Jas.kz

Есіл өзені мен Ақбұлақтың бойына «Мұзға шығуға тыйым салынған! Өмірге қауіпті!» тақтайшалары орнатылды. Құтқарушылардың айтуынша, алғашқы суық түскенде түзілген мұз өте жұқа болады. Оның қалыңдығы небары 47 см құрайды, бір адам үшін қауіпсіз болатын мұздың қалыңдығы 7 см-ден кем емес, ал топ үшін 1215 см болуы керек.

Су бетіне мұз қата салысымен бірінші болып коньки мен шана тебуге асыққан балалар мен жасөспірімдер өзенге жүгіреді. Жұқа мұздың үстімен жүрудің аса қауіпті екендігін құтқарушылар жақсы біледі. Қайғылы оқиғалардың алдын алу үшін елордалық ТЖ қызметі тәулік бойғы режимде жұмыс істейді, деп хабарлайды қалалық әкімдіктің баспасөз қызметі.

Мұнарадан бақылау жүргізіліп, жағалау сызығы шолынады, қаладағы су тоғандарындағы мұз қабатына мониторинг жүргізіледі. Қазір арнайы жасаққа 76 құтқарушы тартылған, үйретілген иттер де көмекке келуге дайын.

«Соңғы үш жылда мұз қатуға қатысты қайғылы оқиғалар тіркелген жоқ. Біз ауқымды үгіт-насихат жұмыстарын жүргізіп отырамыз. Ұйымдар мен кәсіпорындарға, оқу мекемелеріне үш мыңға жуық материал тараттық. Күн сайын бірнеше адамға — балықшыларға, балаларға ескертеміз. Коньки теуіп жүрген ұлдарды көруге болады. Олар бізді көре сала қашып кетеді де, кейін өзенге қайтып келеді. Биыл өзенге мұз қату мектеп демалысымен сәйкес келді, сол себепті ата-аналардан балаларына қарайлап, оларды өзенге жібермеуді сұраймыз», — деп мәлім етті Астана қ. Орталық өңірлік аэроұтқыр жедел-құтқару жасағы басшысының орынбасары Бейсенбай Жексенов.

Сондай-ақ, ол мұз астына құлаған кезде ереже сақтаудың маңыздылығын атап көрсетті. Оның айтуынша, ең бастысы үрейленбей, көмекке шақыру керек. Жүкті, жолдорбаны бір иыққа асу керек, ал ең жақсысы оны мұздың үстіне салып, сүйрету. Шұғыл қимылдамаған дұрыс. Мұз үстіне екі қолдың арасын кең ашып, құлаған жаққа қарай шығу керек.

Синоптиктердің болжамына сәйкес, жылы ауа райы қарашаның үшінші онкүндігіне дейін сақталады. Содан кейін ауа температурасы төмендеуі мүмкін.

Астана қаласының әкімдігі жұмыс берушілер үшін мүгедектерге арналған жұмыс орындарының квотасын анықтауды қаулы етті, деп хабарлайды қалалық әкімдіктің баспасөз қызметі.

Қалалық билік елордалық жұмыс берушілер үшін мүгедектерге арналған жұмыс орындарына квоталар белгілеуді қаулы етті. Бұл туралы Қоғамдық кеңестің кезекті отырысында мәлім болды. Отырыс барысында 5 нормативтік құқықтық актінің жобасы қаралды. «Астана қаласындағы жұмыс орындарының квоталарын белгілеу туралы» жобасы жайлы Астана қаласы әкімдігінің «Жұмыспен қамту орталығы» КММ директоры Олжас Омар баяндама жасады. Қаулы жобасымен мүмкіндігі шектеулі жандарды жұмыс орнымен қамтамасыз ету қарастырылған. Егер ұжым құрамында елу және одан да көп адам есепте болса, онда мүмкіндігі шектеулі жандардың саны 2%-ды құрауы қажет. 101-ден 250 адамға дейін — жұмысшылардың тізімдік санының 3%-ы мөлшерінде, егер кәсіпорын ұжымы 251 адамнан жоғарыны құраған жағдайда, мүгедектерге арналған жұмыс квотасы жұмысшылар санының 4%-ын құрайды.

Сонымен қатар, жобада астаналық жұмыс берушілерге жұмыс орындарын ұсыну қажет болатын тұлғалардың санаты көрсетілді. Олардың арасында бас бостандығынан айыру орындарынан босаған пробация қызметінің есебінде тұратын адамдар да бар. Жұмыс квотасы жұмыс орнының жалпы санының 1% мөлшерінде белгіленді. Жастарды жұмыспен қамту мәселесі көрсетілді. Кәсіпорын басшылары білім беру ұйымдарының бітірушілері болып табылатын, ата-анасынан айрылған немесе кәмелеттік жасқа жеткенше олардың қамқорлығынсыз қалған жастар арасынан азаматтарды жұмыспен қамту үшін жұмыс орнының жалпы санының бір пайызы мөлшерінде жұмыс орындарының квотасын белгілеу қажет.

2016 жылғы 1 қарашада Астана қаласының теміржол вокзалында Қазақстан халқы Ассамблеясының бастамасымен Қазақстан Республикасы Тәуелсіздігінің 25 жылдығына арналған «Тәуелсіз Қазақстан» пойызы» республикалық акциясы бастау алады, деп хабарлайды қалалық әкімдіктің баспасөз қызметі.

Акция аясында түрлі мәдени және қоғамдық іс-шаралар ұйымдастырылып, медициналық, әлеуметтік, құқықтық көмектер көрсету, сондай-ақ ауыл шаруашылығы, кәсіпкерлік, білім және тағы басқа салалар бойынша консультациялық кеңестер беріледі.

Акция 14 желтоқсанда аяқталады.

Ұйымдастырушылардың айтуынша, пойыз 35 елді мекенге тоқтайды.