Jas.kz

Алматы қаласы маңында азық-түлік белдеуін дамыту бағдарламасы шеңберінде ағымдағы жылдың 14 мамырында «Астана» алаңында Алматы облысының 16 аудан, 3 қала, «ЖетісуАгросауда» мен «Алматы» ауыл шаруашылығы өндіріс кооперативтерінің қатысуымен биылғы жылдың алғашқы кеңейтілген ауыл шаруашылығы жәрмеңкесі өткізілді, деп хабарлайды Алматы облысы әкімінің баспасөз қызметі.

Жәрмеңкеге көлемі 170 тонна сапалы, экологиялық таза ауыл шаруашылығы өнімдері әкелінді. Қала тұрғындарына жалпы сомасы 111,2 млн. теңге болатын ауыл шаруашылығы тауарларының 50-ге тарта түрі ұсынылды. Оның ішінде 44,3 тонна ет өнімдері, 4,1 тонна балық еті, 13,9 тонна сүт және сүт өнімдері, 38,1 тонна картоп, 38,2 тонна көкөніс, 9,9 тонна алма мен жеміс-жидектер, сол сияқты бал, күріш, ұн, жұмыртқа, бакалея және басқа да өнім түрлері саудаға шығарылды.

Көктемгі жәрмеңкеге Алматы облысының әкімі Амандық Баталов пен Алматы қаласының әкімі Бауыржан Байбек барды.

—     Алматы маңында азық-түлік белдеуін дамыту – Мемлекет басшысы алдымызға қойған үлкен міндеттердің бірі. Бұл бағытта біз қала басшылығымен бірлесіп жұмыстар атқарып келеміз. Ауыл шаруашылығы жәрмеңкесін өткізу – азық-түлік белдеуін дамыту жолдарының бірі, — деп атап өтті А. Баталов.

Жалпы, азық-түлік белдеуін дамыту мақсатында Алматы облысында өсімдік және мал шаруашылықтары өндірістеріің көлемін арттыру, өңдеу өнеркәсібін дамыту, азық-түлікті сақтауға инфрақұрылым жүргізу, типтік және шағын отбасылық жылыжайлар жүйесін, сонымен қатар сүт-тауарлы фермалары мен мал бордақылау алаңдарын көбейту жұмыстары жүргізілуде.

Бүгін Талдықорған қаласында 120 отбасы пәтерлі болды. Кезекте тұрған азаматтар, соның ішінде мүгедектер, жетім балалар, көпбалалы және толық емес отбасылар, ауғандық ардагерлер, бюджеттік сала қызметкерлері қаланың Оңтүстік-Батыс ауданындағы екі коммуналдық үйдің кілтін Алматы облысының әкімі Амандық Баталов тапсырды, деп хабарлайды Алматы облысы әкімінің баспасөз қызметі.

— «Өңірлерді дамыту — 2020» және «Нұрлы жол» мемлекеттік бағдарламаларын жүзеге асыру шеңберінде тұрғын үй құрылысы қарқынды дамып келеді. Бүгін біз кезектегі азаматтарға мемлекет қолдауының нәтижесінде жаңа Оңтүстік-Батыс ауданнан 120 пәтердің кілтін беріп отырмыз. Мұнда инфрақұрылым жасалып, алдағы уақытта балабақша, мектеп, Салтанат сарайы, Көрме павильоны, Драма театры ғимараты сияқты көптеген әлеуметтік маңызы зор нысандар осы маңда салынып, жаңа аудан көркейе түсетін болады, — дей келе облыс әкімі А. Баталов қоныстой иелерін қуаныштарымен құттықтап, олардың отбасыларына амандық тіледі.

Сондай-ақ балаларын жалғыз тәрбиелеп отырған ана Күлән Жинақова да елімізде жүргізіліп отырған мемлекеттік саясаттың арқасында баспаналы болғанын, бұл ең бірінші балалары үшін аса маңызды екенін жеткізді.

Жалпы, бұл 60 пәтерлі екі үйдің құрылысы 2014 жылы басталған болатын. «Өңірлерді дамыту — 2020» бағдарламасының шеңберінде тұрғын үй құрылысына 765 577,94 мың теңге бөлінген. 120 пәтердің 56-сы бір бөлмелі, 64-і – екі бөлмелі. Оған қоса жыл басынан бері Талдықорғанда 5 көп пәтерлі тұрғын үй берілген болатын. Жылдың соңына дейін тағы 3 көп қабатты үйді пайдалануға беру жоспарланған.

Бүгінгі күні жастар үшін ең қызықты және бәрін біріктіретін ойын — бұл КТК. КТК ойындарының ең басты ерекшелігі — жастардың өз өмірлерін, саясатты, қоғамда болып жатқан оқиғаларды өз көздерімен  көруі. КТК өткізудегі негізгі мақсат — жастардың шығармашылық қабілеттерін дамытуға көмектесу, олардың зияткерлік әлеуетін іске асыру, патриоттық сезімдерін, жауапкершілік мінез-құлық дағдыларын тәрбиелеу.

Бүгін Астанада М. Өтемісов атындағы Оқушылар сарайында  «Жастар – Қазақстанның болашағы» тақырыбына КТК фестивалі өтті.

Осы КТК фестивалін өткізудің басты мақсаттары — нашақорлықтың алдын алуға көмектесу, сондай-ақ жастардың назарын салауатты өмір салтына тарту.

«Жастар саясаты мәселелері басқармасы»  және «Астана қаласы Білім басқармасы»  қолдауымен «Право» ҚҚ бірлесе ұйымдастырылып отыр.

КТК фестиваліне жоғары оқу орындарының (колледждер) студенттерінен 18-ден астам команда мен 250-ден астам көрермен қатысты.

Фестивальге кімдер қатысады? Олар – жастар, студенттер, креативті және белсенді өкілдері, олар қазірден бастап шығармашылық жоспарлар құрып, алдағы уақытта әзіл майданында болатын шайқасқа дайындалуда. Бұл КТК әлеміне қосылуға ниет білдіруші жаңа балалар, олардың да КТК жоғарғы лигасына кіру мүмкіндіктері бар.

Нұрлан Қоянбаев, Тұрсынбек Қабатов сияқты және басқа да көптеген белгілі тұлғалар КТК-дан шығып, оның жарқын ойыншылары болғаны мәлім.

Фестиваль конкурсанттары іріктеу барысында, жеткілікті дайындық деңгейін көрсетті, жаңа әзілдерін, қойылымдарын, әндерін ұсынды. КВН форматында жастар оларды толғандыратын тақырыптар туралы айтылды: карьера, ата-аналары, жастар арасындағы, полициямен өзара қарым-қатынас, өздерінің есірткіге көзқарасы туралы.

Фестиваль шеңберінде мынадай номинациялар жеңімпаздары жарияланды:

— ең үздік әзіл «Легион» командасы,»Технологиялық колледжі»;

— ең үздік дауыс «Туран Профи» командасы;

— ең үздік ерлер ролі «Қоғамдық тамақтандыру және сервис колледжі»;

— ең үздік әйел ролі «Менеджмент және бизнес колледжі»;

Бұл кезеңнің жеңімпаздары «Елорда» 3-ші орынды иеленді, «Грация» командасы 2-ші орын алды және әділ лауреат деп «Свой выбор» командасы танылды.

zhastar.astana.kz

Егер де Сіз деструктивті діни ұйымдардан зардап шексеңіз немесе қандай да бір ұйым Сізді мазаласа сенім телефонына 8 (7172) 78-22-88 қоңырау шалу арқылы білікті психолог, дінтанушы және теолог мамандардың көмегіне жүгіне аласыз.

Толық ақпарат сенім телефоны арқылы немесе Астана қаласы әкімдігінің Дін проблемаларын зерттеу орталығынан КММ кеңес алсаңыз болады.

Құпия және тегін көмек беру – ол сенім телефонының негізгі қағидасы. Яғни, елордамыздың әр тұрғыны телефон соғу арқылы анонимді психологиялық кеңес алып, оның құпия сақталуына кепілдік алады.