Jas.kz

Қорқынышты кино кейіпкерлері өмірде жоқ екендігін біле тұра, қазір жаныңызға келіп қалардай қатты қорқасыз ба?  Онда мына кеңестер мен ақпараттар сіз үшін маңызда болмақ.

Қорқынышты фильмдер психикаға қатты әсер етеді. Себебі:
— Сіздің санаңыздың түпкі жағында тығылып жатқан барлық қорқыныш, уайым, реніш сияқты тыйым салынған эмоциялардың барлығы дерлік оянады.
— Жасөспірімдерге ерекше әсер етіп, оның мінезін өзгертіп жібереді. Мысалы, Қытайда жасөспірімдер арасындағы қылмыс пен қорлық күрт көбейіп кеткендіктен, сол кездері «Өлім күнделіктері» атты фильмнің көрсетіліміне тыйым салынған.
— Вашингтон қаласында 2009 жылы биохимиктер өткізген тәжірибе барысында бөлінген антиденелер қайда барарын білмей, адамның өзін жегідей жеген екен. Тәжірибе бойынша адамдар тобын үш түрлі жанрдағы фильмге кіргізеді. Бастапқы драма мен документальді фильмді көргенде олардың бойынан еш өзгеріс байқалмаған көрінеді. Алайда қорқынышты фильмнен кейін ғалымдар көрермендердің ағзасында антиденелер күрт көбейіп кеткендігін байқайды. Естеріңізге сала кетейік, антиденелердің басты міндеті -ағзаны түрлі ауру қоздырғыштарынан қорғау. Бірақ қорқынышты фильм көру салдарынан бөлінген антиденелер ешбір ауруқоздырғышын таба алмағандықтан, өз міндетін атқару мақсатында басқа мүшеге шабуыл жасалғаны анықталыпты.

Дей тұра үрей туғызатын фильмдер соншалықты жаман емес. Олардың пайдалы жақтары да бар екен:
— Адамның жүйке жүйесіне арналған мықты тренинг. Бұндай жанрдағы фильм фанаттары өте шыдамды келеді екен. Яғни, олардың сағын сындыру қиын.
— Адреналин алу үшін жақсы әдіс. Психологиялық клиниканың профессоры Дэвид Раддтың айтуынша, мұндай фильм тамашалағандарда ләззәт алу процессі жүріп, реалды өмір мен реалды емес өмірді ажыратып отырады екен.
— Фобияңызды, психикалық ауытқуларды жеңу мақсатында көруге болады. Қорқынышты фильм қарау арқылы, бойыңыздағы қорқу эмоциясын жойып, түрлі жағдайға бірқалыпты қарайтын боласыз.

Ал енді кеңестерге келетін болсақ:
— Қарап отырғаныңыз тек қана фильм екенін үнемі есіңізге салып отырыңыз. Қарайтын қорқынышты фильмнің ең әуелі түсірілім алаңы кезіндегі видеоларын қарап алыңыз. Фильмнің қалай түсірілгенін біліп отырып қарасаңыз, жеңіл болады.
— Сатиралық қорқынышты фильмдерді қарап көріңіз.
— Қорқынышты көрсетілімдерінде ойыңызды басқа нәрсеге аударуға тырасыңыз. Мәселен, біреу шыңғырып жатса, «неге шыңғырады», немесе «не киіп алған» деп басқа жағынан ойланып көріңіз.
— Қорыққан кезіңізде күліп көріңіз. Ол миды реакциядан аулақ болуға көмектеседі.
— Фильм бастан-аяқ қорқынышты бола бермейтінін, адамдар өле бермейтінін ескеріңіз. Фильмдегі жайбарақат уақытта сіз ойланып, келесі жолы қорықпауға дайындалып алуыңызға болады.
— Қорқынышты фильмді күндіз қарауға тырысыңыз.
— Жаныңызға сізге жақын немесе қорқынышты фильмді жақсы көретін адамды алыңыз. Сонда ол өзін де сізді де қорқыта алмайды.

Автор: Бағила Ағайдар

«На лабутенах»…
Осы әнді тыңдап, клипін көрген шығарсыздар. Ленинград-Экспонаттың бұл клипі егжей-тегжейлі ойластырылған, әр ұсақ-түйекке мұқият мән беріп түсірілгендігі көрініп тұр. Сірә, соның нәтижесінде, аздаған уақыттың ішінде бұл туындыны 30 млн.-нан астам адам тамашалады.

Қыздар үшін киім, аяқ киім, аксесуарлардың маңыздылығы айтпаса да белгілі.  Сонда осы клипке арқау болған «лабутен» дегеніміз не?

Лабутен — биік өкшелі туфли түрі. Бұл бренд биік талғамның белгісі болып есептеледі. Адам фантазиясы ұшқырлығының нәтижесінде пайда болған басқа да туындылар тәрізді бұл туфли түрі де кездейсоқ пайда болған. Кристиан Лубутен өз көмекшісінің қолынан туфли мен қызыл бояуды көрген кезде туған идея. Әрі қарай фантазия өз дегенін жасаған.

Дизайнердің тегімен аталған сөзді орыс сәнқойлары қате атап, солайша лексиконда қалып қойса керек. Бұл туфлидің ерекшелігі: оның қай түсте екендігі маңызды емес, бастысы табаны қызыл түсте болуы керек және биіктігі 12 сантиметрден кем болмауы керек. Ал қазіргі ең танымал түстер: қызыл, қара, ақ және қоңырқай түс (бежевый).

Қызыл түсті лабутенді ақ, қара және қоңырқай (бежевый) түсті киімдермен киген жөн.

Қара түсті лабутенді ресми стильдегі киімдермен киген дұрыс. Әрине, қара түсті стандарт деп қарайтынымыз да бар.

Ақ түсті лабутен пәктік пен нәзіктікті бейнелейді. Сондықтан қалыңдық бейнесіне керемет сәйкес келеді.

Ал ең актуальді нұсқа қоңырқай түсті лабутен. Джинсымен де, әр түрлі белдемшелермен де керемет үйлеседі. Басқа да стильдермен сәйкестендіруге болады, себебі түсі — стандартты.

Ал әр түрлі кештерге баратын болсаңыз, жылтыр лабутен оптимальді нұсқа.

Ал бағасына келсек, жеткілікті мөлшерде қымбат тұрады. Түпнұсқалары 400 доллар.

Назерке Сүлен

Кездейсоқ болсын, болмасын, қараңғы түнекте пайда болған кішкене ұшқын үлкен отқа себепші бола алады. Сол ұшқынды креатив деп қарауға болады. Ол бір парақ қағаз бен қалам арқылы тұжырым немесе жарнама ұранын ойлап табуға мүмкіндік беретін қалыпты жағдайдан тыс ойлау қабілеті.

Сонымен, кімнің креативті адам болғысы келмейді?! Бірақ оны қалай жасау керек екенін көбісі біле бермейді.

1. Екі кездейсоқтық.
Түсіндірме сөздікті алып, кездейсоқ екі сөзді таңдап алыңыз. Жай ғана кез келген беттен сөз таңдаңыз. Екі сөзді салыстырып, екеуіне ортақ нәрсені табуға тырысыңыз. Арасындағы байланысты пайдаланып, ақылға қонбайтын оқиға ойлап табыңыз. Бұл жаттығу миыңызды жақсы жаттықтырады.

2. Есі ауысқан генетик.
Фломастер мен ақ парақ алыңыз. Егер сіз сурет сала алмайтын болсаңыз, тіпті, керемет, себебі, бұл жерде сурет әдемілігі маңызды емес. Маңыздысы – процесс. Мейлінше көп жануарлардың бір белгісін бойына жинаған жаңа жануарды салыңыз. Сіздің қолыңыздан келеді. Мысалы, балықтың қабыршағы бар түлкі, тұяғы бар ұзынқұлақты қоян. Жаттығудың мақсаты – логика мен қалыптасқан ойларды жойып, креативтілікке көңіл бөлу.

3. Ессіз сәулетші.
Жануарлардан сәулетке көшіп, үй саламыз. Тапсырмаға көшпес бұрын, кез келген 10 сөз таңдаңыз. Сәулетші ретінде сізге үйдің жобасына тапсырыс берді деп елестетіңіз. Бірақ, тапсырыс беруші міндетті 10 талабын айтты. Ол таңдап алған сөздеріңіз болады. Ол жерде әртүрлі сөз болуы мүмкін. Мысалы, «банан» — үйдің шатыры сары түсті болуы керек, «тарелка» — терезелерді дөңгелек қылыңыз, т.б. Суретті сала отырып, үйдің шынайы өмірдегі болуы мүмкін бейнесін елестетіп отырыңыз.

4. 10+10
Зат есім болатын бір сөзді таңдаңыз. Оған сәйкес келетін 5 сын есім жазыңыз. Мысалы, «көйлек» — жеңіл, әдемі, таза, көк, ұзын. Енді, оған сәйкес келмейтін 5 сын есімді жазыңыз. Міне, осы жерде бәрі тоқтап қалады. Ол оңай шаруа емес. Қабылдау мен түсінудің әртүрлі салаларын қарастырып, қажетті сөздерді табыңыз.

5. Есім, тақырып.
Сізді бір нәрсе қызықтырған уақытта оған есім ойлап табуға тырысыңыз. Ол қысқа да нұсқа, ұзын да астарлы болуы мүмкін. Жаттығудың мақсаты – есім сізге міндетті түрде ұнауы тиіс.

Ботакөз Қамзан

Біз бен сіздің өмір күнделікті миллиондаған кішкене таңдаулардан тұрады. Ең үлкен жеңістер мен жер жарар атақтар күнде жасаған кішкентай әрекеттерден бастау алады. Күнмен келіспей, төсекте жата беру ма, ерте тұрып, таңдаулардың санын көбейту ме? Тағдырға өкпелеу ме, мәселелерді мүмкіндіктерге айырбастау ма? Сіз қайсысын таңдайсыз?

Тал Бен-Шахар 10 жылдан аса уақыт бойы бақытты зерттеген. Тіпті, жыл сайын мыңдаған студенттер қатысуға келетін курсының Гарвардта атағы жер жарады. Ол студенттеріне махаббаттың баяндылығы үшін қалай дұрыс таңдау қажет екендігі мен осы таңдауды жасататын пайдалы әдістерді айтқан. Өзінің «Сен нені таңдайсың?» атты кітабы 101 сабақтан тұрады.

Психологиялық зерттеулердің көрсетуінше, бақытымыздың 40%-ы біз жасаған таңдауларға тәуелді. Іс-әрекетіміз бен ойларымыз – біздің сезімімізге тікелей байланысты. Мәселен, бизнес-жоспарыңыз өтпей, күткен нәтижеге қол жетпеген жағдайда қалай әрекет ету керек екендігін өзіңіз таңдайсыз – ешқашан арыла алмайтын, тағдырдың қатал сынағы ретінде немесе келесі бір жаңа мүмкіндік ашылып тұрған жаңа тыныс ретінде. Оқытушы Тал бір нәрсеге қатты сенімді болды: «Егер, сіз айналаңыздағы оқиғаларға негативті көзқараспен қарауды таңдасаңыз, өзіңізге деген сыйластығыңыз төмендейді, болашаққа пессимизммен қарайтын боласыз. Ал, егер, әр іске жаңа бір тыныс ретінде қарасаңыз, өткеннен сабақ алып, таңдауыңызды жақсы жаққа бұруға талпынасыз».

Бақытты өмірді, бақытты сәттерге жету үшін жасайтын таңдаулар туралы оқытушы Талдан бірнеше кеңестер:

Кейінге қалдыру немесе іске көшу?

Көпшілігіміз прокрастинация аталатын ауруға шалдыққанбыз. Прокрастинаторлардың өте қатты стресске түсетіндігін, үнемі көңілсіз күйде, көп ауруларға шалдығатындығын психологтар дәлелдеді. Әдетте, біз өз күшімізге сенбегенде немесе жұмыс өте көп болған кезде кейінге қалдырып қоямыз.

Прокрастинациямен күресудің жолдары көп, Талдың ұсынысы, меніңше, ең эффектитісі. Ол «Бес минуттық старт» деп аталады. Оның мәні мынада: «Жарайды, мен жұмысты толықтай шешпеймін, тек 5 минутымды ғана арнаймын. Тек 5 минут қана».

Сонда ғана сіз жұмысқа жаппай сенімділікпен қарайсыз, 5 минуттан соң жұмысты бітіріп тастайсыз. Бірақ, 5 минуттан соң сіздің осы ынта-шынтаңызбен жасаған жұмысыңыз сізді өзіне алып кетеді. Бұл деген сіздің қызығушылығыңыз, ынтаңыз жұмысқа ауып, ол 30 минутқа, сағатқа, сіз жұмысты аяқтағанға сдейін созылуы мүмкін. Бес минуттық стартты күнінен 3-4 рет ұйымдастыруға болады.

Бітпейтін уайым немесе мәселенің шешімін табу?
Осы мақаламды жазып отырып, «бесминуттық старт» әдісін пайдаланып үлгердім. Қандай да бір келеңсіздік туындағанда, солар жайлы оймен басыңызды қатырып аласыз. Психолог Марк Уильямс айтқандай, мұндай бітпейтін уайым – келеңсіздікті шешудің жолы емес, қайта келеңсіздіктің бір бөлігі.

Осындай сәттерде Тал мынадай кеңес береді: компьютерде жаңа файл ашып, келеңісіздікке қатысты бар ойыңызды жазасыз. Жазыңыз, оқиға қалай басталды? Неге басталды? Оның қайталанбауы үшін сіз не істей аласыз?

Осыны жасағаннан кейін, жеңілдеп қалатыныңызға сізге кепілдік бар. Бар эмоцияңызды шығарып тастап, таза баспен келеңсіздікке тура қарай аласыз. Сезім қағаз бетіне түскен соң, іске сіздің жеке «Меніңіз» кіріседі.

Негатив тарату немесе махаббатқа бөлену?
Барлығымызға оңай емес, бәріміз біршама күрделі қоғамда өмір сүрудеміз. Күнде бізді біреу немесе бір нәрсе ашуландырады. Осы сәттегі қалыпты жағдайымыз қандай? Жақсылық бумерангын жіберетін болсақ, әлем қадам-қадаммен өзгере бастайды.

Жақсылық бумерангын жіберу үшін, «жақсылық медитациясын» жасаймыз. Ол өте жеңіл, қарапайым әрі махаббатқа бөленуге көмектеседі.

Көзіңізді жұмыңыз, сізге ең қымбат жанды елестетіңіз. Оны қалай құшақтап жатқандығыңызды, жаныңыз қалай жарықтанып жатқанын, жүрегіңіз қалай махаббатқа бөленіп тұрғанын сезініңіз. Оның көзіне қараңыз да, жымиыңыз. Ол жанды елестеткенде жаныңыз қалай жадырап қалғанын, қалай жайлылық сізді жаулағанын сездіңіз ба? Керемет!

Осы қалыпта тұра беріңіз. Енді, қиялыңыздан жаңағы жанның бейнесін алып тастаңыз да, жақсылықтың, ізгіліктің күйін ұстап тұрыңыз. Жасай алдыңыз ба?

Қазір сізде жайлылық пен бейбітсүйгіштік сезілуі керек. Жайлылық қалпында ұзақ тұрғаннан кейін, сізді ашуландырған адамды не затты елестетіңіз. Жүрегіңіздегі махаббат пен жақысылықтың жарығын оған да беріңіз, бөлісіңіз. Осы қалыпта ұзақ тұрыңыз. Қалай жақсарып қалғаныңызды сездіңіз бе?
Уақытыңызды негативке арнамай жақсылықты таратуға жіберіңіз. Бақытты болыңыз.
Қалған кеңестерді «Сіз нені таңдайсыз?» атты кітаптан оқи аласыз.

Бағила Ағайдар