Ұзақ жылдар бойы қызметін абыроймен атқарған 237 қазақстандыққа биыл «Еңбек ардагері» деп аталатын мемлекеттік төсбелгі табысталды.
Мәртебелі марапат иелерінің өнегелі өмірі облыстық және аудандық деңгейде өткізілген форумдарда дәріптелді. «Мұндағы мақсат – аға буынның нәтижелі қызметін өскелең ұрпаққа үлгі етіп, оларды жалпыға ортақ еңбек қоғамына жұмылдыру», — дейді Денсаулық сақтау және әлеуметтік даму министрінің орынбасары Біржан Нұрымбетов.
Біржан Нұрымбетов, ҚР Денсаулық сақтау және әлеуметтік даму министрінің орынбасары:
— «Еңбек ардагері» мен «Еңбек даңқы» мемлекеттік наградаларға жатады. «Еңбек даңқы» ордені осы жылы тағайындалды. Оның үш дәрежесі бар. Ол өз кезегінде үшіншісінен бастап берілетін болады. Және де «Еңбек даңқының» үш дәрежесіне ие болған азамат «Еңбек еріне» теңестірілетін болады. Әлі де ондай марапаттаулар алдағы келе жатқан мерекелер шеңберінде берілетін болады. Ал енді «Еңбек даңқы» Тәуелсіздік күнінде марапаттау көзделіп отыр.