Бүгіннен бастап 31 желтоқсанға дейін «Астана су арнасы» кәсіпорны жеке тұлғалар үшін «Келісім-шарт жаса» акциясын өткізуде, деп хабарлайды қалалық әкімдіктің баспасөз қызметі. Ол орталықтандырылған сумен жабдықтау және кәріз қызметтерін келісім-шартсыз пайдаланып отырған тұтынушыларға бағытталған.

Қала тұрғындары суды тұтыну немесе ағызу үшін құжаттар рәсімдеу керектігін көп жағдайда білмей жатады. Сондықтан аталған кезеңде сумен жабдықтау және кәріз қызметтерін келісім-шартсыз заңсыз тұтынып отырған барлық тұтынушылар келісім-шарт жасай алады. Бұл үшін қосымша шығын шығарудың қажеті жоқ немесе қолданыстағы заңнамада қарастырылғандай, қандай да айыппұл төлемей, қызмет көрсетуді тоқтатусыз жасауға болады. 2017 жылдың 1 қаңтарынан бастап ауқымды тексеру жүргізіледі. Түгендеу шарасы барысында анықталған барлық мекен-жайлар бойынша қосымша есептеу сомалары қойылып, сумен жабдықтау және су ағызу қызметтері тоқтатылады.

Қосымша ақпарат алу үшін тұрғындар 27-03-70, 37-50-07 телефондарына хабарласа алады немесе call-орталықтың 1302 номеріне қоңыру шала алады.