Астанада “Конгресс холл” сарайында Жайдарман ойындарының “Астана қаласының әкімінің кубогы” сайысы өтетінін бұдан бұрын хабарлаған болатынбыз. Кеше кеште көрермендердің көңілінен шыққан тартысқа толы сайыста кубок жеңімпазының есімі анықталды.

Арнайы жобаға жайдарманшылардың өте тыңғылықты дайындалып келгені көрініп тұр. Әсіресе Оралдық екі команда – “ҚазИИТУ құрамасы” мен “Грант”, “Шымкент жастар құрамасы” жоғары деңгейде өнер көрсетті. Сонымен қатар  қыздардан құралған алматылық “Таң қалмаңыз” және павлодарлық “Чехов аялдамасы” топтарының ерке ойындары, сыпайы әзілдері көптің көңілінен шыққаны көрініп тұр.

Нәтижесінде жүлделі үшінші орынды және 200 мың теңге ақшалай сыйлықты  “Таң қалмаңыз” командасы, II орын мен 300 мың теңгеге “Чехов аялдамасы” ие болса, бас жүлдені оралдық “ҚазИИТУ құрамасы” олжалап, онымен қоса әкім кубогы мен 500 теңге ақшалай сыйлықты қанжығасына байлады.

Айта кетейік Астана қаласы әкімінің орынбасары Е. Аманшаевтың ойынды бастан-аяқ тамашалап, жеңімпаздарды өз қолымен марапаттады.