Jas.kz

Жергілікті органдар мектептерді бейнекамералармен жабықтау үшін арнайы бағдарлама әзірлеуі қажет. Бұл туралы бүгін ҚР Үкіметі отырысында еліміздің Білім және ғылым министрі Ерлан Сағадиев мәлім етті, деп хабарлайды ҚазАқпарат.

«Балаларға арналған спорт секциялары мен клубтар жетіспейді. Қазіргі уақытта республикада мектептер жанында 9 мыңнан астам спорт алаңы бар. Бірақ, спорт секцияларымен оқушылардың тек қана 27 пайызы қамтылған. Ресеймен салыстырсақ, оларда 82 пайыз қамтылған. Спорттық инфрақұрымды жаппай дамыту керек», — деді ол.

Министр деректеріне қарағанда, мектептерге 1300-ден астам спорт залы жетіспейді. Бұл мәселені депутаттар да көтеруде. Осыған орай алдағы бюджетте министрлік қаржыландыру бойынша құжаттар енгізетін болады.

«Қылмыс жасаудың алын алу мақсатында 5 мыңға жуық білім беру ұйымында бейнекамералар орнатылды. Бұл білім беру ұйымдарының жалпы санының тек қана 36 пайызын құрайды. Бұл өте тиімді тетік. Осыған жергілікті органдар арнайы бағдарлама жасап, қаржыландыруы қажет», — деді Е.Сағадиев.

Қазақстанда мектеп түлегі жүргізуші куәлігін алып шығатын болады. Бұл туралы бүгін ҚР Үкіметі отырысында еліміздің Білім және ғылым министрі Ерлан Сағадиев мәлім етті, деп хабарлайды ҚазАқпарат.

«Балалардың жолда жарақат алу деңгейі азаймай отыр. Осыған байланысты алғашқы әскери дайындық оқу бағдарламасына оқушыларға көлік жүргізу, сонымен қатар жол қауіпсіздігі ережесін оқытуды енгізетін боламыз. Осының нәтижесінде мектеп бітіретін балаларға көлік жүргізу  курсын бітіргендігі туралы куәлік беріледі. Мұғалімдерді қайта даярлауға қаражатымыз бар», — деді министр.

Оның айтуынша, бұл жайында еліміздің Қорғаныс министрлігімен арада келісім де жасалған.

«Процесс кезең-кезеңімен 2017 жылдан бастап қолға алынады», — деді Е.Сағадиев.

ҚазАқпарат

Фестиваль Таяу Шығыс университетінде (Солтүстік Кипр, Лефкоша қ.) өтті.

Биылғы кәсіби мерекеге Қазақстан, Болгария, Түркия, Молдова және басқа да мемлекеттерден жиырмаға жуық жоғары оқу орындарының жас дизайнерлері мен сәулетшілері қатысты.

Павлодар мемлекеттік университетінің сәулетші, құрылысшы және дизайнерлерінің дипломдық жобалары бес номинация бойынша  сараланды.

Дипломдық жобалар байқауының қорытындысы бойынша С. Торайғыров атындағы Павлодар мемлекеттік университетінің түлектері жүлделі орындарға ие болды.

Милена Айтнякованың «Ғимараттар мен құрылыстарды өндіру технологиясы» номинациясында бақ сынаған «Металл конструкцияларын өндіру зауыты, Қостанай қ.» дипломдық жобасы  (ғылыми жетекшісі техн.ғ.к., профессор Қуандық Сақанов) құрылыс мамандығы бойынша күміс жүлдеге лайықты деп танылды.

Денис Акининнің «Азаматтық ғимараттардың сәулеті» номинациясына қатысқан «Bright Tower сейсмикалық төзімді тұрғын үй кешені, Осака қ.» дипломдық жобасы (ғылыми жетекшісі техн.ғ.к., доцент Леонид Булыга) сәулет мамандығы бойынша үшінші орынды қанжығасына байлап келді.

«Еуразиялық кеңістіктегі сәулет-құрылыс мектептерінің шығармашылық қызығушылықтарын бір арнаға тоғыстыру, менің ойымша, өте дұрыс қадам. Бұл дәстүрлі фестивальде ПМУ студенттері университетіміздің намысын лайықты қорғап шықты. Олар басқа да байқаулардан жүлдесіз оралған емес», – дейді Л. Булыга.

edu.gov.kz

Білім және ғылым министрлігі мектеп психологтарының жалақысын көтеру мәселесі қарастыруда. Бұл туралы бүгін ҚР Үкіметі отырысында еліміздің Білім және ғылым министрі Ерлан Сағадиев мәлім етті, деп хабарлайды ҚазАқпарат.

«Министрлік тарапынан атқарылып жатқан жұмыстарға қарамастан әлі де көптеген проблема бар. Қазіргі уақытта айлықтары аз болғандықтан психологтар мен әлеуметтік педагогтар мектептерде жиі ауысады. Мектептерді психологтармен қамтамасыз ету орта есеппен 98 пайызды, әлеуметтік педагогтар 80 пайызды құрайды. Жалпы психологтар бар, бірақ, олардың айлықтарының көлемін қарастыру керек. Осыған орай тиісті ұсыныстарды дайындап отырмыз, содан кейін енгізетін боламыз», — деді министр.

Сонымен қатар ол мектептерде полиция инспекторлары жетіспейдтіндігін, олар тек 46 пайызға қамтылғандығын атап өтті.

«Қалыптасқан проблеманы шешу үшін бір инспектор бірнеше мектепке бекітілген күннің өзінде, олар мектептерге барып жұмыстарын жасап, министрлікке қосымша есеп беруі қажет деп санаймыз. Біз мәселені ары қарай Ішкі істер министрлігімен бірге қарастыратын боламыз», — делді Сағадиев.

Қазақстан Республикасы Үкіметінің 2016 жылғы 1 қазандағы қаулысына сәйкес, «Болашақ» бағдарламасы бойынша түсетін үміткерлер үшін екі жыл жұмыс өтілінің болуы туралы талап алынып тасталды.

Бұл туралы «Халықаралық бағдарламалар орталығы» АҚ-ның баспасөз қызметіне хабарлады.

Бұл қаулы 2016 жылғы 4 қазанда «Егемен Қазақстан» және «Казахстанская правда» газеттерінде жарияланып, алғаш рет ресми жарияланған күннен бастап қолданысқа енгізіледі.

Осылайша, екі жыл жұмыс өтілі жоқ үміткерлер, «өз бетінше түскендер» санаты бойынша конкурсқа қатысу үшін құжаттар тапсыруға құқылы.

Бұған қоса, осы қаулыда үміткерлердің барлық санаттары бойынша «Болашақ» стипендиясы шеңберінде шетелде академиялық оқу немесе тағылымдамадан өту қорытындысы бойынша одан әрі үзіліссіз үш немесе бес жыл:

— өз бетімен түскендер үшін — Қазақстан Республикасының ұйымдарында не жарғылық капиталдағы қатысу үлесі Қазақстан Республикасына не ұлттық компанияларға тиесілі Қазақстан Республикасынан тыс жерлерде орналасқан ұйымдарда;

— ғылыми-педагог қызметкерлер, инженерлік-техникалық қызметкерлер, тағылымдамаға үміткерлер, мәдениет қызметкерлері, шығармашылық қызметкерлер, бұқаралық ақпарат құралдары редакциясының қызметкерлері үшін — саланың басқа ұйымдарында не жіберетін ұйымның негізгі қызметіне ұқсас қызметті жүзеге асыратын ұйымдарда;

— мемлекеттік қызметшілер үшін — Республикалық комиссияның шешімі бойынша, бос жұмыс орындары болған жағдайда — Қазақстан Республикасының ұйымдарында, сондай-ақ акциялары немесе жарғылық капиталдағы қатысу үлесі Қазақстан Республикасына не ұлттық компанияларға тиесілі Қазақстан Республикасынан тыс жерлердегі ұйымдарда жұмыс істеу мүмкіндігі кеңейтілді.

ҚазАқпарат

Назарбаев университетінің Академиялық сапаны арттыру басшысы Дункан Пристли семинардың қазақстандық жоғары оқу орындары үшін маңызды екендігін атап өтті. Оның пікірінше, бұл тәжірибе еліміздегі университеттердің басқару тиімділігін арттырады.

— «Аталмыш семинардың мақсаты – қазақстандық жоғары оқу орындарына институционалдық зерттеулердің маңыздылығын түсіндіру. Семинарға Солтүстік, Орталық және Батыс Қазақстан өңірлерінде орналасқан университеттің 20-дан астам өкілі қатысуда. Семинар барысында оқытушылар институционалдық зерттеулермен танысып, өздерінің академиялық көрсеткіштерін жақсарта алады. Институционалдық зерттеулер – студенттің академиялық үлгерімі туралы және т.б. ақпараттардың жиынтығы. Бұл зерттеулер стратегиялық жағынан маңызды шешім қабылдауға мүмкіндік береді. Яғни, университет ректоры осы көрсеткіштерге қарап, тиісті шаралар жүргізетін болады. Аталмыш тәжірибе АҚШ-та енгізілген болатын. Сондықтан Назарбаев Университеті еуропалық стандарттар бойынша осы бағытта жұмыстар жүргізуде», — деді ол.

Семинар КИМЭП университетінің 25 жылдығын тойлау аясында және Назарбаев Университетінің тәжірибесін қазақстандық жоғары оқу орындарына трансляциялау бойынша ұйымдастырылды.

Айта кетейік, келесі жиын 10 қазанда Алматы қаласындағы КИМЭП Университетінде өтеді.Оған Оңтүстік және Шығыс Қазақстан өңірлерінің ЖОО оқытушылары қатыса алады.