2009 жылы Джоан Роулинг 1930 жылы еменнен жасалған орындығын қайырымдылық бәссаудасына шығарған болатын.
Бүкіл әлемге танымал жазушы әйелдің Эдинбургтағы пәтерінде мұндай орындықтардың төртеуі бар, бірақ бұл жиһаз заттары ерекше құнды болған жоқ. Ал саудаға шығарылған орындық Гарри Поттерді сүюшілер үшін құнды болды, себебі Роулинг бұл орындықта отырып, атақты сиқыршы бала туралы екі роман жазған.
Бәссауданың алдында жазушы орындықта: «Мүмкін, сіздерге әдемі болып көрінбеспін, бірақ сыртыма қарап бағаламаңыздар. Мен «Гарри Поттерді» осы орындықта отырып жаздым», — деген жазба қалдырды.
Кейіннен бұл орындықты белгісіз сатып алушы 29 мың долларға сатып алды. Бұған дейін ол Нью-Йорктегі бәссаудаға қайта шығарылған екен. Жиһаз заты алдын ала онлайн-саудада 65 мың долларға жеткен, ақыры лот рекордтық сома — 394 мың долларға сатылды.