Jas.kz

Қазақстан Республикасы Білім және ғылым министрлігінің комиссиясы Қазақстан Республикасы Президенті стипендиясының иегерлер тізімін бекітті. Беделді стипендияға қол жеткізгендердің арасында ел шығармашылық жоғары оқу орындарының студенттері де бар.

2015 жылы конкурсқа 46 магистранттың құжаты келіп түсті. Конкурс комиссиясының ережелері мен шешіміне сәйкес олардың ішінен 10 үміткер іріктеп алынды. Олардың барлығы ғылыми-зерттеу жұмысымен айналысып, қоғамдық жұмысқа белсенді атсалысып жүрген оқу үздіктері.

Камила Әбдірашитова Қазақ ұлттық өнер университетінің «Театр, кино және ТВ» факультеті «Өнертану» кафедрасы магистратурасының екінші курс студенті. Оның жазып жатқан диссертациясының тақырыбы Қазақстан киноөндірісіндегі поэтикалық киноның орнына арналған. Жас ғалымны айтуына қарағанда, ол отандық киноны дамытуды өз алдына басты мақсат етіп қойған. «Президентімізді жас ғалымдарға көрсетіп жатқан қолдауы үшін алғысымды білдіремін. Өз кезегімде мен ұлттық кинотануды дамытып, отандық киноны Қазақстан және шетелдік көрермендер арасында насихаттауға бар күшімді саламын. Қазақстан киносы ең жоғары әлемдік деңгейдің биігінен көру – менің басты арманым», — деп ойымен бөлісті ол.

Алдияр Байракимов Т. Жүргенов атындағы Қазақ ұлттық өнер академиясының «Кино және ТВ» факультеті магистратурасының студенті, аталмыш академияның бакалавриатының түлегі. Жас режиссер ҚазҰӨА-да оқудың алғашқы күндерінен-ақ шығармашылық қызметпен белсенді айналысуға бел буған. Жас дарынды актерлік және режиссерлік жұмыстан басқа продюсерлік те қызықтырады. 3-курс студенті болған кезде ол әріптестік негізде «Bairakimov&Kairzhanova Presents» продакшн-компаниясын ашты. Алдияр, сонымен қатар, түрлі концерттер мен шаралар ұйымдастырып, қоғамдық өмірдің белсенді қатысушысы болып табылады.

Сонымен қатар Қазақстан Республикасы Президенті стипендиясын Құрманғазы атындағы Қазақ ұлттық консерваториясы магистратурасының студенті Айдана Қаржасова иемденді. Айдана халық өнерін зерттеумен айналысып, оның диссертациясы Ғазиза Жұбанованың шығармашылығындағы ұлттық кодтар тақырыбына арналған. Жас ғалымның пікірінше, халық өнерінің құндылығы оның бұқаралығында, яғни оның халық тәжірибесінен өтуде жатыр.

«Еліміздегі бұқаралық мәдениет әрдайым позитивті және оған өзіндік ұлттық рух тән болу қажет. Мен Елбасы стипендиясының иегері атанғандығыма өте қуаныштымын, өйткені оның басшылығымен бізге, жастар буынына, Отанымыздың болашағы үшін шығармашылықпен айналысып, зерттеу жұмыстарын жүргізуге және ерен еңбек етуге барлық жағдай жасалған», — дейді Айдана.

Бүгін Астана қаласының №15 орта мектеп базасында нашақорлыққа қарсы тақырыпта интерактивтік сабақ өткізілді. Сабақтың басты ерекшелігі – елуден астам астаналық мектеп оқушылары бір мезгілде сабаққа қатысу мүмкіндігіне ие болды.

Интерактивтік сабақтың басты мақсаты – орта мектеп оқушыларына есірткінің қауіптілігіне, оны тұтынудан аулақ болудың маңыздылығына назар аударту, сондай-ақ салауатты өмір салтын жүргізу принципін қалыптастыру.

Іс-шараға ІІМ Есірткі бизнесіне қарсы күрес департаментінің бастығы әділет генерал-майоры Сұлтан Құсетов қатысты. Ол өзінің ешқашанда темекі шекпегендігін, бірақ темекі шегетіндер тарапынан түрлі ықпалдар бола тұрса да, өзінің денсаулығына зиян екендігін түсінгендіктен бойын аулақ ұстап жүргені туралы балаларға мысал келтіріп айтып берді. Осы күнде дәл сол күш жігерінің мықтылығының арқасында темекіге тәуелді жандардың қатарында жоқтығын үлгі ете отырып, нашақорлыққа да адам бір салынса, оның емін табу қиын екендігін атап өтті.

Оған қоса, бұл шараға Астана қаласының әлеуметтік-психологиялық оңалту орталығының дәрігер-наркологы Қойшыбеков Тоқтар Төлеуханұлы қатысып, есірткінің зияндылығы және оның психикаға әсері туралы  әңгімелеп берді.

Интерактивтік сабақ барысында балалар есірткіге тәуелді болған жандардың ауыр күйзеліске түсіп, қиналатындығы туралы бейнеролик қарады.

Айта кетейік, мемлекет қабылдаған іс-шаралар нәтижесінде елімізде соңғы бес жылда есірткі тұтынушылардың жалпы саны 3,3% қысқарды.