Желіде Қытай төрағасының жұбайы Пэн Лиюаньның қазақ әнін орындаған видеосы пайда болды.
Бейнебаяндағы әуен бойынша желі қолданушылары Пэн Лиюаньның орындауында Ахмет Жұбановтың «Қарлығаш» әнін таныған. Пэнь Лиюань әнді қытай тілінде орындаған. Алайда бейнебаянның қай жылы түсірілгені белгісіз.
Айта кетейік, Қытай төрағасы Си Цзиньпиньнің жұбайы Пэн Лиюань Қытайдың танымал дәстүрлі әншісі. Көптеген ән байқаулардның жүлдегері. «Дәстүрлі музыка» мамандығы бойынша білім алған. Танымалдылығы шарықтап тұрған шағында халық арасында Сәлдегүл перизаты деп аталып кеткен. Сәлдегүл Қытайда құрмет тұтылатын гүл. Ол императорлардың белгісімен байланыстырылады және сұлулық пен нәзіктікті бейнелейді. Көпшіліктің айтуынша Пэнь Лиюань — дәл осындай қасиетке ие.