Jas.kz

ҚР Президенті Нұрсұлтан Назарбаевтың Жарлығымен жаңадан құрылған Қорғаныс және аэроғарыш өнеркәсібі министрлігінің басшылығына Бейбіт Бәкірұлы Атамқұлов тағайындалды, деп жазады ОҚО әкімінің баспасөз қызметі.

Бұл қызметіне дейін Оңтүстік Қазақстан облысын басқарған Б.Атамқұлов 1964 жылы 19 мамырда Алматы облысы Ұзынағаш ауылында туған. Қазақ политехникалық институтының түлегі.

Еңбек жолын 1985 жылы Завенягин атындағы Норильск тау-кен металлургия комбинатының Жез балқыту зауытында балқытушы болып бастаған ол шебер, рафирленген цехтың аға шебері т.б. қызметтерінде болып, жеке секторда – өнеркәсіп кәсіпорындарында жұмыс істеді. 2006 жылдан бастап – кеңесші, Ресейдегі Қазақстан елшісінің елші-кеңесшісі лауазымдарына тағайындалған Б.Атамқұлов, әр жылдары, Ирандағы Қазақстан елшісінің елші-кеңесшісі, Майндағы Франкфурт қаласындағы Қазақстанның бас консулы,  Малайзия, Индонезия Республикасы, Бруней-Даруссалам, Филиппин республикасында Қазақстанның төтенше және өкілетті елшісі, Индустрия және жаңа технологиялар министрлігінің жауапты хатшысы, Инвестициялар және даму министрлігінің жауапты хатшысы қызметтерінде болды.

2015 жылдың тамыз айынан бастап, бүгінге дейін Оңтүстік Қазақстан облысын басқарған Бейбіт Бәкірұлы 1 жыл 2 айдағы жауапты қызметінде өңірдің әлеуметтік-экономикалық әл-ауқатын көтеріп, облысқа инвестиция тартуда ілкімді істер атқарды.

Бүгін ҚР Президенті Н.Назарбаевтың Жарлығы бойынша Оңтүстік Қазақстан облысына жаңа  әкім тағайындалды.

ҚР Премьер-Министрі Бақытжан Сағынтаевтың қатысуымен өткен Оңтүстік Қазақстан облыстық мәслихатының кезектен тыс 6 сессиясында  облыс әкімін тағайындауды келісу жайы қаралды. Елбасының ұсынған  кандидатурасын депутаттар бірауыздан қолдады.

ҚР Премьер-Министрі Бақытжан Сағынтаев Оңтүстік Қазақстан облысының  активіне облыстық мәслихаттың келісімімен және Мемлекет басшысының Жарлығымен тағайындалған өңірдің жаңа басшысы  Түймебаев Жансейіт Қансейітұлын таныстырды.

Жансейіт Қансейітұлы 1958 жылы Оңтүстік Қазақстан облысында  дүниеге келген.  Соңғы жылдары Сыртқы істер министрлігінде, Қазақстан Республикасының Түркия Республикасындағы Елшілігінде, Президенттің Протоколы қызметінде жауапты қызметтер атқарған.

Премьер-Министр сондай-ақ облыстың бұрынғы әкімі Бейбіт Атамқұловқа атқарған жұмысы үшін алғысын білдіріп, жаңа қызметіне табыс тіледі.

Айта кетейік, Президенттің Жарлығымен Б.Атамқұлов жаңадан құрылған ҚР Қорғаныс және аэроғарыш өнеркәсібі министрі болып тағайындалды.

Жиынды қорытындылаған Бақытжан Сағынтаев облыстың жаңа әкіміне Мемлекет басшысы жүктеген «Нұрлы жол» бағдарламасын, «100 нақты қадам» Ұлт жоспарын жүзеге асыру, бюджет қаражатын игеру, өңірдің әлеуметтік-экономикалық дамуын жақсарту, азаматтардың әл-ауқатын арттыру және Қазақстан Тәуелсіздігінің 25 жылдығын мерекелеуге дайындық бойынша бірқатар маңызды және нақты міндеттер тұрғанын баса айтты.

Бұл туралы «Ontustik Tourism-2016» Халықаралық туристік форумы барысында ҚР Инвестициялар және даму министрлігі Туризм индустриясы департаментінің директоры Марат Игалиев айтты.

Оның айтуынша, 2014 жылы ҚР Президенті Н. Назарбаевтың ұсынысына сәйкес, «Түркітілдес мемлекеттердің ынтымақтастық кеңесіне» мүше елдер арасында (Түркия, Қырғызстан, Әзірбайжан, Қазақстан) «Жібек жолы бойынша бірыңғай туристік маршрут» әзірленіп, аталған бағыттарға Түркістан қаласының туристік нысандары да енгізілген.

Сондай-ақ, ол «ЭКСПО-2017» Халықаралық көрме қонақтары үшін Оңтүстік Қазақстан облысы ерекше туристік аймақ ретінде жарнамаланып жатқанын жеткізді.

Қазақстан Республикасының 2020 жылға дейінгі туризм саласын жаңа қалыпта дамыту жөнінде сөз қозғаған департамент директоры Оңтүстік Қазақстан облысының мәдени туризм және турне бағыттарында жұмыс істеп жатқанын алға тартты.

Сондай-ақ, ол «Батыс Еуропа-Батыс Қытай» транзиттік дәлізінің бойына қоғамдық нысандар салу бойынша жасалған талдау нәтижесінде Оңтүстік Қазақстан облысына жергілікті жердің тарихи мұрасымен байланысты 3 қызмет көрсету нысанын салу ұсынылып жатқанын хабарлады.

Жиында сөзін қорытындылаған Марат Игалиев Оңтүстік Қазақстан Ұлы Жібек Жолының жүрегі ретінде дамытуды позициялау мақсатында ұйымдастырылған шара туристтік әлеуеттің артуына және өңірлер арасындағы ынтымақтастықты жандандыруға серпіліс беретінін атап өтті.

Сарыағаш ауданында  Қазақстан Республикасы Тәуелсіздігінің 25 жылдығы аясында тәжік этносының тілі, мәдениеті және салт-дәстүрі күні аталып өтті, деп хабарлайды ОҚО әкімінің баспасөз қызметі.

Іс-шарада Оңтүстік Қазақстан облыстық Қазақстан халқы Ассамблеясы төрағасының орынбасары, облыстық ассамблея хатшылығының меңгерушісі Мұратәлі Қалмұратов барша қатысушыларды құттықтап, қоғамдық келісім мен тұрақтылық – біздің басты ұстанымымыз болуы тиіс екендігін айтып өтті.

Өз кезегінде облыстық тәжік этномәдени бірлестігінің төрағасы Акабай Құдайқұлов  Қазақстанда әрбір этностың өз тілі мен мәдениетін сақтауына және дамытуына барлық жағдай жасалғанына ризашылығын білдірді.

Салтанатты  жиын соңы концерттік бағдарламаға ұласып, елдің ынтымағы мен бірлігін нығайтуға үлес қосып жүрген азаматтар алғыс хаттармен марапатталды.

Айта кетерлігі, бүгінде Оңтүстік Қазақстанда 35 мыңнан астам тәжік этносының өкілдері тұрады.  Облыста 1995 жылы ашылған тәжік этномәдени бірлестігі ел бірлігін бекемдеу, қоғамдық келісімді сақтау бағытында өңірде атқарылған барлық кешенді іс-шаралардың жанынан табылып келеді.