Әйел – нәзік жанды жаратылыс иесі. Көркем, әдемі және қайсар тұлға. Халқымыз “қыздың қырық жаны бар” деп әйелдің төзімділігін тілге тиек еткен. Тіпті, иығына екі адам мінгескен хас батырлар да әйелдің төзіміне шыдай бермейтін көрінеді. Сондықтан болар, тарихта есімі елге белгілі, әлемді өзгерте білген әйелдеріміз тарихтың төрінен орын алған. Әйгілі әйелдердің жасаған ерліктерімен таныса отырыңыздар.
Клеопатра
Египет елінің әйел патшасы. Македония династиясының соңғы басшысы, Александр Македонский Птоломейдің басты әскербасы. Египеттегі Александр империясы құлағаннан кейін жаулап алушы.
Терең білім иесі, данагөй, жігерлі және қайсар мінезді Клеопатра халықты өзіне еліктіріп алатын қасиетке ие болған. Ер жігіттің қолында болған билікті, патшайым қашанда сәтті пайдалана білген. Клеопатра VII өзінің ағаларымен бірге елді 21 жыл басқарған.
Коко Шанель
ХХ ғасырдың бірден-бір үздік моделі, әлемдік сән үлгісінің бетке ұстар тұлғасы. Ол — нәзіктік пен мәңгілік классиканың, кербездіктің нышаны.
Сөз зергері бола білген Коко: «Әйел 30 жасында сұлу көрінбесе, ол — нағыз ақымақ» деген екен.
Коко Шанельдің сүйген жігіті аяқ астынан қаза болып, махаббатқа адал қыз өмір бойы тұрмыс құрмай өткен екен.
Маргарет Тэтчер
Маргарет 1925 жыл дүкенші отбасында дүниеге келдi. 19 жасында ол Оксфорд университeтiнe оқуға түседі. «Органикалық химия» мамандығын алған соң, Маргарет бipаз yaқыт бойы химия кәсiпорындарында қызмет етеді. Кейіннен ол адвокат атағын алу үшін емтиханды үздiк тапсырып, одан әрі адвокаттықпен шұғылданады.
М. Тэтчер белсендiлігі, күш-жiгерi мен iскерлiгінің арқасында 1959 жылы парламентке сайланады. 1970 жылы Маргарет Тэтчер Эдвард Хит үкiметiнде Оқу және ғылым министрi болады. Ол консерваторлар партиясының белсендi мүшесiне айналып, 1975 жылы Эдвард Хиттiң консерваторлар партиясында жетекшiлiк орынды иеленедi. 1979 жылы партия жалпы сайлауда жеңiске жетедi.
Британ елінде тұңғыш рет әйел премьер-министр қызметін атқарады. Маргарет Тэтчер тарихта «Темір ханым» деген атпен қалады.
Тереза ана
Мейірімді жүректің иесі Агнес Гонджа Бояджиу (Мать Тереза) аскөк сатумен айналысатын өте қарапайым отбасында дүниеге келген.
Отыз алты жасқа келгенде жағдайы нашар әйел өзінің мейірімге толы жүрегі мен ерекше ынтасының арқасында Халықаралық Қайырымдылық Ұйымын құрады. Қазір бұл қордың құрамында әлемнің сексен елінен тіркелген 300 мың адам бар.
Ұйым балалар мен жетімдер үйін, ауруханаларды, қарттар үйін қамтиды. Бүгінгі таңда Калькуттадағы бір ғана орталықтың өзінде 10 000-ға жуық адам емделе алады.
Томирис
Сақ патшайымы Тұмар (Томирис) ханша (б.д.д. 570-520 жж.) әлемдегі ең атақты әйел патшалардың бірі.
Тұмар ханшаның әлемге танылуына «Төрт құбыланың тұтас билеушісі» атанған парсылардың Кир патшасы Орта Азияға басқыншылық жорықпен келген кезінде оның әскерін ашық шайқаста тас талқан етікен жеңісіне тікелей байланысты.
Индира Ганди
Шығыс әйелдері арасынан шыққан тұңғыш үкімет басшысы.
Индира 1917 жылы, тәуелсіз Үндістанның алғаш премьер-министрі Джавахарлал Нерудің отбасында дүниеге келген. 1966—1977 және 1980—1984 жылдары Үндістан премьер-министрі қызметін атқарған. Билікке келген жылдары бақталастары оны «ақымақ қуыршақ» деп мазақ еткен болатын. Алайда ол өз елінің тарихына Үндістан үкіметін бірнеше жыл бойы салиқалы түрде басқарған іскер, көрегенді әйел ретінде енді.
Айша ханым
Айша – Әбу Бәкірдің қызы, Мұхаммед пайғамбардың сүйікті жұбайы, жанқияр көмекшісі әрі оның хадистерін жеткізушілердің бірі.
Ислам тарихында Расулуллаһтың (с.а.с.) пәк, сүйікті әйелі, “мүминдердің анасы”, әрі Әбу Бәкір әс-Сыддықтың қызы Айшаның маңызды орны бар. Аса ақылды, мінез-құлқы көркем, пәктігін тақуалықпен ұштастыра білген мүминдердің анасы – Айша фиқһ, хадис, Құран тәпсирі ілімдерін де жетік меңгерумен ерекшеленді.
Жанна д’Арк
Француздардың ұлттық батыр қызы, жүзжылдық соғыс (1337 — 1453) кезінде француз халқының ағылшындарға қарсы азаттық күресін басқарған қолбасшы.
Шаруа отбасында дүниеге келген. Он үш жасынан бастап атағы шыққан батыр қыз Орлеан жеріндегі соғыстарда көзсіз ерлік көрсетіп, Франция королімен бетпе-бет кездескен.
Жанна д’Арк басқарған жасақ үлкен жеңістерге жетіп, 1429 жылы ағылшындардың қолындағы Орлеан қаласын азат етті. Осы еңбегі үшін халық оны «Орлеан қызы» деп атап кетті.
Екінші Елизавета
Әлем тарихының тірі аңызы. Әлем халқы оны әлі күнге дейін британдық империяның нышаны ретінде қабылдайды. Қаншама билеушілер ауысты, небір қанды қырғын соғыстар өтті, мыңдаған елдер бұршақтай бытырап, жаңа мемлекет құрылды. Бірақ, әлемде Британ ханшайымы мен монархия ғана өзгеріссіз қала берді.
Тақтағы 64 жыл — аз мерзім емес. Тарихта осыншама уақыт билікте отырған Тайланд королі ғана екен.
Диана Спенсер
Уэльдық Чарльз ханзадасы, британдық тақ мұрагерінің алғашқы әйелі. Алайда ақсүйектердің өміріне үйренісе алмаған және күйеуімен жараспаған Диана Чарльзбен ажырасып кетеді.
Диана ханшайым өзінің барлық ғұмыры мен байлығын қайырымдылыққа арнайды: сирек кездесетін жануарлардың құқығын қорғайды, қауіпті қаруларды жою шараларын жүргізіп, мыңдаған жетімдер мен ауруларға көмектесіп, көпке үлгі бола біледі. Әлемге «Принцесса Диана» деген атпен белгілі.
