Алматы облысының климаттық жағдайы көкөністерді өсіруге қолайлы. Әсіресе көңіл пиязға бөлінеді. Пиязға көп мөлшерде су қажет болғандықтан, оны өсіру үшін тамшылап суару жүйесі қолданылады.
Алматы облысы Шеңгелді ауылында орналасқан «ПСХТ Қанат» ЖШС шаруашылығы 420 гектар аумақта пияздың голландиялық тұқымының 8 түрін өсіреді. Мұнда тамшылап суарудың израильдік технологиясы пайдаланылады. Бұл суарумен бірге тыңайтқыштарды сумен бірге дарытуға мүмкіндік береді. Сонымен қатар су 30% дейін үнемделеді.
420 гектар жердегі тамшылап суару жүйесі толық компьютерлендірілген. Бұл суару үрдісін басқаруға мүмкіндік береді.
«Бизнестің жол картасы-2020» бағдарламасы бойынша мемлекеттік қолдаудың арқасында біздің компания тамшылап суарудың израильдік технологиясын орнатты. «Даму» қоры 33 млн. теңге көлеміндегі несиеге кепіл болды. Көктемде пияздың 8 түрін, мәселен: Melody, Goldens, Manas +1, Albina, Ranger отырғыздық. Орнатылған технология қазірдің өзінде тиімділігін көрсетіп отыр. Су мен тыңайтқыштар үнемделді», — деді «ПСХТ Қанат» ЖШС директоры Орынбек Қуандықов.
Тамыздың соңынан бері өнім жиналып жатыр. Өткен жылы шаруашылық 420 гектардан 24 000 тонна пияз алса, биыл кәсіпкер бұл көрсеткішті кем дегенде гектарынан 80 тоннаға дейін көтеруді көздеп отыр.
Өнім Алматы базарларында сатылады, сонымен қатар Ресейге шығарылады.
Алматы облысының өсімдік және мал шаруашылығына «Бизнестің жол картасы-2020» бағдарламасы аясында 4 млрд. теңгеден астам инвестиция құйылып, 39 шаруа қожалығына қолдау көрсетілді.