АҚШ-та әйгілі құсбегі қыз туралы түсірілген «Бүркітші» («The Eagle Huntress») деп аталатын деректі фильмнің тұсаукесері өткен болатын. Бұл жайында фильмнің продюсері – «Жұлдыздар соғысы: Күштің оянуы» деп аталатын әлемге әйгілі фильм арқылы танымал болған актер Дэйзи Ридли өзінің әлеуметтік желідегі парақшасында қаңтар айының 24-і күні жазған болатын.

Енді Айшолпанды мультфильм кейіпкеріне айналдыру үшін, әлемнің бірнеше кинокомпаниясы қызығушылық танытып отыр. Мультфильмде бүркітші қыздың дауысын «Жұлдыздар соғысы» фильмі арқылы танымал болған актриса Дэйзи Ридли дубляждамақ. Өз кейіпкерінің дауысын салу үшін актриса көп кешікпей, келісімге қол қоймақшы.

Еске сала кетейік, 13 жастағы бүркітші қыз Айшолпан Моңғолияда тұратын қазақ қызы. Ол осыдан бірнеше жыл бұрын өткен аса ірі бүркітшілер сайысына қатысып, ең жас бүркітші ретінде алыс-жақынға танымал болды.