Jas.kz

Астанада ұзындығы 36 км кіші айналма жол салынуда. Жоба құрылысы 2017-2019 жж. аяқталады, деп хабарлайды Астана қаласы әкімдігінің баспасөз қызметі.

Жолаушыларға ыңғайлы жағдай жасап, сапалы қызмет көрсету мақсатында Астана және Алматы қалалары теміржолдарында заманауи кассалар да ашылды. Сонымен қатар, тәуелсіздік күні мен жаңа жыл мерекелері қарсаңында еліміздің барлық бағыттарына қосымша 7 пойыз жөнелтіледі.

Бүгін Алматы облысының әкімі Амандық Баталов Қазақстан Республикасы Президентінің Жарлығымен Тәуелсіздік күні қарсаңында өңірдің дамуына елеулі үлес қосқан азаматтарға мемлекеттік наградалар тапсырды. Марапаттар Талдықорғандағы І. Жансүгіров атындағы Мәдениет сарайында өткен салтанатты жиын барысында ұсынылды.

Салтанатты жиында облыс әкімі А. Баталов жиналғандарды Тәуелсіздік күнімен құттықтады.

— Сіздерді еліміздің Ұлттық мерекесі – қасиетті Тәуелсіздік күнімен шын жүректен құттықтаймын! Тәуелсіз Қазақстан қысқа мерзім ішінде қуатты да гүлденген мемлекет құруда үлкен табыстарға қол жеткізді. Тиімді де бәсекеге қабілетті экономиканың негізі қаланды.

Қазақстанның жетістіктері мен әлемдік деңгейдегі жоғары бағасы – Президентіміз Нұрсұлтан Әбішұлы Назарбаевтың саяси ерік-жігерінің, зор еңбегінің нәтижесі.

Алға қойған міндеттерді орындау үшін біздің әлеуетіміз жеткілікті, мүмкіндігіміз мол. Ел тәуелсіздігінің 25 жылдығын нақты нәтижелермен, қомақты табыспен қарсы аламыз, — деді өңір басшысы А. Баталов.

Сонымен қатар Амандық Баталов өз сөзінде Президенттің тапсырмаларының орындалу барысына да тоқталып өтті.

— Мемлекет басшысының қант қызылшасын, жүгері мен апортты қайта жаңғырту жө­ніндегі тапсырмасы сәтімен іске асырылып келеді.

«100 нақты қадам» Ұлт жос­­пары аясында біз инвес­тиция тартуға баса көңіл бөліп отырмыз. Бұл үшін біз отандық бизнестің жетекші өкілдерімен бірқатар кездесулер өткіздік. Кездесу барысында олар 140 ұсыныс жасап, жалпы сомасы 532 млрд. теңгені құрайтын 75 ин­вест­жоба іске асырыла бастады, нәтижесінде 9 912 жұмыс орны ашылады.

Алдағы уақытта шағын және орта бизнестің бел­сенділігін арттыру және «басты өндірістерді», аг­ро­өнеркәсіптік кешенді одан әрі дамыту арқылы тұр­ғындарды еңбекпен қамтуға баса назар ауда­рамыз, — деп атап көрсетті өңір басшысы.

Құтықтау сөзден соң мемлекеттік және қоғамдық қызметтегі еселі еңбегі, еліміздің әлеуметтік-экономикалық және мәдени дамуына қосқан үлесі, халықтар достығын нығайтудағы белсенділігі үшін облыстық басқармалардың басшылары, денсаулық сақтау, білім беру, ауыл шаруашылығы, өнеркәсіп пен кәсіпкерлік саласында еңбек етіп жүрген азаматтар, өңірдегі белгілі қоғам қайраткерлері әкімнің қолынан наградалар алды. Оларға, атап айтқанда «Құрмет», «Парасат», III дәрежелі «Еңбек Даңқы» ордендері, «Ерен еңбегі үшін», «Шапағат» медальдары мен Қазақстан Республикасының Құрмет грамотасы, «Қазақстанның еңбек сіңірген қайраткері» атағы және мерекелік медальдар берілді.

Салтанатты жиын соңында мерекелік концерт ұсынылды.

Бүгін Алматы облысының әкімі Амандық Баталов журналистер арасында өткен конкурстың жеңімпаздарын марапаттады деп хабарлайды jas.kz порталы.

Жалпы конкурсқа республикалық бұқаралық ақпарат құралдарының облыстағы меншікті тілшілері мен облыстық БАҚ өкілдері – жалпы жүзден астам адам қатысып, олардан 595 мақала, 118 бейне материалдар мен 37 фотосурет түскен.

12 аталым бойынша өткен конкурста Елбасы Жолдаулары мен «Мәңгілік ел» ұлттық идеясын, Мемлекет басшысының әлемдік аренадағы бітімгершілік қызметін, халықаралық бастамаларын, еліміздің дамуына бағытталған мемлекеттік бағдарламалардың орындалу барысын, қоғамдық тұрақтылық пен келісімді, өңірдің әлеуметтік-экономикалық салаларының дамуын насихаттаған тілшілер мен фототілшілер, телеоператорлардың еңбегі атап өтілді. Олардың арасында «Хабар», «24 kz», «31», «СТВ» телеарналарының, «Егемен Қазақстан», «Казахстанская правда», «Айқын», «Литер», «Қазақстан заман», «Время» басылымдарының тілшілері де бар.