Жақсы фотосессия үшін бар болғаны екі-ақ нәрсе қажет: білікті фотограф пен суретке әдемі түсудің қыр-сыры жайында сіздің аздаған біліміңіз. Суретке түсудің құпиясынан хабардар болсаңыз, суреттің ойдағыдай шығуы үшін фотомодель болуыңыз шарт емес.
Ендеше, төмендегі ақыл-кеңеске көз жүгіртіп, есіңізде сақтаңыз. Керек болса, үйде айна алдында біраз жаттығып алудың да артықтығы жоқ. Бұл жаттығулар камера алдында өзіңізді еркін ұстауға, ширақ қимылдауға, бастысы, суреттің жақсы шығуына мол септігін тигізеді.
Фотографқа қарай бір қырыңызбен тұрып, басыңызды бұрып қараңыз. Иығыңызды тік, иегіңізді аздап төмен ұстаңыз.
Диванға отырып, арқалығына қарай аздап жантайыңыз.
Қабырғаға аздап сүйеніңіз, денеңізді бос ұстаңыз.
Былай тұрып суретке түсу кадрда бүкіл бойды, сонымен қатар әдемі мүсінді көрсетуге өте ұтымды.
Былай да мүсіннің сымбатына назарды аударуға болады. Назарыңыз фотографта емес, басқа жақта болғаны да суретке өзінше ерекшелік сыйлайды.
Төмендегі сурет көңіліңізден шықса, қолыңызды қатып қалғандай екі жаныңызға жабыстырып алмай, бос, еркін ұстау керектігін есіңізде ұстаңыз.
Екі қолды кеуде тұсында айқастырып алу өзгелерді жанына жолатқысы келмей, итеріп, қуып тұрғандай көрінеді. Десе де, камера алдында мұны неге бір байқамасқа?! Бастысы, жүзіңіз жылы болсын.
Егер әдемі, ұзын шашыңыз болса, камера алдында онымен де жұмыс жасаңыз.
Жағажайда, табиғат аясында немесе үйде диванда жатқанда төмендегі тәсілді ескерсеңіз, сурет өте сәтті шықпақ.
Суретке жан кіргізе біліңіз. Ол үшін кеңістік пен сызықтарды дұрыс пайдалануды үйреніңіз.
Сәтті сурет! Арнайы түсіру орнын да таңдамайды. Мұнда басты назарда көз тұр. Сондықтан камера қарар алдында көз алдыңызға қандай да бір образды елестетуіңіз көп көмек болмақ.
