Райымбек ауданындағы Жалаңаш ауылында жаңа балабақша өз бүлдіршіндеріне есігін ашты.

Мектепке дейінгі бұл білім беру мекемесі қазіргі заманғы барлық стандарттарға сәйкес салынып, жабдықталған. Шағын орталықта бүгінде 40-тан астам бүлдіршін тәрбиеленуде.

Жаңадан салынған мектепке дейінгі білім беру мекемесі аудандағы алғашқы жекеменшік балабақша болып табылады. Оның құрылтайшысы Айнұр Тоқтасынқызы есімді кәсіпкер, әрі сол ауылдың тұрғыны.

Райымбек ауданында осы күні 6 мемлекеттік балабақша бар. Онда мыңнан астам бала тәрбиеленуде. Сондай-ақ мектеп жанынан ашылған шағын орталықтарда 1265 бала білім алуда. Балаларды мектепке дейінгі біліммен қамтамасыз ету бағытындағы жұмыстар жүйелі жалғасатын болады.