Jas.kz

Бүгін ғаламтор желісінде Оңтүстік Қазақстан облысында газдың сатылу бағасын 62 теңгеге көтеріледі деген дереккөзі белгісіз жалған ақпарат тараған болатын.

Өңір тұрғындарының назарына ОҚО-дағы табиғи газдың сатылу бағасы табиғи монополияларды реттеу комитетімен 2016 жылы 1 шілдесінен бастап:

— жеке тұлғаларға сатылатын 1000 м³ газдың бағасы 31 341,09 теңге;

— заңды тұлғаларға 34 749,08 теңге;

— жылу энергиясын өндіретін заңды тұлғалар үшін 1000 м³ газдың бағасы 21 714,64 теңге болып бекітілгенін хабарлаймыз.

Бұл тариф бағасы 2016 жылдың соңына дейін өзгермейтін болады, деп хабарлайды ОҚО әкімінің баспасөз қызметі.

Ғаламтор желісінде газ  бағасының көтерілуі туралы негізсіз ақпарат таратқаны үшін Қазақстан Респуликасының қылмыстық кодексінің 274 бабына сәйкес, «Шындыққа сәйкес келмейтін ақпаратты таратып қоғамдық тәртіпті бұзу қауіпін туғызған немесе азаматтардың құқықтарына және ұйымдардың немесе қоғамның я мемлекеттің заңмен қорғалатын мүделеріне айтарлықтай нұқсан келтіргендерге ірі көлемде айыппұл салу немесе 10 жылға дейін бас бостандығынан айыру жазасын беру»  белгіленгенін ескертеміз.

Қазақстан Республикасы Тәуелсіздігінің 25 жылдығына орай, Ордабасы ауданы жастары арасында «Тәуелсіз елдің ұланымыз!» суретшілер байқауы өтті, деп хабарлайды ОҚО әкімінің баспасөз қызметі.

14 пен 29 жас аралығындағы өнерлі өрендер еліміздің егемендігін қағаз бетінде бейнелеп, көпшіліктің назарына ұсынды. 38 үміткер өз туындысын бәйгеге қосып, қазылар алқасының төрелігіне жүгінді. Байқау нәтижесінде «Батсу» негізгі орта мектебінің оқушысы Н.Жақсылықова бас жүлдені иеленіп, «Кәусар» гимназиясынан Қ.Ерболатұлы — І, Б.Нұрлыбеков атындағы жалпы орта мектеп оқушысы Д.Нұртаев — ІІ, Амангелді жалпы орта мектебінен Ж.Сайлаубек ІІІ орынды өзара бөлісті. 

Аудандық Жастар орталығының директоры М.Сайлыбаев байқауға қатысушыларға ерекше ризашылығын білдірді. Қазақстанның Тәуелсіздігі — баға жетпес байлығы екенін айта келе, жастарды жақсылыққа үндеді. Жүлдегерлерге аудан әкімінің Алғыс хаты мен бағалы сыйлықтар табыстады.

Бүгін облыс әкімдігінде Оңтүстік Қазақстан облысының әкімі Жансейіт Түймебаевтың төрағалығымен күзгі маусымда Шымкент қаласында отырғызылатын ағаш көшеттері бойынша жиын өтті, деп хабарлайды ОҚО әкімінің баспасөз қызметі. Отырысқа Шымкент қаласының әкімі Ғабидулла Әбдірахымов пен салаға қатысты жауапты жетекшілер қатысты.

Жиында қаладағы 4 аудан әкімдігіне қарасты саябақтар мен гүлзарларға, сонымен бірге, елді мекендерді қосатын жол бойлары, мектептер мен балабақшаларға, ауруханаларға және І санатты орталық көшелерге егілетін жасыл желектердің жоспарын баяндаған шаһар басшысы Ғ.Әбдірахымов аталған аумақтарға 77 мың түптен астам жасыл желекті отырғызу жұмыстары екі кезеңмен жүретінін жеткізді.

Қала әкімінің айтуынша, көлемі 22,5 га болатын саябақтар мен гүлзарларға 8 мың түптен астам қырым қарағайы мен шынар, липа отырғызылса, Абай, Әл-Фараби, Еңбекші және Қаратау аудандарына қарасты аумақтарға 22 мың түптен астам қарағаш отырғызылмақ. Жұмыстарды «Шымкент жасыл қала» мемлекеттік мекемесі жүргізетін болады.

Күздік көшеттерді отырғызу жұмыстары, сондай-ақ, Шымкенттегі орталық даңғылдар мен көшелерге де жүргізілмек. Атап айтқанда, қаладағы Темірлан тас жолы, Арғынбеков көшесі, Қонаев даңғылы, Бәйдібек би даңғылы сынды 21 орталық көшеге 47 мың түпке жуық жасыл желек егіледі. Шаһардың сәніне көрік беретін мұндағы ағаштардың дені туя (боз арша), легуструм, қарағаш, қырым қарағайы, каштан, терек, форзиция, клен сынды ағаштардың көшеттерінен тұрады.

Облыс орталығы – Шымкентті көгалдандыру жұмыстары аясындағы мәліметтерге қаныққан Жансейіт Қансейітұлы жасыл желектердің өңір климатына сай болуы керектігіне назар аударып, аптап ыстықта сая болатын қылқанжапырақты ағаштарды көптеп егуді тапсырды. Көшеттердің басым бөлігін Қазығұрт ауданындағы «Жасыл желек» тұқымбағынан алуға нұсқау берген аймақ басшысы әр аптадағы сенбілік кезінде жоспардағы күздік көшеттерді отырғызып үлгеруді тапсырды.