Жаркент крахмал-сірне зауытында 60 мың тонна жүгері дәнін кеп­тіретін жаңа зауыт кешені іске қосылды. Бұл туралы Алматы облысының әкімі Амандық Баталовтың Панфилов ауданына жасаған жұмыс сапарында белгілі болды.

Ауданға жасаған жұмыс сапары барысында облыс әкімі А.Баталов жалпы аумағы 8,5 га. болатын жүгері өнімін жинап, сұрыптайтын, оны сақтап, кептіруге арналған орындармен танысты. Сапар барысындааудандағы қуатты қожа­лық­тар­дың бірі саналатын Пенжім ауыл­дық округін­дегі «Қожамбердиев» шаруа қожалығының егістік алқаптарындағы жүгері өнімін жинау науқанына да назар аударды.

Қожалық басшысы Әділжан Қожамбердиевтің айтуынша ол өсімдік дақылдарын өсірумен 17 жылдан астам уақыт айналысып келеді. Соның ішінде өзінің еңбек жолының көп жылдарын «дала аруы­» саналып кеткен жүгеріні өсіруге арнаған екен.

Шар­уашылықтың бас агрономы қыз­метін ұзақ жылдар бойы атқарған еңбек ардагері Ақзам Марипов:

—    Осы ауылдағы екі қырманды күрделі  жөн­деу­ден өт­кізуге көмектескені үшін обл­ыс әкімі Амандық Ғаббасұлына ауылдас­тары­мның атынан үлкен алғысымды білдіремін.

2015 жылы аудан диқаншылары 25,4 мың гектар­дан астам алқапқа түрлі сұрыпты жүгері өсірді. Өңірде еліміздің бірнеше өңірлерін қамтамасыз ететін жүгерінің «дала аруының» элиталық сұрыпы да мол егілді. Об­лыс басшысы «Қожамбердиев»  қожалығының ком­байндары орақ салған алқапқа ке­ліп, егін жинау нау­қанының барысымен танысты. Бұл қожа­лық биыл 500 гектардан астам жерге қатардағы жүгері сұрып­тарын өсі­ріпті. Орақ түскен алқап­тағы жү­ге­рінің «Тұлпар» атты сор­­тының гек­тарынан орта есеп­пен 10 тон­надан собықты жүгері жинал­ға­нын қожалық агрономы Алым­жан Гашимов облыс бас­шысына мақ­танышпен жеткізді.

Облыс басшысы Кішішыған ауылының іргесінде егін орағы қы­зу қарқын алған «Ернар» жеке шаруа қожалығының механизаторларына да ат басын бұрды. Қожалық төрағасы Тасқын Жа­парқұл биыл сатып алып, нау­қанға қосқан Ресейлік «Век­тор» ком­байнының ерек­ше­лігін баян­дады. Бұл техника ал­қап­тан орған жүгері собығының бір­ден дәнін уатып жинайды. Пі­сіп-жетіліп, уатылып жиналған дән алқаптан бірден «крахмал — сір­не» зауытына жөнелтіледі. Сөй­тіп қожалық еңбеккерлерін қыр­­манға тасып, сұрыптап, кеп­тіру сияқты басы артық жұ­мы­с­тан құтқарады. Дән «крахмал — сірне» зауытына 22 пайыз ылғал­дылықпен өткі­зіліп, кептіру це­хын­­да құрға­ты­лады.

Сапар соңында Жаркент «крах­­мал — сірне» зауытының биыл пайдалануға берілген жү­гері дәнін кептіру цехының жұ­мы­сымен танысып, зауыт ең­бек­керлері қанша жүгері дәнін өң­деп ұқсататынын кәсіпорын бас­шысы Закир Кузиевтен сұрап білді. Жалпы 9,5 миллион евро ақшасына салынған жаңа құ­рыл­ғы зауыттың жүгері дәнін қа­былдау ауқымын ұлғайтпақ. Өткен жылы бұл зауыт жар­кент­тік ди­қандардан 30 мың тон­на «дала аруының» дәнін қа­был­дап ұқсатса, биыл бұл көр­сет­кіш екі есе өспек. Сөй­­тіп, бұл кәсіп­орын­­ның өнім өң­деу ау­қы­мы ке­ңіп, оған қо­сымша жан-жақтан мал мен құсқа қуатты жем ізде­гендер қатары көбейіп, «да­ла ар­уының» дәніне сұра­ныс ар­тып келеді.

Ойымызды қорытатын болсақ, үстіміздегі жылы Алматы облысында егілген жүгеріден жинала бастаған өнім көрсеткіштері көңіл қуантады.