Бүгін Талдықорған қаласында «Жас Ұлан» кезекті шатырлы лагерь кезеңі ашылды. Ашылу салтанатына Талдықорған қаласының әкімі Бағдат Қарасаев қатысты. Балаларға көтеріңкі көңіл-күй тілеген қала басшысы олардың тұратын орындарының жағдайымен танысты.

Өз кезегінде балалар ата-аналар мен қонақтарға концерт ұйымдастырып берді.

Жалпы, шатырлы лагерьдің бір кезеңінде жетекшілердің қарауымен 200 бала демалады. 20 тамызға дейін дәл осындай 10 кезең өткізу жоспарланып отыр. Сонымен қатар маусым бойы мұнда 600-дей жетім бала, көпбалалы отбасының балалары, ата-ана қамқорлығынсыз қалған балалар, аз қамтылған отбасының балалары демалатын болады. Олар жалпыға міндетті оқу қорының қаржысы есебінен тегін демалады.

Жазғы лагерь бағдарламасында спорттық командалық жарыстар, музейге, галереяға, тарихи орындарға түрлі экскурсиялар ұйымдастырылады.