1. Перфекционизм

Өз-өзіне деген сенімсіздіктің басты белгісі. Идеалға жетемін деген немесе биік стандартқа ұмтылатын Перфекционист өз жұмысына қанағаттана бермейді, сондықтан критикаға жақын келеді. Ол идеал образға барынша ұмтылып, бұл қолынан келмеген сәтте өзінен көңілі қалады. Сол себепті өзін жақтыртпайтын жағдайға жетеді.

2. Депрессия

Атақты психолог Ларс Мадсленнің зерттеуіне қарағанда, депрессияға жиі түсу мен үнемі жағымсыз көңіл-күйде жүрудің тағы бір себебі — өзіне деген сенімсіздік. Сенің өз-өзіңді жақсы деп бағалауың — жеке даму мен қауіпті психологиялық ауру, яғни депрессиядан арылудың бірден бір жолы.

3.  Ақталу

Өз-өзін төмен бағалайтын адам басқалардың кері іс-әрекетін біле тұра, оны ақтауға тырысады. Олар бұны әр түрлі ситуациялардың болуымен және бәрін түсінуге болады деген аргументтермен ақтайды. Психологтардың пайымдауынша, өз-өзіне сенімсіз адам осы позицияны басқаларды талқылау барысында кездесетін өзіне бағытталған критикадан қашу мүмкіндігі деп біледі.

4. Бастама көтеруден аулақ болу

Профессионалды сферада адамға кедергі келтіретін өзіне деген сенімсіздігінің себебі- бастама жасаудан аулақ болу. Белгілі бір билікті қолына алған мұндай адам, міндетті түрде оны басқа біреуге тапсырады. Себебі ол өз ісінің нағыз маманы болса да, өзіне деген сенімсіздік солай жасатады. Жанындағы адаммен сөз таластырған кезде де, өз позициясында тұра алмай, қарсыласымен келісіп кетуі ғажап емес.

5. Шешім қабылдай алмау

Өз шешіміне деген жауаркершілікті мұндай адамдар өз мойнына ала алмайды. Олардың ешқандай шешім қабылдағысы да келмейді. Себебі олар қате жіберіп, шешімі дұрыс болмай қалудан қорқады. Ондай адамдар үшін ең жаманы — жақындарының тарапынан келетін сын.

Назерке Сүлен