Қай кезде де жар таңдау мәселесі өзекті.
Бір жас жігіт анасынан: «Анашым, жар таңдау қиын-ақ! Өзіме лайық әйелді қалай табамын?» – деп сұрайды. Сонда анасы: «Балапаным-ау! Лайықты жар табуды уайымдағаннан бұрын, оған қалай лайықты күйеу боламын деп уайымдасаңшы!» – деген екен…
«Өмірде екі нәрседен қателеспеу керек: бірі мамандық таңдау, екіншісі адал жар таңдау» деген кеңесті көп естиміз. Бірақ америкалық ғалымдардың айтуына қарағанда, адамдар өздеріне өмірлік жарды ДНҚ бойынша таңдайды.
Ал адамның ұлты немесе нәсілі, білім деңгейі, әлеуметтік жағдайы таңдау жасауға еш әсер етпейтін көрінеді. Бұндай тұжырымға зерттеушілер 825 жұп ерлі-зайыптыларды зерттеу барысында келді. Мамандар ерлі-зайыптылардың геномдарын зерттей келе, олардың ДНҚ-ларының ұқсас екендігін анықтаған.