Jas.kz

Қыркүйектің 26-27 аралығында Астанада Мәжіліс Спикері Нұрлан Нығматулиннің төрағалығымен Инновация, технология және білім мәселелері жөніндегі Астана Парламентаралық форумы өтті. 20-дан астам елдердің парламентшілері мен сарапшылары, сондай-ақ, халықаралық ұйымдардың өкілдері жиналған маңызды форумда Мәжіліс Төрағасы қатысушыларға құттықтау сөзін арнай келіп, елімізде алғаш рет ұйымдастырылып отырған осы форумның Қазақстан тәуелсіздігінің 25 жылдық мерейтойы қарсаңында өтуіне айрықша назар аударды.

Форум аясында «Rixos President Astana» қонақүйінде елеулі танымдық маңызы бар сирек кездесетін кітаптар мен қолжазбалардың көрмесі ұйымдастырылды.

Көрмеде Мемлекеттік тарих, Әдебиет, Шығыстану, Философия, Археология, Экономика, Тарих институттарының туындылары, сонымен қатар ҚР Білім және ғылым министрлігі Ғылым комитетінің ­­ Ғылыми кітапханасындағы өте құнды сирек кітаптар мен қолжазбалары қойылды.

Ұйымдастырылып отырған бұл шараның ең көне жәдігері — ХІХ ғасырда Стамбулда басылып шыққан қасиетті Құран кітабы. Ол еліміздегі ең көне кітап болып табылады.

Еліміздің ең үздік 48 ұстазына 2 млн 121 мың теңге көлемінде ақшалай сый табысталды. Жалпы байқауға 5620 ұстаз қатысқан. Ұстаздарды марапаттауға Қазақстан Республикасының сенат және мәжіліс депутаттары қатысты.

Жалпы, тәуелсіздік алғаннан кейін елімізде 500 ге тарта балабақша салынып, 1356 мектеп қолданылуға берілген. 25 жылда мұғалімдердің біліктілігі де артқан. 1991 жылы мектептердегі жоғарғы білімді оқытушылар 66 пайызды құраса, бұл көрсеткіш 2016 жылы 91 пайызға дейін өскен.

Еліміздің ең үздік ұстаздарын Сенат депутаты Дариға Назарбаева мерекемен құттықтады:

«Ұстаз деген қарапайым сөздің өзінде қаншама мағына, қандай терең мән жатыр десеңші. Ұстаздар өз отбасында алаңсыз жүрген балақайды аса қамқорлықпен қабылдай отырып, оны білім, ғылым, өнер және спорт саласына әкеледі. Сіздер біздің қоғамдағы ең қадіргі мамандық иесі боласыздар, құрметті ұстаздар!».

Сенатор өз сөзінде «Тәуелсіздік жылдарында халық ағарту саласы ойланбай жасалған реформалардан көп қиындықтар көрді. Десекте, тәжірибе өмірдегі ең қымбат нәрсе екендігін ұмытпайық. Қазір бізде тәжірибе бар. Қолдан келгенше жақсарып келеміз. Біз барлық мәселелерді шеше аламыз. Келер ұрпақ бізге «өте жақсы» деген баға қоюы үшін барлығын істейміз», — деді.

Сондай-ақ ұстаздар «Ыбырай Алтынсарин» медалімен марапатталып, оларға «Білім беру ісінің құрметті қызметкері» төс белгісі табысталды. Білім мекемелеріне, жалпы білім саласына демеушілік танытып жүрген меценанттарға да құрмет көрсетілді. Ұстаздар меркесі Қазақстан өнер жұлдыздарының концертімен жалғасты.

Baq.kz

Бүгiн Үкiмет отырысынан кейiн өткен баспасөз мәслихатында ҚР Бiлiм және ғылым министрi Ерлан Сағадиев ұлттық бiрыңғай тестiлеу жүйесiнде қандай өзгерiстер болатынын мәлiм еттi.

«Қазiр соңғы жоба жоқ. Әзiрге дайын жоба педагогикалық қауымдастыққа талқыға ұсынылады. Мектепте түлектер бiрқатар пән бойынша емтихан тапсырады. Ал Ұлттық бiрыңғай тестiлеу бұрынғыша өткiзiле бередi. Тек сұрақтар құрылымы өзгередi. Жоба бойынша 60 сұрақ стандартты болады. 60 сұрақ 30-дан екi блокка бөлiнедi, олар мамандыққа байланысты болады. Мәселен, түлек медициналық мамандықты таңдаса, 60 стандартты сұраққа жауап бередi, осыған қоса 60 сұрақ болады, 30-ы биология, 30-ы химия бойынша. Қалған тәртiпке айтарлықтай өзгерiс енгiзiлмейдi», — дедi Е.Сағадиев.

Министр атап өткендей, бұл жоба қазiр дайын, ол шағын құрамдағы педагогтар қауымдастығына талқыға ұсынылған.

«50-ге жуық мектеп директоры, ректорлар талқылауға қатысып жатыр. Осыдан кейiн жобаны министрлiктiң сайтына iлемiз. Содан кейiн сол жерде пiкiрлердi жинап, қарастырамыз», — дедi Е.Сағадиев.

Baq.kz