Jas.kz

9-11 қыркүйек аралығында Тәуелсіздіктің 25-жылдығына орай «Қуатты өңір – қуатты Қазақстан» атты тақырыпта Алматы облысының Астанадағы Күндері өтеді.

Шара аясында өңір қаламгерлері кітаптарының тұсаукесері, өнеркәсіп өнімдерін, қолөнер бұйымдарының, сурет және музей экспонаттарының көрмелері, спектакльдер, концерттік бағдарламалар және Алматы облысы тауар өндірушілерінің ауыл шаруашылығы жәрмеңкесі өтеді.

Осы шараларды тамашалауға Сіздерді Ұлттық музейге, Жастар театрына, Ұлттық кітапхана мен Конгресс-холға шақырамыз.

Жәрмеңке Оқушылар сарайы жанындағы алаңда ұйымдастырылады.

Алматы облысына қарасты Ақсу ауданынан орын тепкен «Жетісу – Гранит» ЖШС-гі «Экспо-2017» нысандарын салу үшін «АБК Кұрылыс» ЖШС-мен 374 млн. 471 мың теңгеге, құрылысқа қажетті 17585 шаршы метр гранит бұйымдарын шығару туралы келісімшарт жасасты, деп хабарлайды Алматы облысының өңірлік коммуникациялар қызметі. Бүгінгі күні   жалпы жолданған гранит көлемі 12330,92 шаршы метр немесе 229,7 млн. теңгені құрап отыр.

Сонымен қатар, «Жетісу – Гранит» ЖШС-гі өңірлік даму картасына ену үшін тиісті құжаттарын Алматы облыстық кәсіпкерлік және инновациялық- индустриялық даму басқармасына өткізуде.  Алдағы уақытта жобалық құны 1 млрд. 800 млн. теңгеге бағаланған гранит өңдейтін зауыт салу көзделуде. Бұл туралы өңірлік коммуникациялар қызметінде өткен брифингте БАҚ өкілдеріне Ақсу ауданының әкімі Әділбек Далбағаев мәлімдеді.

Электр энергетикасы секторына да инвестиция тарту мәселесі бойынша Ақсу өзені бойына бірнеше шағын су электростанциясын салу жобасы қолға алынды. Нақтырақ айтсақ, «Ақсу ГЭС» ЖШС-гі аталмыш  өзен бойында ГЭС салу үшін жер пайдалануға мемлекеттік актінің құжаттарын ресімдеу жүргізуде, өзеннің жоғарғы учаскесінде геологиялық барлау жұмыстары атқарылуда. Бұл жобаның құны 900 млн. теңге.

Үлескерлердің үшін тұрғын үй мәселесін шешу — Алматы облысы басшылығының үнемі бақылауында тұрған мәселе болатын. Үлескерлердің қатысуымен құрылыс жүргізу жұмыстарына жауапты Алматы облысы әкімдігінің уәкілетті органы болып табылатын «Жетісу Жаңа Құрылыс» ЖШС-нің директоры Нүгірбек Абулғазиннің мәлімдеуінше, бүгінгі күні Алматы облысында үлескерлік құрылыс мәселесі толықтай шешілді.

Өздеріңізге белгілі, 2008-2009 жылдар аралығында Алматы облысында 4129 үлескері бар 21 проблемалық нысан болатын. 2009 жылы мемлекеттік қаржыландырудың көмегінсіз 12 нысан бойынша 1553 үлескердің мәселесі шешілген болатын.

«Сонымен қатар, мемлекеттік қаржылық қолдаудың арқасында тағы 34 кешеннің құрылысы аяқталып, нәтижесінде тағы 9 нысан бойынша 2576 үлескердің мәселесі шешімін тапты. Бұл мақсатқа бюджеттен 34,588 млрд. теңге бөлінген болатын, оның 34,009 млрд. теңгесі республикалық бюджеттен бөлінген болса, 0,579 млрд. теңге жергілікті бюджеттен қарастырылды. Осының арқасында барлық қажетті инженерлік жүйелері тартылған 355 мың шаршы метр жаңа тұрғын үй бой көтерді», — деп хабарлайды Нүгірбек Абулғазин.

Н. Абулғазиннің хабарлауынша, үлескерлердің мәселесі бойынша соңғы нысан саналатын «Өмірұзақ» тұрғын үй кешені бойынша соңғы құрылыс жұмыстары ағымдағы жылдың тамыз айында аяқталған. Жалпы аумағы 20,922 мың шаршы метр болатын 114 пәтерден тұратын 51 жеке тұрғын үй тұрғызылды.  Нәтижесінде 105 үлескердің мәселесі оңды шешімін тапты.

Осылайша, бүгінгі күні Алматы облысында үлескерлік құрылыстың проблемалық мәселелері толықтай шешілді.