жүрген сарбаздармен етене жақын әңгімелесіп, жауынгерлік астан да дәм татты. Мұндағы басты мақсат жас өрендер бойында патриотизмді қалыптастыру. Отан қорғауға деген құлшынысын арттырып, әскери адамның оң имиджін қалыптастыру, дейді ұйымдастырушылар. Ал «Өрлеу» әскери-патриоттық лагеріне Алматы облыстық жастар саясаты мәселелері басқармасы мен Жетісу жастары ұйымының конгресі ұйытқы болды. Аталған шараны дәстүрлі түрде өткізу жоспарлануда.

Алматы облысының әкімі Асқар Маминнен көмек сұрады

Клара Ермағамбетова

-

11.11.2016

0

Алматы облысының әкімі Асқар Маминнен көмек сұрады

Алматы облысындағы Алакөл жағалауын көл суы шайып жатыр. Нақтырақ айтқанда, Көктұма ауылындағы бүтін бір көше судың астында қалған. Күз және көктем кездерінде жел қатайып, жағалауды шайып кетеді. Аталған өзекті мәселе жөнінде бүгін Алматы облысының әкімі Амандық Баталов бірінші вице-премьер Асқар Маминге мәлімдеді.

Қазіргі таңда Алакөл жағалауын бекіту жұмыстары өзекті проблема болып тұр. Аталған мәселені шешу үшін қыруар қаржы қажет. Қазірдің өзінде бір шақырымнан астам жер көлдің астында қалған. Амандық Баталов Көктұманың өзекті мәселесін шешу жөнінде ҚР Премьер-Министрінің бірінші орынбасары Асқар Маминнен көмек сұрады. Бірақ аталған жұмыстарды атқару үшін нақты қанша қаражат керектігі жөнінде айтылмады. Сондай-ақ Амандық Баталов бірінші вице-премьерге облыстағы туризм саласы төңірегінде атқарылып жатқан жұмыстар жайлы хабардар етті. Енді туристер Алакөлге ұшақ арқылы қатынайтын болады.

Көктемде Үшарал әуежайы алғашқы жолаушыларын қабылдайды деп жоспарлануда. Аталған жоба құрылысына 1 млрд теңгеден астам қаржы бөлінді. Сондай-ақ қазіргі таңда Алакөлде 400-500 орындық заман талабына сай демалыс орындары салынып жатыр.

ҚазАқпарат

Құрғақ порттағы кәсіпорынның құрылысын бастап берді

Клара Ермағамбетова

-

11.11.2016

0

Құрғақ порттағы кәсіпорынның құрылысын бастап берді

Қазақстан Республикасы Премьер-Министрінің бірінші орынбасары А. Мамин Алматы облысындағы сапарын «Қорғас» ХШЫО нысандарында жалғастырды. Орталықтағы Бақылау-өткізу пунктінде кеден және шекара қызметінің өкілдері кедендік бақылау мен төлқұжаттық тексеруден өту процедуралары жайлы баяндады. Орталықта жоспарланған 91 инфрақұрылым нысандарының бүгінгі күнге 74-інің құрылысы аяқталып, 4-еуі бітуге таяу. Терминал аймағы мен «Самұрық» орталық алаңындағы екі сауда үйінің құрылысы аяқталған. 2017 жылы орталық алаң, қолөнершілер қаласы, бизнес-орталық, көпфункционалды ғимарат пен сауда орталығын салып бітіру көзделген. Бүгінгі күні «Қорғас» ХШЫО-ға күніне 1700-2700 адам шамасында келеді.

Сондай-ақ бірінші вице-премьер бастаған ресми делегация «ҚТЖ» ҰК» АҚ жатақханасы мен «Нұркент» кентіндегі жергілікті атқарушы органның екі тұрғын үйінің құрылысымен танысты. Облыстық құрылыс басқармасының басшысы Т. Бектасовтың айтуынша, екі тұрғын үй құрылысының жалпы құны 870,2 млн.теңге. Оған 2015 жылы жергілікті бюджеттен 100 млн.теңге бөлініп, игерілген. Ал биылғы жылы 759,332 млн.теңге қарастырылып, құрылысты аяқтау межеленіп отыр. Құрылыс жұмыстарын «Newconstruction» ЖШС жүргізуде.

Ал «ҚТЖ» жатақханасының салыну барысы туралы «KazSMU» ЖШС директоры Кенжебай Жапаров айтып берді. Шағын отбасыларға арналған 60 пәтерлі коммуналдық үйлердің құрылысы толық аяқталып, қазір ішкі әрлеу, сыртқы абаттандыру жұмыстары жасалып жатыр. «KazSMU» ЖШС өздерінің сату-сатып алу туралы Келісімшарттар жасасуға дайын екендіктерін айтты.

Сапар барысында А. Мамин «Батыс Еуропа – Батыс Қытай» автокөлік жолы учаскесінде болып, онда аталған автожолдың құрылысымен және «Қорғас» ХШЫО аумағындағы Қорғас өзенінің су бөгеті құрылысының жүргізілу барысымен танысты.

«Батыс Еуропа – Батыс Қытай» автокөлік жолының Алматы облысы аумағын басып өтетін ұзындығы 460,5 шақырымды құрайды. Мұндағы құрылыс 2013 жылдың қазан айында басталған. Жұмыстар 304 шақырымдық 8 учаскеде жүріп жатыр, оған 4 мердігер компания тартылған. Автокөлік жолы 4 жолақты қозғалысқа, қозғалыс жылдамдығы 120 ш/сағ. есептелген, бөлу жолағының ені 5 м., жол цемент бетон жабынды болады деп жоспарланған. «Алматы — Қорғас» автокөлік жолының учаскелері облыстың Іле, Талғар, Еңбекшіқазақ, Ұйғыр, Панфилов аудандарын басып өтіп, «Алматы — Өскемен» автожолының 24 шақырымынан Алматы қаласын айналып, «Жетіген — Қорғас» темір жолымен бір дәлізде Қытай шекарасына шығады.

Қорғас өзеніндегі бөгет құрылысы барысымен «Қазселденқорғау» ММ басшысы Тоқтарбек Баймолдаев баяндады. Т. Баймолдаевтың айтуынша, Қорғас-1 жобасын жүзеге асыру шеңберінде 2016 жылы Ойжайлау саласына апаратын эксплуатациялық-тракторлық жолдардың құрылысы жасалуда. Селден қорғайтын Шүкірбұлақ бөгетінің құрылысын бастау үшін оның құрылысының жобасы қазір Қазақстан мен Қытай мемлекеттік органдарында келісімнен өткізілуде. Қорғас өзенінде шұғыл селден қорғау шараларын атқару үшін 700,8 млн. теңге бөлінді. Бүгінге дейін жер қазу, дамб тұрғызу, себу жұмыстары атқарылды. Қорғас-1 жобасын жүзеге асыру мен Қорғас – 2 жобасының 1-ші кезеңінің жобалық-сметалық құжаттамасын әзірлеуге 90 млн. теңге бөлінген. Конкурс нәтижесі бойынша «Жилстрой-2004» ЖШС жеңімпаз деп танылған.

Сапар қорытындысында Үкімет басшысының бірінші орынбасары А. Мамин мен облыс әкімі А. Баталов Құрғақ порт аймағында болып, ондағы алғашқы кәсіпорынның бірі дәнді дақылдарды қабылдау, кептіру, сақтау нысанының қазығын қақты.

Айта кетейік, бұл нысанның жобалық құны 675 млн. теңге, 48 адамға жұмыс береді. Кәсіпорын бір мезгілде 15 мың тонна өнім сақтап, 2-ші желісі кеңейтілген кезінде сақтау көлемі 30 мың тоннаға жеткізілмек.

Елордада ҚР Тәуелсіздігінің 25 жылдығына арналған концерт өтеді

Клара Ермағамбетова

-

11.11.2016

0

Елордада ҚР Тәуелсіздігінің 25 жылдығына арналған концерт өтеді

11 қарашада сағат 19.00-де «Астана» концерт залында (Конгресс-холл) ҚР Тәуелсіздігінің 25 жылдығына арналған «Әнім сенсің, Туған Ел!» концерті өтеді.

Мерекелік концерттік бағдарламаны Астана қаласы әкімдігі Мемлекеттік академиялық филармониясының қазақ оркестрі орындайды. Көркемдік жетекші және бас дирижеры – ҚР еңбек сіңірегн қайраткері, профессор Айтқали Жайымов. Дирижер – Мәдениет қайраткері Нұрлан Бекенов.

Бұл кеште қалалық филармонияның ең үздік дауыстары Сіздерді ләззатқа бөлейді. Аңызға айналған қазақстандық композиторлар Түркештің, Ғ.Құрманалиевтің, М.Қанапияновтың, Т.Базарбаевтың, Б. Тілеухановтың, Т. Ізтайдың, Н. Тілендиевтің, К.Күмісбековтың, А. Жайымовтың және жас композиторлар Арман Жайым мен Нұрлан Бекеновтың әндерін классикалық, эстрадалық және халықтық вокал бөлімінің орындаушылары шырқайды.

Қалалық филармония әртістері концерттік бағдарламада тыңдармандарға «Салем саған, Туған Ел», «Дархан Дала», «Туған жер» , «Атамекен», «Ұлы дала» және т.б. көптеген осы сынды шығармаларын ұсынады.

Қалалық мәслихат депутаттары Астана көшелерінің жаңа атауларын мақұлдады

Клара Ермағамбетова

-

11.11.2016

0

Қалалық мәслихат депутаттары Астана көшелерінің жаңа атауларын мақұлдады

Елордада Орынбор көшесінің атауын Мәңгілік ел деп өзгерту және атаулары қайталанатын көшелерді жаңаша атау мәселесі көтерілді, деп хабарлайды қалалық әкімдіктің баспасөз қызметі. Кезектен тыс 11-ші сессия барысында қалалық мәслихат депутаттары ономастикалық комиссия ұсынған жаңа көше атауларын мақұлдап, бұл мәселеге нүкте қойды.

«Алматы» ауданында Хусейн бен Талал көшесі пайда болады, оның жобалық атауы 23-17 болған, Кенен Әзірбаев (бұрынғы 23-31 көше), және А19 деп аталған көшеге Темірбек Жүргеновтың есімі берілді. Ал бұрынғы Хусейн бен Талал көшесі енді Ұлы Дала даңғылы деп аталады. Иван Панфилов атындағы көше Сәкен Жүнісов көшесі деп өзгертілді, ал Бейімбет Майлин және жобалық атауы А193 көшесі біріктірілетін болды. Еңбекшілер көшесі №36 көшемен біріктіріліп, Әлихан Бөкейханов даңғылы деп аталады. Ал «Сарыарқа» ауданындағы осы аттас көшеге Әзербайжан Мәмбетовтың есімі берілді. «Есіл» ауданында жобалық атаулары ғана болған 10 көшеге жаңа атаулар берілді. Солардың бірі Е10 көшесі Орынбор көшесі деп аталады. Одан басқа, сол жағалауда Нияз би, Нұрпейіс Байғанин, Сұлтанбек Қожанов, Қайым Мұхамедханов, Никола Тесла, Рабиға Есімжанова, Саттар Ерубаев, Ханшайым Сүйінбике және Бұқар жырау есімдерімен аталатын көшелер пайда болды. Әділет органдарында тіркелген соң он күн өткен соң бұл шешім күшіне енеді. Демек, елорда тұрғындары мен қонақтары қалада адаспас үшін көшелердің жаңа атауларын біліп алу қажет.

Кентау білім көрсеткіші бойынша республикадағы ең үздік 100 білім ұясына кіреді

Клара Ермағамбетова

-

11.11.2016

0

Кентау білім көрсеткіші бойынша республикадағы ең үздік 100 білім ұясына кіреді

Бұл туралы Кентау қаласының әкімі Әбдібақыт Мақұлбаев ОҚО Аймақтық коммуникациялар қызметінде өткен брифингте хабарлады. Тәуелсіздік жылдарындағы жетістіктерді баяндаған қала әкімі жалпы өңірлік өнім 1855 млн. теңгеден 28 447,6 млн. теңгеге жетіп, 16 есеге өскенін айтты.

Ал өнеркәсіп орындары өткен жылы 20715,7 млн. теңгенің өнімін өндірсе, өнім көлемі 25 жылда 17 есе артқан. Сонымен қатар, Кентау қаласы бойынша ҮИИД 2010-2019 жылдарға арналған бағдарламасы шеңберінде жалпы құны 4411,0 млн. теңгені құрайтын 5 жоба жүзеге асырылған. Нәтижесінде жаңадан 335 жұмыс орны ашылды.

Егемендігімізді алған жылдардан кейін қаладағы «Шұғыла», «Болашақ», «Батыс», «Жұлдыз» сынды шағын аудандарда 73192,1 шаршы метрді құрайтын 639 жеке тұрғын үй салынды. Қазіргі таңда сол шағын каудандарға инфрақұрылым (жол, ауыз су, электро желілері, байланыс, кәріз жүйелері) құрылыс жұмыстары жүргізілуде. Бұл жұмыстар 2012 жылы Елбасы қолға алған «Моноқалаларды дамыту» бағдарламасы аясында жүзеге асып отыр.

«Білім көрсеткіші бойынша мұндағы мектептер республикадағы ең үздік 100 білім ұясына кіреді. Балабақшалар саны да артқан. Мерейтойды кең көлемде атап өту мақсатында 300-ден астам іс шаралар өтеді. Бүгінде бұл шаралардың бір қатары шағын ауылдарда аталып өтілуде»,- деді қала басшысы.

Жалпы Кентау қаласы және қала аумағында 2006-2016 жылдары 9,33 млрд теңгеге 47 нысанға құрылыс жұмыстары жүргізілді. Атап айтқанда: Бір пәтерлі 22 коммуналдық жеке тұрғын үйлер, 1 бес қабатты 60 пәтерлі үй, 6 типтік мектеп, 4 бала бақша, 4 инфрақұрылым нысандары, 1 су тазарту станциясы, 2 беккари шұңқыры, 4 мал тоғытатын орындар мен 3 малдарды қолдан ұрықтандыру бекеттері және т.б. құрылыстар жүргізілген.