Jas.kz

        Бүгін облыс әкімі Жансейіт Түймебаев өңіріміздегі бір топ іскер әйелмен  кездесті.  Кездесу барысында өңір басшысы Елбасының шағын және орта кәсіпкерлікті дамыту жөніндегі тапсырмасының орындалуына тамшыдай болсын үлестерін қосып жүрген ханымдарға алғысын білдірді.

    «Қазіргі кезде Оңтүстік Қазақстан облысында қалыпты түрде жұмыс істеп тұрған шағын және орта кәсіпкерлік нысандарының саны 175 мыңды құрайды. Ал  сол кәсіпорындардың 30 пайыздан астамын нәзік жандылар басқаруда. Аталған көрсеткіш бүгінде әйелдердің кәсіпкерлік қызметімен айналысуға деген белсенділігін көрсетеді», — деді облыс әкімі Жансейіт Қансейітұлы.

Айта кетейік, биыл «Бизнестің жол картасы -2020» бағдарламасы аясында облысымызда 18 кәсіпкер әйел 39,5 миллион теңге көлемінде грант иеленіпті. Бұл алдыңғы жылдармен салыстырғанда екі есеге артық көрсеткіш.

     Биылдың өзінде  «Оңтүстік» аймақтық инвестициялық  орталығы 386 кәсіпкер әйелге 1 млрд. 23 миллион теңге көлемінде несие беріпті.  Сондай-ақ өңіріміздегі  «Ontustik» кәсіпкерлерге қызмет көрсету орталығының филиалы барлық аудан-қалаларда жұмыс жүргізуде.  Мұнда ісін жаңа бастағалы отырған кәсіпкерлер өз біліктілігін арттырып қана қоймай, бизнесті жүргізудің жаңа тәсілдерін үйрене меңгере  алады. Осы орталықтарда оқыған тыңдаушылардың 40 пайызын әйелдер қауымы құрайды.

     Облыс әкімімен  емен-жарқын әңгіме барысында нәзік жандар өткендеріне көз жүгіртіп, алдағы жоспарларымен де бөлісті.

     Кездесу соңында өңір басшысы нәзік жандарды жаңа жыл  мерекесімен құттықтап, бірқатар номинациялар бойынша сыйлықтар тапсырды.

     Бүгін ОҚО Аймақтық коммуникациялар қызметінде Ордабасы ауданының әкімі Алмасбек Мамытбеков баспасөз мәслихатын өткізді. Өңір басшысы ауданның әлеуметтік-экономикалық даму жағдайына тоқталып, Тәуелсіздік жылдары жеткен жетістіктер туралы баяндады, деп хабарлайды ОҚО әкімінің баспасөз қызметі.

    2016 жылы аудандағы 20 инвестициялық жобаға бюджет есебінен 3 млрд 961 млн.теңге бөлініпті.  Биылдың өзінде өңірге  тартылған инвестиция көлемі 7 млрд. 177 млн. 400 мың теңгені құрап отыр екен.   Оның ішінде республикалық бюджеттен 1 млрд. 515 млн. 100 мың теңге, жергілікті бюджеттен 2 млрд. 365 млн. 600 мың теңге, меншікті қаражат есебінен 2 млрд. 353 млн. 100 мың теңге, басқада қарыз қаражаттар есебінен 837 млн. 200 мың теңге.

     Аудан экономикасының негізгі салаларының бірі – ауылшаруашылығы. 2016 жылдың қаңтар-қазан айларында ауыл шаруашылық саласында 26 млрд. 870 млн. 900 теңгенің өнімі өндіріліпті. Сондай-ақ  31 мың  130 гектар  суармалы жер игерілген.

   Жыл басынан бері ауданда 7,18 гектар жылыжай салынып, 688 гектарға тамшылатып суғару әдісі енгізіліпті.

  «Сыбаға» бағдарламасымен  1388 ірі қара мал, «Алтын асық» бағдарламасымен 4413 қой,  «Құлан» бағдарламасы бойынша 741 асыл тұқымды жылқы сатып алыныпты.  2016 жылы ауданда 17 мың 195 тонна мал мен құс еті өндірілсе, сүттің көлемі  32 мың 441 тоннаға жеткен.

    Ордабасы ауданында соңғы 16 жылда ірі қара мал басы да артып отыр екен.  Ірі қара мал басы  20 мың  700-ден  55 мың 340-қа, уақ мал 78 900-ден 295 мың 237-ге,  жылқы саны 4 мың 900-ден 19 мың 162-ге, түйе саны 100-ден 494-ке көбейген. Құстардың саны  199 772-ден  612 320-ға артыпты. Жалпы биыл ауданда   5 833 000 мың теңгенің ауылшаруашылық өнімі өндіріліпті.

    Аудан әкімі жергілікті бюджеттің жалпы кірісі  381 млн. 264 мың теңгені құрағанын тілге тиек етті. Сондай-ақ жұмыссыздардың саны 2600-ге азайған.

Бүгінде Ордабасы ауданында  шағын және орта кәсіпкерлікпен айналысатын    9538 кәсіпорын жұмыс істейді екен. Мұнда 20 мың 657 адам жұмыспен қамтылыпты.   2016 жылдың қаңтар-қазан айында шағын және орта бизнес субъектілерімен өндірілген өнім көлемі 37 млрд. 938 млн. 300 мың теңгеге жетіп отыр.  Одан түскен салық көлемі 569 млн. 100 мың теңгені құрапты.

    Баспасөз мәслихаты барысында аудан басшысы журналистер тарапынан қойылған сауалдарға да жан-жақты жауап берді.

    Бүгін жаңа жыл қарсаңында Шымкенттегі Қ.Төлеметов көшесінде 2 көпқабатты тұрғын үй пайдалануға берілді.  Салтанатты шараға облыс әкімі Жансейіт Түймебаев қатысып, 96 отбасыға  пәтер кілтін табыстады, деп хабарлайды ОҚО әкімінің баспасөз қызметі.

   7 қабатты қос зәулім тұрғын үйдің құрылысын  «Отау Строй» компаниясы жүргізген. Негізгі тапсырыс беруші —  «Қазақстан Ипотекалық Компаниясы» ипотекалық ұйымы.

  «Жаңа жыл қарсаңында қоныстанғалы отырған баспаналарыңыз құтты болсын. Бұл үйлерді мемлекет сіздерге делдалдарсыз және несиеге барынша төмен пайызбен ұсынып отыр. Ұзақ мерзімді жалға беріліп отырған баспаналардың  сатып алу құны да арзан. Мемлекеттің осындай ігі істері алдағы уақытта да жалғасын табатын болады»,- деді облыс әкімі Жансейіт Түймебаев.

    Жаңа пәтерге жайғасқандардың басым көпшілігін көп балалы және мүгедек балалары бар отбасылар құрайды.  Сондай-ақ, жаңа қонысқа қол жеткізгендердің арасында жетім балалар мен оралмандар, мемлекеттік қызметкерлер мен  бюджеттік мекеме қызметкерлері де  бар. Мұндағы тұрғын үйлердің әр шаршы метрі үшін жылдық төлем 900 теңгеден аспайды. 20 жыл мерзім аяқталғанда пәтерлер азаматтардың меншігіне айналады.

    Жалпы, «Нұрлы Жол» мемлекеттік бағдарламасы мен «Өңірлерді дамытудың 2020 жылға дейінгі бағдарламасы» іске аса бастағаннан-ақ «Қазақстан Ипотекалық компаниясы» Шымкент қаласында 2541 пәтерді  сатып алған.

Оңтүстік Қазақстан облысының әкімі Жансейіт Түймебаевтың қатысуымен Шымкент қаласында «Қос ана» балабақшасы пайдалануға берілді. Жаңа балабақшада 280 бала 12 топта тәрбиеленеді.

— 280 орынды заман талаптарына сай жаңадан пайдалануға берілген «Қос ана» балабақшасының бүлдіршіндерге есігін айқара ашуы барлығымыз үшін үлкен қуаныш. Осындай тәлім-тәрбие үйін салып берген кәсіпкер, меценат Серікжан Сейітжанұлына облыс басшылығының атынан алғысымды білдіремін. Бұл Сіздің Тәуелсіздігіміздің 25 жылдығына жасаған тартуыңыз деп есептейміз. Үлкен жүрегіңізбен, ата-бабалар ізімен игі істеріңізді жалғастыра беріңіз, – деген облыс әкімі Жансейіт Қансейітұлы балабақша меңгерушісі Ханшайым Құдайбергенқызына ғимарат кілтін  салтанатты түрде табыс етті.

Ал, кәсіпкер С.Серікжанұлы өз кезегінде жыл сайын бір-бір нысанды іске қосып келе жатқанын жеткізді. Ол сегіз айда балабақшаны салып, пайдалануға берген құрылысшыларға алғысын  айтты.

Мұнан соң заман талабына сай жабдықталған балабақшаның еңселі ғимаратын көппен бірге аралап көрген облыс басшысы бүлдіршіндердің өнерін  тамашалады.

«Қос ана» балабақшасында балаларға арналған ойын бөлмесі, балалардың ән шырқап, би билеуіне арналған музыка залы, салауатты өмір салтын қалыптастыруға арналған спорт залы, әр топқа арналған ойын алаңшалары мен  асханасы бар.

Балалардың бөлмелері таза, әрі ыңғайлы және кең. Ұйымдастырылған оқу іс-әрекеттері үш тілде яғни  қазақ, орыс және ағылшын тілдерінде жүргізілетін болады. Балабақшаның құрылыс жұмыстарын мердігер «Мұнай құрылыс сервис» жауапкершілігі шектеулі серіктестігі жүргізген.

Әрбір бөлме сол топ балаларының жас ерекшеліктеріне  қарай дайындалған. Сонымен қатар бөбектер ұйықтайтын бөлмелері мен сапалы білім мен саналы тәрбиеленетін бөлмелері жеке дара.

Сондай-ақ бүлдіршіндердің жас ерекшелігіне сай ақыл-ойын дамытатын сан алуан ойыншықтар түрімен қамтамасыз етілген.