Қоғамдық тәртіпті сақтау, жастар арасындағы құқық бұзушылықты алдын алу және құқықтық мәдениетті насихаттау мақсатында Жастар саясаты мәселелері басқармасы, Астана қаласының ІІД Жергілікті полиция қызметі, «ZhasStar» жастар саясаты орталығы» қоғамдық қоры «Жас сақшы» құқықтық тәртіпті сақтау студенттік жасақтары атты жобасын жүзеге асыруда.

Аталмыш жоба аясында, жастар арасында түрлі құқықбұзушылықтарды алдын алу 40 рейдттік іс-шара, студенттердің құқық қорғау органдарының өкілдерімен 10 кездесу және салауатты өмір салтын насихаттайтын спорттық сайыстар өткізілді.

http://www.youtube.com/watch?v=Q2SIhiLSp0Q&feature=youtu.be

Бүгін «Жас Сақшы құқықтық тәртіпті сақтау студенттік жасақтары» атты жобасының салтанатты марапаттау рәсімі өткізілді. Іс-шара барысында үздік студенттерді, жобаға үлес қосқан оқу орындар және ІІД Жергілікті полиция қызметінің мүшелері алғыс хаттар мен бағалы сыйлықтармен марапатталды.

Марапаттау рәсіміне ІІД Жергілікті полиция қызметінің бастығы Малыбаев Б.А. және Жастар саясаты мәселелері басқармасы бастығының м.а Рыспаев Е.Г. қатысты. Қонақ ретінде Астана қаласы жастар ұйымдарының көшбасшылары келді.

Марапаттау рәсімі барысында эстрада жұлдыздары мен шығармашылық топтар өздерінің өнерлерін көрсетті. Сондай-ақ, «Жас Сақшы құқықтық тәртіпті сақтау студенттік жасақтары» атты жобасының 2016 жылғы жұмыс нәтижелерімен таныстыру өтті.