Бүгін Астанада қаланы санитарлық тазарту, абаттандыру және көгалдандыру бойынша экологиялық айлық аясында «Таза қала – бақытты қала!» жалпықалалық сенбілігі өтті.

Таңертеңгі сағат 9-дан бастап сенбілікке қатысып, өз аумақтарынан қоқыс-қалдықты шығарып, ағаш түптерін, жол жиегін әктеген қала тұрғындары аулалардың әсемденуіне бір кісідей атсалысты. Қаланың түкпір-түкпірінде жүргізілген қызу тазалық жұмыстарынан соң елордамыз айнадай жарқырап шыға келді.

Бұндай шаралар —  еңселі Елордамыздың сәулеті мен сәнін арттырып, тазалығын түзейтініне сенім мол.