15 жастағы мәнерлеп сырғанаушы Элизабет Тұрсынбаева ересектер арасындағы халықаралық Skate Canada Autumn Classic турнирінде жеңімпаз атанды.
Мәнерлеп сырғанаушының әкесі Байтақ Тұрсынбаев сайыстың Канаданың Барри қаласында өткендегін хабарлады. Қысқа бағдарлама бойынша Тұрсынбаева екінші орында болды, алайда еркін бағдарламада озып шығуына байланысты ол турнирді жеңіп шықты. Спортшы барлығы 179,22 балл жинады. Ал бұл қазіргі уақытта оның мансабындағы ең үздік нәтиже болып тұр. Екінші орынды Жапония өкілі Харуке Имаи (174,89 балл), ал үшінші орынды АҚШ-тан барған Энджела Ванг (172,36 балл) иемденді.