Қазақтың жас жеткіншектері әлемді таңдай қақтырды. Жақында Юрмала мен Прага қалаларында өткен халықаралық ән байқауларында жүлделі орындарға ие болған жас өнерпаздар өз жеңістерін Тәуелсіздік мерекесіне арнады.
12 жастағы алматылық Әсет Балғазин «Волна идей» еуропалық фестивалінің Бас жүлдесін екінші рет иеленді. Биыл ол ән айтумен қатар саксафонда ойнап, 80 баланың ішінен қазылар алқасының жоғары бағасына ие болған.
3 жыл бойы кәсіби мамандардан сабақ алатын Әсеттің жетістігі аз емес. Ал қарындасы 5 жастағы София да осы байқауда вокалдан 1 орын алса, биден 2 дәрежелі жүлдеге ие болды.
Кішкентай Аружанның ағылшын тіліндегі әні Ресейдің «Балалардың жыл әні» жинағына енді. Ал Әсет енді Италияда өтетін байқауға дайындалуда. Онда ол оркестрдің сүйемелдеуімен ән шырқайды.