Jas.kz

Тәуелсіздік мерекесі қарсаңында «Қазақстан теміржолы» және «Қазпошта» ұлттық компаниялары пошта бөлімшелерінен теміржол билеттері сатылу жөніндегі бірлескен жобаны іске қосты, деп хабарлайды «Жолаушылар тасымалы» АҚ баспасөз қызметі.

Бүгін Талдықорған қаласының Мәдениет үйінде Қазақстан Республикасының іскер әйелдер қауымдастығының 20 жылдығына орай «Өзгермелі экономикадағы әйелдердің рөлі: жаңа мүмкіндіктер мен әрекеттер» атты Алматы облыстық іскер әйелдер форумы болып өтті.

Облыс әкімі Амандық Баталов Форумға қатысушыларды құттықтау сөзінде:
— Елбасы Нұрсұлтан Әбішұлы Назарбаевтың «Қоғамның даму барысын өмірде – нәзік, көңілде биік, ал істе мығым әйелдер қауымынсыз көзге елестету мүмкін емес»,- деген сөзі әйел азаматтарына үлкен сенім артады.

Бүкіл елімізге танымал Күляш Айтжанова, Адалят Зайнаудинова (Панфилов) және Рахилям Сейітова (Ұйғыр) апайларымыз – Социалистік Еңбек Ерлері, біздің жерлестеріміз.

Алматы облысы халқының жартысынан астамын әйел азаматтар құрайды (980 мың немесе 50,8%). Осы күнде мұғалімдердің 80, медицина саласы қызметкерлерінің 65 пайызынан астамы – нәзік жандылар. Қазір облыстағы шағын және орта бизнес субъектілерінің 60 пайызына әйелдер басшылық жасайды. Бұл – гендерлік стратегияның жемісі, оның оңды жүзеге асып жатқандығын көрсетеді.

Мемлекет басшысының бастамасымен қолға алынған «Мерейлі отбасы» ұлттық байқауына биылғы жылы облыстан 253 отбасы қатысты.

Облыс әкімі өзінің құттықтау сөзін: «Әйелдің жаны нәзік, жолы жіңішке»,- дегендей, Елбасының Жолдауын іске асыру үшін Сіздердің білімдеріңіз, тәжірибелеріңіз, іскерлік қабілеттеріңіз толық жететіндігіне сенімдімін. Сіздердің ұлт тәрбиелеу мен қоғамдағы еңбектеріңізге табыс, отбасыларыңызға амандық тілеймін, — деп қорытындылады.

Осыдан кейін барша әйелдер қауымының атынан жалынды сөздерімен Алматы облысының Құрметті азаматы Күмісжан Өмірбаева мен ҚР Президентінің жанындағы әйелдер істері және отбаслық – демографиялық саясат жөніндегі ұлттық комиссия төрайымының орынбасары Ләззат Сүлеймен форумға қатысушыларды құттықтап, сөз сөйледі.

Жиын соңында облыстың белсенді іскер әйелдері өңір басшысының қолынан алғыс хаттармен, құрмет грамоталарымен және арнайы төсбелгілермен марапатталды.

Елбасы Нұрсұлтан Назарбаев Парламент Сенатының Халықаралық қатынастар, қорғаныс және қауіпсіздік комитетінің мүшесі, депутат Мұхтар Алтынбаевпен кездесті. Бұл туралы Ақорданың баспасөз қызметі хабарлады.

Алматы облысының әкімі Амандық Баталовтың  Желтоқсан оқиғасына қатысқан азаматтармен кездесуі жыл сайын дәстүрлі түрде өткізіліп келеді. Жақсы үрдіс бойынша биыл да осы кездесу ұйымдастырылып, Желтоқсан оқиғасына қатысқан азаматтардың Тәуелсіздікке қол жеткізу жолында сіңірген еңбектері үшін алғыс білдіріп, құрмет көрсетудің сәті түсті.

Амандық Ғаббасұлы Алматы облысына қарасты аудан, қалаларда тұрып жатқан Желтоқсан оқиғасына қатысқан жетісулықтарды құттықтап, Тәуелсіздікке қол жеткізудің оңай еместігін, ал оны ұстап тұрудың одан да қиын екендігін атады. Сондай-ақ өңір басшысы облыстың әлеуметтік-экономикалық жағдайында болып жатқан оңды өзгерістер мен қол жеткізген жетістіктерге тоқталып өтті. Атап айтқанда, Мемлекет басшысы Н. Назарбаевтың тапсырмаларының орындалу барысы, ауылшаруашылығы саласын дамытудағы үлкен бастамалар мен жетістіктер, облыс орталығы Талдықорған қаласында салынып жатқан сәулет көркі жарасқан зәулім ғимараттар мен өңіріміз арқылы өтіп жатқан республикалық маңызы бар жолдардың құрылысы, «Қорғас — Шығыс қақпасы» арнайы экономикалық аймағын құру мен Ұлы Жібек жолын жаңғыртқан «Батыс Европа — Батыс Қытай» халықаралық жолының құрылысы, осының барлығы бүгінгі күннің ауыз толтырып айтуға болатын жетістіктері екендігін атап өтті.

Кездесу барысында Желтоқсан оқиғасына қатысушылар атынан сөз алған Е.Шаймерденов пен Е. Жүнісхан желтоқсандықтарға облыс басшылығының тарапынан көрсетіліп жатқан қолдауға ризашылықтарын білідіріп, алғыстарын жаудырды. Сондайқ-ақ кездесуге жиналған барша азаматтарды алдағы күндері аталып өтетін Тәуелсіздік күні мерекесімен құттықтады.

Кездесу соңында жиналғандар естелік суретке түсіп, көтеріңкі көңіл-күймен тарқасты.

Естеріңізге салар болсақ, Тәуелсіздік күні қарсаңында облыстың барлық аудан, қалаларында мәдени – көпшілік шаралары, ұлттық спорт түрлерінен жарыстар, ұлттық ойындардан түрлі сайыстар, патриоттық әндер байқаулары өтетін болады.

Бүгін Алматы облысының әкімі Амандық Баталовтың төрағалығымен облыстық актив отырысы өтті. Отырыстың күн тәртібінде Елбасы Нұрсұлтан Әбішұлы Назарбаевтың «Қазақстан жаңа жаһандық нақты ахуалда: өсім, реформалар, даму» атты Қазақстан халқына Жолдауында атап өткен тапсырмаларын орындау бойынша атқарылатын іс-шаралар ретін анықтап алу мәселесі қаралды.

Актив жиынына өңір басшысының орынбасарлары, аудан, қала әкімдері, басқармалар мен департаменттер басшылары, кәсіподақтар мен жастар ұйымдары, депутаттар мен журналистер қатысты.

Алматы облысының әкімі Амандық Баталов өзінің баяндамасында өңірлердің алдағы уақытта атқаруы тиіс жұмыстары көрініс тапқан Жолдаудың 5 бағытына жеке – жеке тоқталды.

Мемлекеттік – жеке меншік әріптестік, инвестиция тарту, агроөнеркәсіптік кешенді, өнеркәсіпті, шағын және орта бизнесті дамыту – біздің атқарар жұмысымыздың басты бағыттары болмақ. Аталған салалар бойынша облысымызда бүгіннің өзінде жоңды нәтижелер көрінуде, алдағы уақытта осы көрсеткіштерімізді ұстап тұрып қана қоймай, оларды әлі де еселеуіміз қажет.

Осыдан кейін өңір басшысы Жолдауда ерекше назар аударылуы тиіс деп аталған жұмысшылардың біліктілігін арттыру мен қайта даярлаудан өтуі, жаңа жұмыс орындарын ашу, халықтың әлеуметтік әлсіз топтарына атаулы көмек көрсету қажеттілігіне тоқталды.

— Біздің басты мақсатымыз – Мемлекет басшысының берген тапсырмалар уақытылы әрі сапалы орындау болып табылады. Себебі берілген тапсырмаларды орындау арқылы халықтың әл-ауқатын жан-жақты жақсартуға және жалпы мемлекеттің белсенді дамуына бағытталған.

Елбасы Нұрсұлтан Әбішұлы Назарбаев атап өткендей: «Біздің мақсатымыз – біздің Отанымызды бақытты және өркендеп келе жатқан халқы бар мәңгілік елге айналдыру». Сол себепті облыстың барлық атқарушы органдары үнемі жемісі әрі жауапты еңбек етулері тиіс, — деп ойын қорытты Амандық Ғаббасұлы.

Облыс активінің жиынында сөз сөйлеген өңірдің қоғам белсенділері Мемлекет басшысының ұсынған жаңа бағыттарының өекті және уақытылы екендігін атап, Елбасы Жолдауын толықтай қолдайтындықтарын білдірді.

Бүгін, 9 желтоқсанда, Астана әкімі Әділбек Жақсыбеков баспана алған 72 жас отбасын құттықтады. Елорда әкімдігінде Өңірлерді дамыту — 2020 бағдарламасы аясында салынған жаңа пәтерлердің кілтін табыс ету салтанаты өтті.

Қала басшысы отбасыларды осынау атаулы күнмен құттықтап, мемлекеттің әлеуметтік міндеттемелері жұмыстың басты басымдығы болып табылатынын және толық көлемде орындалатынын атап өтті.

«Бүгін Қазақстан Республикасының Тәуелсіздігі күні қарсаңында 72 жас отбасы пәтер кілтіне ие болуда. Жас отбасыларға арналған тұрғын үй құрылысының жаңа бағыты тікелей Президенттің тапсырмасымен әзірленді. Мемлекет бұл мәселеге әрқашан көңіл бөліп, барынша қолдау көрсетіп келеді. Сіздерді бүгінгі қуанышпен шын жүректен құттықтаймын! Жаңа қоныстарыңыз береке мен қуанышқа тола берсін!» — деді Ә. Жақсыбеков.

Соңғы жылдары әлеуметтік бағдарламалар бойынша 4,5 мың астаналық баспаналы болды. 2014 жылы елордада жас отбасыларға арналған тұрғын үй бағыты бойынша 672 пәтер бөлінді. Бүгінде 211 отбасы үйлеріне көшсе, 72 отбасы Астана қ., С 409 көше, 43, 45, 47 үйлер мекенжайында орналасқан «Сарыбұлақ өзенінің бойында Тілендиев даңғылының оңтүстігіне қарай» пайдалануға берілген тұрғын үй кешеніне қоныстанады.

Жас отбасыларға арналған қалған 389 пәтер тұрғын үй комиссиясының алдағы отырысында (пәтерлерді Тұрғын үй басқармасында тіркеу процедурасы аяқталады) үлестірілетін болады.

Жалпы, Өңірлерді дамыту — 2020 бағдарламасы аясында тұрғын үй өткізудің негізгі бес бағыты қарастырылған, соның ішінде ескі және апатты жағдайдағы үйлерді бұзу пилоттық жобасы да бар. Аталған жоба аясында 3 500 отбасы жаңа үйлерге көшірілмек.

astana.gov.kz