Кәрілік — табиғаттың бұлтартпас заңы.  Бірақ көркі тая бастаса да, «көңілі жас» әйелдер кәрілікпен қауышуға асықпайды, керісінше, бет-әлпеттегі әжімдерді азайтудың амалын қарастыра бастайды.

Біреулер табиғи маскаларды, екіншіліері пластикалық ота жасату арқылы салбыраған теріні тартқызып отырады.

Дей тұра, Голливуд жұлдыздарын үлгіге ала отырып, әйелдің сол бір кәрілік кезеңге сәл жақындап қалғанын қандай белгілер арқылы аңғаруға болатынын қарастырайық.

Ауыз бен мұрын бұрышындағы әжімдер

Бұл әжімдердің пайда болу уақыты шашамен 25 жас. Бірақ одан сәл ертерек мазаңызды алып жатса, Сіздің теріңіз тым құрғақ болғаны. Крем мен маскалар жаға отырып, теріңізді қажетінше ылғалдандыру керек екендігін ескергеніңіз жөн.

Ауыз бен мұрын бұрышындағы әжімдерді алғашқы кезде жақсы косметикалық процедуралар жасау арқылы азайтуға болады. Ал әжім тереңдей түссе, тек қана салонда жасалатын биоармиролалау тәрізді процедуралардан басқа шара жоқ.

Көз айналасындағы  ісік

Көздің айналасындағы тері өте сезімтал және нәзік келеді. Адам күні бойы көзін кем дегенде 10 мың рет ашып-жұмады. Жарықтан көзімізді сығырайтқанда, жылағанда немесе күлгенде біз көз терісіне әсер етеміз. Одан қалды кейде ұмытып кетіп көзімізді уқалайтынымыз, дер кезінде дұрыс ұйықтай қоймайтынымыз, компьютер мен ұялы телефон экранынан көз алмайтынымыз тағы бар.

Яғни түрлі жағдайлардан теріге әжім түсе бастайды. Көз айналасында дөңестелген ісіктер пайда бола бастайды, Тері түсі өзгеріп, көкшілдеу түске боялады. Сондықтан көз бен оның айналасындағы тері күтіміне ерекше көңіл бөлу қажет.

Алқымның пайда болуы

Бірақ, айта кету керек, екінші иек немесе алқым тек жасы есейген әйелдерде ғана емес, жас қыздарда да пайда болып жатады. Ол семіздіктен, мойын етінің босауынан, аз қозғалудан, кейбір созылмалы ауру салдарынан пайда болады.

40-қа жақындап қалған әйелдердің 80 %-да бет пішінінің формасы өзгеріп, терісі сәл босап, беті салбыраңқы көріне бастайды дейді ғалымдар. Ал арақ-шарап пен темекі әжім тудыруда алдына жан салмайды. Ерте қартаймайын десеңіз, оларға жоламағаныңыз абзал.

Мойын 

Бет әлпетіне үлкен көңіл бөлетін қыздар, кейде мойын терісі туралы мүлдем ұмытып кетіп жатады. Бірақ мойын терісіне әжім түскеннен кейін одан құтылу әлдеқайда қиын.

Мойын терісіне әжім түспегенін қаласаңыз, басты кеңес – бүкіреюді доғарыңыз!

Шағын және қатты жастықта ұйықтауды да әдетке айналдырыңыз.

Қол

Қол терісі — нағыз жасымыздың көрсеткіші. Қол терісі арнайы күтім жасалмаса, өзін-өзі қорғауға қабілетсіз болып келеді.

Май бездері қолдың үстіңгі терісінде аз мөлшерде, ал алақанда мүлде дерлік болмайды. Бет терісіне қарағанда, қол терісінде судың да мөлшері төрт-бес есе аз.

Түрлі тұрмыстық тазартқышдарды қолданғанда, далада жұмыс жасағанда қолыңызды қорғау үшін қолғап киіп жүруді ұмытпаңыз.

Артық салмақ

 Артық салмақ өз бетінше қазіргі таңда әлемді алаңдатқан проблема болып отырғанымен қоса, адамды жасынан сәл үлкенірек етіп көрсететіні де жасырын емес. Ойшыл дәрігерлердің айтуынша, артық салмақты адамдар – аурулар.

Адам өзінің дене салмағы қалыпты жағдайдан 3-4 келі өсісімен-ақ, толысудың алдын алуға тиісті. Ол кейін емделгеннен әлдеқайда тиімді. Сол себепті, салмақ өсіп бара жатқанында жеңіл тамақтануға көшкен немесе белсенді әрекет жасау арқылы денеден шығатын қуаттың мөлшерін арттырған жөн.