Соңғы 50 жыл ішінде АҚШ-да дүниеге келген сәбиіне ардақты Пайғамбарымыз Мұхаммед (с.ғ.с.) есімін беру оқиғасы 10 есеге артқан. Сонау 1964-жылы бұл есім бар болғаны 29 балақайға қойылған көрінеді.
Арада 10 жыл өткенде бұл көрсеткіш 142 жетсе, тағы бір 10 жылдан соң Мұхаммед есімді жандардың саны 571-ге жеткен.
Ал, 2001-жылы бұл көрсеткіш 2222-ге көтерілген. Алайда, 11-қыркүйек күні орын алған қанды оқиғадан соң перзентіне бұл есімді қоятындардың қатары күрт кеміген.
Дегенмен, уақыт өте келе АҚШ тұрғындары арасында Пайғамбарымыздың (с.ғ.с.) есімі қайтадан танымалдыққа ие болып, 2014-жылғы зерттеу нәтижесінде 2931 жанның екі дүние сұлтаны болған пайғамбарымыздың (с.ғ.с.) есімін иеленіп жүргені анықталған.