Қазақстан Тәуелсіздігінің 25 жылдығына орай Алматы облысында мерейтойға бағытталған түрлі шаралар ұйымдастырылуда. Оған жастар да белсене қатысып келеді.
Талдықорғанда мерейтойға арнап «CLICK DANCE AWARDS» көше билерінен турнир өтті. Турнирге Алматы облысының орталығына жақын орналасқан аудан, қалалардан жастар көптеп жиналды. Би турнирінің бағдарламасында қатысушылар түрлі номинациялар бойынша өнер көрсетті.
Облыстық жастар ресурстары орталығының өкілі А. Досжанқызының айтуынша, шараның басты мақсаты – саламатты өмір салтын қалыптастыру, талантты жастарды қолдау және жастардың бос уақытын тиімді өткізу.