Jas.kz

Кеше облыс әкімдігінде Оңтүстік Қазақстан облыстық қоғамдық кеңестің отырысы өтті, деп хабарлайды ОҚО әкімінің баспасөз қызметі.

Кеңес отырысына облыс әкімінің бірінші орынбасары – Д.Сатыбалды, облыс әкімінің аппарат басшысы – Е.Әлімқұлов, облыстық қоғамдық кеңес мүшелері, облыстық басқарма басшылары және БАҚ өкілдері қатысты.

Отырысты облыстық қоғамдық кеңес төрағасының міндетін атқарушы, облыстық мәслихаттың депутаты Ө.Мелдеханов ашып, жүргізіп отырды.

Кеңестің күн тәртібінде төрт мәселе қаралды. Олар:

1) «2017-2019 жылдарға арналған облыстық бюджет туралы»

(облыстық экономика және бюджеттік жоспарлау басқармасы);

2) «Азаматтардың жекелеген санаттарына амбулаториялық емдеу кезінде тегін дәрілік заттарды қосымша беру туралы» Оңтүстік Қазақстан облыстық мәслихатының 2008 жылғы 11 сәуірдегі №6/86-ІV шешіміне толықтырулар енгізу туралы» (облыстық денсаулық сақтау басқармасы);

3) «Cу қорғау аймақтары мен белдеулері және оларды шаруашылықта пайдалану режимі туралы» облыс әкімідігінің қаулы жобасы туралы; (облыстық табиғи ресурстар және табиғат пайдалануды реттеу басқармасы);

4) «2016 жылға асыл тұқымды мал шаруашылығын дамытуды, мал шаруашылығының өнiмдiлiгiн және өнім сапасын арттыруға  субсидиялар көлемдерін  бекіту туралы» Оңтүстік Қазақстан облысы әкімдігінің 2016 жылғы 5 сәуірдегі №101 қаулысына өзгерістер енгізу туралы» облыс әкімдігінің қаулы жобасы туралы; (облыстық ауыл шаруашылығы басқармасы).

Отырыс барысында облыстық экономика және бюджеттік жоспарлау басқармасының, денсаулық сақтау басқармасының, табиғи ресурстар және табиғат пайдалануды реттеу басқармасының, ауыл шаруашылығы басқармасының басшылары баяндама жасап, жалпы нормативтік-құқықтық актілеріне өзгерістер енгізу себептері бойынша мәлімдеді.

Сонымен қатар, мәжіліс барысында қоғамдық кеңес мүшелері тарапынан баяндамашыларға сұрақтар қойылып, ұсыныстар енгізілді.

Кеңес отырыс қорытындысымен күн тәртібіндегі мәселелер бойынша коғамдық кеңес мүшелері тарапынан бірауыздан мақұлданып, облыстық мәслихаттың қарауына ұсынылды.

ОҚО әкімі Жансейіт Түймебаев өңірдегі бизнес өкілдермен кездесу өткізді. Жиынға 160-тан астам шағын және орта бизнес өкілдерімен қатар, ірі кәсіпкерлер де қатысты, деп хабарлайды ОҚО әкімінің баспасөз қызметі. Бейресми кездесудің басты мақсаты – аймақтағы кәсіпкерлермен жақын танысып, осы салада қордаланған өзекті мәселелерді ортақтасып шешу болып табылады.

Жиында облыс әкімі өңірдің индустриалды-инновациялық даму жұмыстарында Елбасының берген тапсырмаларын толықтай орындап, бұл ретте, қағазбастылықтың азайып, сыбайлас жемқорлыққа жол бермеу қажеттігін айтты. Аймақ басшысының кәсіпкерлікті қолдауға айрықша көңіл бөлгені жиналғандарды қуантып, өздерін алаңдататын мәселелерді әкімнің тікелей алдында баяндады.

Атап айтар болсақ, «Диойлгаз» компаниясының жетекшілігі «Тассай» индустриялды аймағынан бөлінген жер телімінің құжаттарын рәсімдеудегі қағазбастылық пен оны беруді кешеуілдетіп жатқанын айтты. Өз кезегінде, осы мәселе бойынша жауап берген облыс әкімі таяуда 14 қаулыға қол қоятынын, онда аталған «Диойлгаз» компаниясының да бар екенін жеткізді. Мұнан бөлек, апта соңына дейін жер учаскесін беру бойынша қаулының дайын болатынын айтты.

Кездесу барысында айтылған және сол жерде шешімін тапқан мәселелердің бірі «Марай Е 7» және «Карлс Крона» кәсіпорындарының электр энергиясымен қамтылмай отырғаны еді. Мәселеге қанық болған Жансейіт Түймебаев 3 тәулік аралығында аталмыш кәсіпорындарға электр қуатын жеткізуді тапсырды.

Бұдан өзге, отырыста инженерлік коммуникациялар мәселелері мен өнімді өткізу, шет елден келетін жұмысшыларға виза алу мәселелері сынды кәсіпкерліктің дамуына кедергі келтіретін көптеген проблемалар қозғалды.

Жиын қорытындысы бойынша, облыс әкімі жүйелі түрде жұмыс жасауды және облыс әкімінің жанынан кәсіпкерлер кеңесін құруды тапсырды. Сондай-ақ, айына бір рет кәсіпкерліктің түрлі салаларына байланысты бизнесмендермен жиын өткізуді ұсынып, мемлекет пен кәсіпкерлік құрылымдары күштерін біріктіретін болса, күткен межені бағындыруға болатынын баса айтты.

Отырыс нәтижесін бойынша Жансейіт Түймебаев белгілеп берген бірқатар тапсырмалар мынадай:

Бірінші. Кәсіпкерлердің күрделі мәселелерін жинақтап, облыс әкімінің жанынан құрылған кәсіпкерлер кеңесінде шешім шығару;

Екінші. Оңтүстік Қазақстан облысында шығарылатын тауарлар мен қызмет түрлерін дамыту бойынша жұмыс тобын құрып, өнімдерді республикалық, халықаралық көрмелер мен форумдарда және де өзге де іс-шараларда көрсету;

Үшінші. Астана мен Алматы қалаларында үздіксіз жұмыс істейтін сауда-көрме орталығын құрып, онда Оңтүстік Қазақстан облысының өнімдерін өткізіп, саудалау;

Төртінші. Мемлекеттік органдар жұмысының ашықтығын қамтамасыз ету мақсатында кәсіпкерлерге қызмет көрсету орталығының жұмысын электронды форматқа көшіріп, құжат айналымын өзгерту. Облыс әкімдігі барлық рұқсат етілген құжаттардың мерзімін қадағалап отырса, мерзімінен кешіккен аудан әкімдіктері мен қала әкімдіктері немесе мемлекеттік органдар жауапкершілікке тартылатын болады;

Бесінші. Сондай-ақ бизнестің әлеуметтік жауапкершілгін дамытып, әлеуметтік-мәдени салаға қолдау көрсету;

Алтыншы. Мемлекеттік қызметшілердің жауапкершілігіне айрықша назар аударылады. Тапсырмалар орындалмаған жағдайда нақты шаралар көрілетін болады;

Жетінші. Білікті кадрларды даяулаудың нәтижелі жүйесін құру үшін жергілікті ЖОО мен колледждерді тарту керек. Сонымен бірге, дуальді оқыту жүйесін дамыту үшін индустриалды аймақтарда колледждер өкілдігін құру жайын қарастыру тапсырылды. Сондай-ақ, әкім кәсіпорындардың қажеттілігіне байланысты тікелей грант бөліп, осы мәселені қайта қарауды жүктеді;

Сегізінші.  Кәсіпкерлік саласында алға қойылған мақсаттарды орындау үшін өңірдің стратегиялық жоспарын әзірлеу керек.

Жиналыс барысында көтерілген барлық мәселелер облыс әкімінің жіті бақылауына алынды.

ОҚО әкімі Жансейіт Түймебаев бірқатар сала басшыларымен бірлесе Шымкенттегі жылу беру қазандықтарын аралап көріп, жұмыс істеу жүйесімен танысты, деп хабарлайды ОҚО әкімінің баспасөз қызметі.

Атап айтқанда, өңір басшысы әкімшілік іскерлік орталығында орналасқан қуаттылығы 160 Гкал. болатын қазандықтың жұмысымен танысты. Қазіргі кезде, аталған жылу беру орталығы арқылы 24 көпқабатты тұрғын үй мен 6 бюджеттік мекеме осы жылдың 17 қазанынан бастап орталықтандырылған жылумен қамтамасыз етіле бастады.

Өткен жылы іске қосылған бұл қазандықтың бүгінде өз қуаттылығымен жұмыс істемей отырғанын алға тартқан қала әкімдігінің жетекшілігі облыс әкімінен осы маңдағы көпқабатты үйлерге қосымша жылу құбырларын тарту үшін бюджеттен қаржы қарастыруды сұрап, тағы осы іспеттес қазандық салу қажеттігі туралы ұсынысын жеткізді.

Өз кезегінде облыс әкімі Ж.Түймебаев қаланың жылу беру жүйесін тиімді ететін арнайы сызба әзірлеуді тапсырып, жаңа қазандық салу бойынша ұсынысты келер жылдың бюджеті арқылы шешуді жүктеді.

Сонымен қатар, аймақ басшысы «Нұрлы жол» бағдарламасы аясында қолға алынған ұзындығы 6,5 шақырым болатын магистралды жылу жүйесін қайта құру жұмысымен танысты. Бүгінде 6 шақырым жұмыстары біткен құбырдың құрылысын пысықтаған әкім жұмыстардың қазан айының 20-на дейін аяқталуы керектігін міндеттеді.

Мұнан соң, облыс әкімі бастаған жұмысшы топ «3-Энергоорталық» АҚ-да болып, ондағы жұмыс барысымен танысты. 1998 жылдан бастап халыққа қызмет етіп келе жатқан бұл орталық 2008 жылдан бастап қаланың оңтүстік бөлігін жылумен және жылу сумен қамтамасыз ете бастаған.

Аталған «3-Энергоорталық» сондай-ақ, қала тұрғындарын электр қуатымен қамтып отыр. Мұнда жаз айларында 70-85 МВт өндірсе, қыс мезгілінде 135-140 МВт өндіреді. Өңірдің электр қуатына қажеттілігі жазда 300-350 МВт болса, қыста 400-450 МВт-ті қажет етеді. Ал қалған қажетті электр қуатының 60 пайызын сырттан келетінін ескерген өңір басшысы облыста электр энергиясын өндіретін жаңа газ турбинасын салу бойынша ұсыныс енгізуді тапсырды.

Жылу жүйесінің дайындық барысын пысықтаған облыс әкімі сапар барысының қорытындысы бойынша бірқатар сала басшыларына нақты тапсырмалар беріп, тұрғындардың қазанның соңына дейін жылумен қамтылуын міндеттеді.