Jas.kz

ҚР Құрлық әскерлері 91678 әскери бөлімі ат үсті ұрыс дайындығына кірісіп кетті. Бұл туралы Қорғаныс министрлігінің сайтында жарияланды.

Қазақстанда ғана емес, бүкіл ТМД-дағы бірден-бір таулы-қорықтық аймақта әрекет ететін рота жыл сайынғы ат үсті әскери дайындығын бастады. Жаттығу сабақтарын арнаулы нұсқаушылар өткізеді. Әсери қосынның атқа мінуі олардың таулы, күдір өңірге орналасуына сай қолға алынған шара. Олар әскери техника бара алмайтын жерлерде саптастарына жедел көмек көрсетіп, ұрыс жағдайында жүрген қосынға лайықты көмек көрсетуге бағытталған.

Осы жылдың 8 шілдесінде Мәскеудің Қызыл алаңынан жолға шығатын «Жібек жолы» раллиінің керуені Гиннес редкордтар ктабына енуі мүмкін.

Бұл туралы Орталық коммуникациялар қызметінің алаңында өткен брифингте «Жібек жолы» жобасының атқарушы директоры Сергей Гиря мәлімдеді.

Бүгін «Қаламгер Азамат» жас тілшілер қоғамдық қоры «Сенің даусың – сенің болашағың» атты жалпыреспубликалық постерлер байқауының басталғанын жария етті.

1991 жылдан 2016 жылғы 1 қаңтарға дейінгі кезеңде 261 мың 104 отбасы немесе 957 мың 772 этникалық қазақ тарихи Отанына қайта оралып, оралман мәртебесін алды. Бұл еліміз тұрғындарының жалпы санының 5,5% құрайды.

ҚР Денсаулық сақтау және әлеуметтік даму министрлігінің баспасөз қызметінен хабарлағандай, Қазақстанға келген оралмандардың көпшілігі, яғни, 61,6% — Өзбекстаннан келген, сондай-ақ, 14,2% — Қытайдан, 9,2% — Моңғолиядан, 6,8% — Түрікменстаннан, 4,6% — Ресейден және 3,6% — өзге елдерден оралған қандастарымыз.

Олардың 21,2% — Оңтүстік Қазақстан облысына, 16,3% — Алматы облысына, 13% — Маңғыстау облысына, 9,4% — Жамбыл облысына, 40,1% — еліміздің өзге өңірлеріне қоныстанды.

Елге оралған қандастарымыздың 55,6% — еңбекке қабілетті жаста болса, 18 жасқа дейінгілері — 39,9%, зейнеткерлер — 4,5% құрайды.

Еңбекке жарамды оралмандардың 8,8%-ның жоғарғы білімі бар болса, 20,6%-ында орта арнаулы білім бар, 60,8% — жалпы орта білімі бар азаматтар, ал 9,8%-нің білімі жоқ.

Естеріңізге сала кетейік, 24 қарашада Елбасы Ұлт жоспары — бес институционалдық реформаны жүзеге асыру жөніндегі 100 нақты қадамның көші қон мен халықты жұмыспен қамту салаларын әрі қарай жетілдіруді жүзеге асыруға бағытталған «Кейбір заңнамалық актілерге халықтың көші-қоны және жұмыспен қамтылуы мәселелері бойынша өзгерістер мен толықтырулар енгізу туралы» ҚР Заңына қол қойған болатын.

Заңда этникалық қазақтарды тарихи отанына оралуын ынталандыру мақсатында:

— этникалық қазақтарға қоныстану өңіріне қарамастан оралман мәртебесін беру. Оларға шетелдік азаматтарға қарағанда көші-қон полициясына хабарласу арқылы төлем қабілетін растаусыз уақытша тұру ықтиярхатын алу мүмкіндігі беріледі;

— этникалық қазақтарға Үкімет белгілеген өңірлерге қоныстанған жағдайда әлеуметтік пакет беру. Сондай-ақ, еліміздің кез келген өңірінен Үкімет айқындаған екінші өңірге қоныстанған оралманның әлеуметтік қолдауды алуға мүмкіндігі болады. Егер олар қоныстанған өңірден 5 жыл мерзімнен бұрын қоныс аударып кететін болса, алған көмектерін Үкіметке қайтару міндеттері қарастырылған.

— оралмандарға Қазақстан Республикасының азаматтығын беру мерзімін уақытша тұру ықтиярхатын алғаннан кейін 1 жылға дейін қысқарту көзделеді.

ҚазАқпарат

Ақпан айынан бастап Қарулы Күштерде әскери қыз-келіншектер арасында «Батыр арулар» байқауы басталды. Екінші мәрте өтетін сұлулық байқауында армияның он екі аруы таңдалады, деп хабарлайды Қорғаныс министрлігінің баспасөз қызметі.

Алғашқы «Батыр арулар» республикалық байқауы өмірін әскери қызметке арнаған жандар туралы болды. Үміткерлер өтінім бергеннен бастап шешуші кезеңге дейін ауыр сынақтардан өтті. Олар оқ атты, граната лақтырды, әртүрлі кедергілерді өтті, өзеннен жүзіп өтті, қуатты жауынгерлік машиналарды басқарды.

Биылғы байқауға өтініш қабылдау ақпаннан басталды. 25 наурызға дейін байқауға қатысуға ниет білдіргендер сауалнаманы толтырып жібереді, өзі және ҚР Қарулы Күштері қатарындағы әскери қызмет туралы әңгімелеп береді.

Екінші кезеңде Қорғаныс министрлігінің ресми сайтында ашық дауыс беріледі. Ол 1 сәуірде басталып, 15 маусымда аяқталады. Барынша көп дауыс жинағандар байқау жеңімпазы атанады.

Естеріңізге сала кетсек, «Батыр арулар» — ҚР ҚК қыз-келіншек әскери қызметшілері арасында өткізілетін республикалық байқау. Бірінші байқауға еліміздің түкпір-түкпірінен өтінім білдірген 123 әйел әскери қызметші қатысты.  Сынақтан сүрінбей өтіп, өздерінің жауынгерлік әзірлігін, төзімділігі мен күшін дәлелдеген 12 жеңімпаз анықталды.  Байқау мәресінде қыз-келіншектерді кәсіби стилистердің ажарлану қызметі көрсетіледі және мамандандырылған күнтізбеге арналған фотосессия жүргізіледі.

inform.kz