Jas.kz

Астана ЭКСПО-2017» ұлттық компаниясы» АҚ «Samsung» компаниясымен ынтымақтастық меморандумына қол қойды.

Меморандум негізінде Samsung Electronics Central Eurasia компаниясына «Көрменің Ресми серіктесі» мәртебесі берілді, деп хабарлайды аталмыш компанияның баспасөз қызметі.

«Samsung» әлемге әйгілі трансұлттық компания. Ол өзінің мықты технологиялары, инновацияларымен белгілі. Сондықтан біз үшін «Samsung» жұмыс істеу мәртебе. Көрмеде барлығы жоғары деңгейде жұмыс істеуі қажет. Бұл ретте, «Samsung» технологиясы уақытпен тексерілген сапалы. Біз көрме барысында әлемдегі ең үздік дүниелердің барлығын көрсете алуымыз қажет. Серіктестеріміздің қатары көбейгеніне қуаныштымыз», — деді өз сөзінде Ахметжан Есімов.

«Әлбетте, ЭКСПО-2017 Қазақстан Республикасы үшін маңызды шаралардың бірі. Қазақстан жас, қарқынды дамып келе жатқан мемлекет. Әрі өз өңірінің сөзсіз лидері. «Samsung» компаниясы өз саласының көшбасшысы ретінде осындай ауқымды шараға атсалысатындығына қуанышты. Бірлескен ынта-жігердің арқасында көрменің абыроймен өткізілетіндігіне сенімдімін», — деді Samsung Electronics Central Eurasia компаниясының Бас директоры Юн Чол Вунг.

Бұдан әрі Samsung Electronics Central Eurasia және Астана ЭКСПО-2017 компаниялары халықаралық мамандандырылған көрмені ілгерілету барысында бірқатар іс-шаралар өткізуге ниетті.

Сонымен қатар, Samsung Electronics Central Eurasia демеушілік көмек ретінде жеңілдікпен тауар және қызметтер көрсететін болады, көрменің алдын ала келісілген кейбір ғимараттарын жабдықтаумен айналысады.

Еске сала кетсек, көрмені өткізуге 10-нан аса ірі компания тартылып отыр. Олардың қатарында: NCOC, Shell, Эйр Астана, CISCO, Saint-Gobain, «Қазкоммерцбанк» АҚ, «Самрұқ Энерго» АҚ, «Қазпочта» АҚ және т.б. бар. Осы бағытта жұмыстар жалғасуда.

ҚазАқпарат

Ақтөбеде 8 жасар Аяна Мұратова Қазақстандағы алғашқы балалар дизайнері атанды. Сәнмен айналысу оның хоббиі ретінде басталған.

«Бір жыл бұлын ол сән көрсетуге қатысты. Содан ол бұдырлы былғары күртеше, былғары шорты кигісі келетінін айтты, дүкендерді аралап, таппадық. Сосын өзіміз тікпекші болдық. Ол киіп шыққанда достарының аналары қызығып, қайдан алғанымызды сұрай бастады. Бізден тігіп беруімізді өтінді. Содан кейін қызым қазақ оюларымен джинси көйлек кигісі келетінін айтты. Суретін салып берді. Сосын дүкендерге сабылғанша, тігіп беруді жөн санадық», — деді анасы Мәдина Мұратова.

Мәдина қызының талғамы жоғары екенін атап өтті. Оның үлгісін киетіндер де көбейе түсті. «Сосын қызымның хоббиі ретінде киім тігумен айналысуды шештік. Ол суретін салып береді. Мен түзетемін, кеңес бермін. Аяна күнде сурет салады, кейде үлгілері ерекше болып шығады», — деді анасы.
Қазір анасы мен қызы жаңа үлгілерді ойластыруда.

«Ательемен шарт жасастық. Қарашада қалада FWA сән апталығы өтті. Содан кейін тапсырыстар да көбейді. Қыздар Аяна сияқты киінгісі келе бастады. Біз стиль брендін Ayana Styles деп атадық, қазір тапсырыстар мен ұсыныстар көбейді, енді Астанадағылармен ынтымақтаспақпыз», — деді М.Мұратова.

Аяна өзі биге қатысады, дефиле, вокалға барады. Мектепте жақсы оқиды, ментальды арифметикамен шұғылданады. Ол өскенде шығармашылық кәсіпті таңдайтынына сенімді.

ҚазАқпарат

Алматыда Инновациялық гранттарға байқау жарияланды. «Бизнестің жол картасы-2020» мемлекеттік бағдарламасы аясында ұйымдастырылған бұл байқауда өз ісін жаңадан бастап келе жатқан кәсіпкерлерге, әйелдерге, еңбекке қабілеті жоқ мүгедектерге және 50 жастан асқан азаматтарға бизнесті дамытуға мемлекеттік гранттар бөлінеді.

Бұл туралы бүгін Алматы қаласы әкімінің баспасөз қызметінен хабарлады.

Жеңімпаздарға 3 млн. теңгеге дейін гранттар беріледі. Бұл үшін байқауға қатысушылар байқау талаптарына сай болулары тиіс. Мысалы, олардың әзірлеген бизнес-жобаларының идеясы жаңашылдық сипатқа ие болып, бәсекеге қабілетті болуы қажет.  Яғни, лайықты маркетингтік сараптама жүргізіліп, аталмыш кәсіпорынның тауарға немесе қызметке деген нарықтық қажеттілігі белгіленуі керек. Сондай-ақ, жобаны жүзеге асыруға болатын үй-жай, сату нарығы және жобаның өндірісті іске қосуға қатысты дайындық деңгейінің болуы шарт. Бұдан басқа, бизнес-жобаның тағы бір ерекшелігі — байқауға қатысушы оны жүзеге асыруға кететін шығындардың белгілі бір мөлшерін өзі төлейді. Бұл сома сұралған гранттың кем дегенде 10 пайызын құрауы тиіс.

Гранттың ақшасы жылжымайтын мүлік немесе жер телімін сатып алуға немесе жалдық төлемдерді төлеуге қолданылмайды.

Грант туралы егжей-тегжейлі ақпаратты мына сайттан алуға болады:

http://almaty.gov.kz/page.php?page_id=1320&lang=3&article_id=27624 (қаз)

http://almaty.gov.kz/page.php?page_id=1319&lang=1&article_id=27619 (орыс)

Конкурстың ұйымдастырушысы: Алматы қаласы Кәсіпкерлік және индустриялық-инновациялық даму басқармасы.

ҚазАқпарат

Қазақстанның ауыл шаруашылық тауарлары енді Вьетнам елінде де еркін саудаланатын болады. Мұндай мәлімдемені бүгін Парламент Сенатының депутаты Асхат Күзеков айтты.

Созақ ауданының әкімі Мақсат Исаев ең қарт тұрғын Бейсек Рсымбетовті 110 жасқа толған туған күнімен арнайы барып құттықтап, сый-сияпат жасады, деп хабарлайды ОҚО әкімдігінің баспасөз қызметі.