Jas.kz

Республикада мәслихат депутаттығына барлығы 1050 кандидат ұсынылды. Бұл туралы бүгін ҚР Орталық сайлау комиссиясының хатшысы Бақыт Мелдешов мәлім етті.

Облыстық, Астана және Алматы қалаларының аумақтық комиссиялары ұсынған мәліметтерге сәйкес 2016 жылдың 1 ақпанындағы сағат 10.00-дегі жағдай бойынша республикада мәслихат депутаттығына барлығы 1050 кандидат ұсынылды. Олардың ішінде: 107-сі — облыстық, Астана және Алматы қалалық мәслихаттарына, 804-і — аудандық мәслихаттарға, 139-ы — қалалық мәслихаттарға. 2 кандидатты саяси партиялар, ал 1048-і өзін-өзі ұсынып отыр», — деді ол.

Оның атап өтуінше, қазіргі сәтте ұсынылған кандидаттардың басым бөлігі, нақты айтқанда, 239-ы Солтүстік Қазақстан, 197-сі Қарағанды, 132-сі Шығыс Қазақстан, 95-і Қостанай облыстарынан тіркелген.

«Ұсынылған кандидаттардың бесеуі Қазақстан Республикасы саяси партияларының мүшелері, 553-і партияда жоқ, тағы 492-сі өзінің партияға тиесілі екенін көрсетпеген. Ұсынылған кандидаттардың арасында 16 ұлттың өкілі бар. Ер адамдар — 693, әйелдер — 357. Орташа жасы — 41 жас», — деді Б.Мелдешов.

ОСК хатшысының мәліметтеріне қарағанда, 720 кандидаттың жоғары білімі, 257-сінің арнаулы орта және 72-сінің орта білімі бар. Кандидаттардың 56 пайызы мемлекеттік мекемелерде, ұйымдарда және кәсіпорындарда, 38 пайызы коммерциялық құрылымдарда жұмыс жасайды, 6 пайызы басқа кәсіппен айналысады. Округтік сайлау комиссиялары 28 кандидатты тіркеді.

Айта кетейік, Ортсайлауком бекіткен күнтізбелік жоспарға сәйкес мәслихаттар депутаттығына кандидаттарды ұсыну 2016 жылғы 19 ақпанға, ал тіркеу 23 ақпанға дейін жүргізіледі.

ҚазАқпарат

Соңғы жылдары Павлодар облысында егіздердің дүниеге келуі жиілеген. Облыстық денсаулық сақтау басқарма басшысының орынбасары Айдар Сейітқазинов мәлімдегендей, былтырғы жылы көрсеткіш едәуір ұлғайған.

— 2015 жылы Павлодар облысында 141 егіз бен үш үшем дүниеге келген. Ал, 2016 жылы өңірде төрт егіз жарық дүние есігін ашты. Биыл әзірге үшемдер дүниеге келген жоқ, — дейді А. Сейітқазинов жергілікті БАҚ жолдаған сауалға.

Айта кетерлігі, облыстық статистика департаментінің мәліметінше, 2013 жылы 85 ана егіз баланы дүниеге әкелсе, үш ана үшем туған. Ал 2014 жылы 114 егіз бен екі үшем туылған. Мамандардың хабарлауынша, егіздер туылған 141 жағдайдың бесеуінде экстракорпоральды көмек қажет болған. Алайда үшемдер туылған үш жағдайдың біреуінде ғана отбасы аталған медициналық қызмет түріне жүгінбеген. А. Сейітқазиновтың айтуынша, өткен жылы Павлодар облысында 36 отбасы квота арқылы экстракорпоральды ұрықтандырудың көмегіне жіберілген. Биылғы жылы бұл мақсатта қаражат бөлінген жоқ.

ҚазАқпарат

Оңтүстік Қазақстан облысы Отырар ауданында тұратын қарапайым ұстаз ұлттық қолөнерді дәріптеп жүр. Бейнелеу пәнінің мұғалімі кілем тоқып, майлы бояумен сурет салады. Өнердің сан түрін меңгерген Бақытбек Амангелдиев тіпті қолының қиюы бар оқушыларға кілем тоқудың да қыр-сырын үйретеді.

Шебердің ұшқыр қиялынан туындаған дүниелер қарапайым болғанымен, тамыры терең салт-дәстүрімізді насихаттауымен ерекше. Шебер бұл жолы тарихи жәдігер Арыстанбаб кесенесін жаңа тәсілмен тоқып шықпақшы. Ісмердің саусағымен өрнектелген кілемдер мен майлы бояумен салынған дүниелерде қазақ халқының тарихы, салт-дәстүрі мен әдет-ғұрпы үйлесім тапқан. Мазмұны мәнді кескіндемелердің айтатын астарлы ойы да терең.

Бақытбек Амангелдиев, шебер:

— Мен көбіне түкті кілем мен тақыр кілемді араластырып тоқығанды жақсы көремін. Артқы жағын тақыр кілеммен, негізгі кейіпкерді түкті кілеммен тоқимын. Негізгі кейіпкер айшықталып, менмұндалап көрініп тұруы керек. Зат жақындаған сайын ол анық-қанық көрінеді. Соны дәл орындайтын болсақ, біздің жұмысымыз керемет сәтті шығады.

Ғасырлай бойы жалғасып келе жатқан кәсіпті ол әжесінен үйреніпті. Жаз бойы апаларымыз асарлатып кілем тоқитын. Тоқпақ ұруға құмбыл тұратын боз баланың сол кездегі өнерге деген сүйіспеншілігі бертін келе осы іске түбегейлі ден қойуына негіз болыпты

24.kz

Әлихан Бөкейхан дәм татқан еменнен ойылып жасалған ет табағы табылды, деп хабарлайды kazmuseum.kz сайты «Орталық Қазақстан» басылымына сілтеме жасап.

«Ақтоғайдан қоңырау шалды. Әниша Жасымбекқызы екен. Әлихан бабамыздың ұрпағы. Бөкейдің тоғыз ұлының бірі Батырдан Мырзатай мен Рүстем туады. Мырзатайдан Нұрмұхамед балалары Әлихан, Смахан туса, Рүстемнен Бегетай баласы Жасымбек туады.

Кеңестік өкіметтің көмусіз қалған Әлиханға жоқтау сөзді де қимағаны белгілі. Смахан төре Талдыбейітке тас қойғанда Әлиханға арналған құлпытастағы жазуды нақ осы Жасымбектің қолымен өшіртеді. Не деген сұрқай саясат еді?! Әлекеңнің бір бауыры жанын жалдап жүріп құлпытас қояды, тағы бір бауыры сондағы есті сөзді қолы дірілдеп отырып өшіреді…

Бұл кезде Жасымбек аға Жіңішке бойындағы бірінші бөлімшеде тұрыпты. Құлпытасты ал деп бұйырған ғой қызыл коммунистер. Әрі ойлап, бері ойлап Жасымбек аға бір амалын тапқан. Атарбамен барып, құлпытастағы жазуды сылап тастаған. Қызыл коммунистер қалай десе де құлпытасты алмайды.

Бір жақсы күннің келетініне сенген ғой. Өкініштісі, ол кісі сол жақсы күнге жете алмады. 1980 жылы бақилық болыпты.

Сол сылақ 1992 жылы Ақтоғайда үш арыстың тойы тойланғанда алынған ғой. Сондағы бақытты жандардың бірі осы Әниша апайымыз болыпты. Бұл әулет те қуғын-сүргінді көріп бағады. Алайда бұл атаның ұрпағы азаттық рухын арқалап ертеңіне жөңкіген ұлы көштен қалмайды.

Әниша апайымыз — сол текті ұрпақтың жұқанасы. Қырық жылға тарта мектепте ұстаз болған. Алдынан мыңдаған шәкірт өрбіткен. Әлихан бабамызға қатысты ақтаңдақтарға бір сәуле түсіруге ұмтылған жандардың бірі. Ондай жазбалары қазақ баспасөзінде жарияланып жүр.

— Әлихан атамнан бір жәдігер қалып еді…
Мен тілімді тістейін.
— Әлихан атамыздан қалған құнды жәдігер — еменнен ойылып жасалған кәдімгі еттабақ. Бұл табақты бабамыз менің әжем Сақыпқа әкеп берген. Ғасырдан аса сақталған құнды жәдігерді Қалымхан шешем бүгінгі күнге дейін сақтап келді.

Апайдың жақсы хабарына жаным семіріп қала бердім. Тағы да хабарласатынын айтты. Жақсы хабармен», — деп жазады басылым.

baq.kz

Қытайды жаңа қырынан таныстыратын кітаптың аты – «Жаһанды жайлаған жұрт» деп аталады. Авторы – жас журналист Дәурен Омаров.  

Қазақстанның басым бөлігінде ақпан айында жылы, нормадан 1 градусқа жоғары болады. Тек оңтүстік-шығыс өңірлерде ауа температурасы климаттық норма шамасында болады.