Jas.kz

Қазақстан Республикасының инвестициялар және даму министрлiгi Техникалық реттеу және метрология комитетiнiң Оңтүстiк Қазақстан облысы бойынша департаменті тарапынан жүргізілетін тексерулердің саны жыл сайын азайып келеді, деп жазады ОҚО әкімінің баспасөз қызметі.

Мәселен, 2013 жылы департамент тарапынан 184 тексерулер жүргізілсе, 2014 жылы 95 тексерулер орын алған. Ал өткен жылы тексерулер саны  50 пайызға азайған. Бұл өз кезегінде көрсетiлетiн қызметтердiң қауiпсiздiгi мен сапасының жақсарғанын және техникалық регламенттердің талаптарының орындалып жатқандығын білдіреді. Бұл туралы бүгін Аймақтық коммуникациялар қызметінде өткен брифингте Техникалық реттеу және метрология комитетінің ОҚО бойынша департамент басшысы Оразғали Егембердиев мәлім етті.

Оның айтуынша, департамент  осы жылдың  I жартыжылдығында жұмыс жоспарына сәйкес, барлығы 32 тексеру жүргізген. Тексерулердің қорытындысы бойынша 15 заңды және жеке тұлғалар 1 млн. 177 мың теңге мөлшерінде әкімшілік жауапкершілікке тартылды. Ал 120 дана өлшем құралдары пайдалануға жарамсыз деп, қолдануға тыйым салынды. Сондай-ақ, бір құрылыс сынақ зертханасының аккредиттеу аттестатының күші 6 айға тоқтатылса, бір ішкі айналым үшін тауардың шығу тегі туралы «СТ-КZ» сертификатының күші мүлдем жойылды.

Жоғарғы органдармен келісілген және бекітілген іріктелген тексеру тізімдері  тоқсан сайын Қазақстан Республикасының  Инвестициялар және даму министрлігі Техникалық реттеу және метрология комитетінің сайтында жарияланады.

«Комитеттің аумақтық Департаменттері Қазақстан Республикасы «Техникалық реттеу туралы» заңының негізімен барлық шығарылатын отандық өнімдерге ақпаратты қамтамасыз ету мақсатында тіркеу жүргізілуде. Бүгінгі күнде облыстың тауар өндірушілері 363 каталог парақтарына енгізілуде. Барлық отандық өнімдердің тізімі біздің Комитеттің сайтында орналасқан»,- деп айтты спикер.

Баспасөз мәслихатында баяндамашы 2016 жылдың 6 ақпанында «Бағалы металдар мен асыл тастар туралы» Қазақстан Республикасының Заңына енгізілген өзгерістер жайын атап өтті. Онда осы жылдың  ІІ жартыжылдығынан бастап ҚР аумағында бұйымның сынамалау таңбасыз (пробирное клеймо) және ие белгісіз (оттиск именника) зергерлік бұйымдарды сатуға тиым салынғаны туралы айтылған. Заңда көрсетілген  талаптардың сақталуына мемлекеттік бақылау жүргізетін уәкілетті орган — Техникалық реттеу және метрология комитеті және оның аумақтық департаменттері болып табылады.

Созақ ауданында бүгiнгi таңда мал шаруашылығымен айналысатын шаруа қожалықтарының бәрi еттi қой түрлерiн өсiрумен қарқынды түрде айналысуда, деп жазады ОҚО әкімінің баспасөз қызметі. Ал сала мамандары көзін тапса, қаракөл шаруашылығынан келер табыстың көл-көсiр болатынын айтады.

Осы бағыттағы жұмыстарды жандандырған теріскейліктердің қаракөл мал шаруашылығын дамыту жөніндегі жұмыстары өз нәтижесін бере бастады. Бүгінде Созақ ауданында екі бірдей шаруашылық — «Құмкент» және «Қара құр» өндірістік кооперативі қаракөл қойын өсірумен айналысады. 

Тамыз айында «Қара құр» өндірістік кооперативі 1238 бас қаракөл тоқтысын Біріккен Араб Әмірліктеріне экспортқа шығарып, тиімді бағада сатты. Шетелдіктердің қой алудағы талаптарынан толықтай шыққан кооператив жетекшісі жыл соңына дейін тағы да бірқатар қаракөл қойын шетелге сатуды жоспарлап отырғанын айтады.

Бүгін конкурстық іріктеудің негізінде Оңтүстік Қазақстан облыстық мәдениет басқармасының басшысы лауазымына Ахметжанов Нұрболат тағайындалды, деп хабарлайды ОҚО әкімінің баспасөз қызметі.

Ахметжанов Нұрболат 1963 жылы туылған, білімі жоғары, мамандығы бойынша біліктілігі концерттік орындаушы, оқытушы, заңтану бакалавры.

1990-1998 жылдары Павлодар облыстық филармониясында концертмейстер, оркестр директоры, оркестр артисті, С. Торайғыров атындағы Павлодар педагогикалық институтында педагогика және музыкалық-эстетикалық тәрбие беру кафедрасының оқытушысы қызметтерін атқарған.

Мемлекеттік қызметтегі өтілін 1998 жылы Павлодар облыстық мәдениет басқармасы басшысының орынбасары ретінде бастаған.

2002-2006 жылдары Қазақстан Республикасы Мәдениет министрлігінде халық шығармашылығы және аймақтық саясат басқармасының басшысы, Қазақстан Республикасы Парламенті Мәжілісі аппараты заң бөлімінің бас консультанты лауазымдарында қызмет атқарған.

2006-2014 жылдары Қазақстан Республикасы Мәдениет және ақпарат министрлігінде өнер департаменті директорының орынбасары, мәдениет және тілдерді дамыту департаменті директорының орынбасары, Шығыс Қазақстан облыстық мәдениет, мұрағат және құжаттамалар басқармасының басшысы лауазымдарын атқарған.

2015 жылдан бастап бүгінгі күнге дейін Қазақстан Республикасы Премьер-Министрі орынбасарының кеңесшісі, Қазақстан Республикасы Мәдениет және спорт министрлігі мәдениет және өнер жұмыстары жөніндегі департаменті директорының орынбасары лауазымдарында қызмет атқарған.

Оңтүстік Қазақстан облысында жазғы дәнді дақылдарды жинау жұмыстары толығымен  аяқталды. Биыл облыс дихандары астық өсіруде озық технологияларды, оның ішінде терең қопсыту әдісін қолдана отырып, үлкен көрсеткіштерге қол жеткізді, деп хабарлайды ОҚО әкімінің баспасөз қызметі.

Оңтүстіктің шаруалары 214,4 мың га жерге егілген масақты дәнді дақылдардың әр гектарынан 22 центнерден, барлығы 470 мың тонна өнім жинады. Бұл Қазақстанның егенмендік алған жылдардан бергі өңір дихандарының жеткен жетістігі деп білеміз.

Мәселен,  Қазығұртта 42 мың га жерге егілген астықтан гектарына 26,5 цт, Төле би ауданы  20,6 мың га астықтың әр гектарынан 26 центнерден өнім алса, түлкібастық шаруалар 24,8 мың га алқаптан 25,2 центнерден өнім алған.

Сонымен қатар, облыста дәндік жүгеріні ору науқаны басталып, 40,1 мың гектар жерге егілген жүгерінің бүгінде 3,3 мың га орылды. Оның гектарынан 42,4 цент, барлығы 13,8 мың тонна өнім жиналды. Ал 74 мың гектар жерге егілген мақсарының бүгінде 28,7 мың га орылып, одан 20,1 мың тонна өнім жиналып отыр. Алдын-ала есеп бойынша диқандар әр гектарынан 7 центнерден жалпы 52 мың тонна өнім жинауды жоспарлауда.

Жалпы алғанда облыста осы жылы дәнді дақылдардан 660 мың тонна өнім жиналады деп күтілуде.

Түлкібас ауданында алма бау шаруашылығын дамыту мақсатында облыстық ауылшаруашылығы басқармасы, аудан қала әкімдерінің орынбасарлары, бау шаруашылығымен айналысушы бағбаншылардың қатысуымен семинар-кеңес болып өтті, деп хабарлайды Түлкібас ауданы әкімінің баспасөз қызметі. Жиынды облыстық ауылшаруашылығы басқармасының басшысы С.Тұрбеков ашып, облысымыздағы аймақтардың өз ерекшеліктерін ескере отырып, бір саланы дамыту, тәжірибе алмасу, көру, үйрену мақсатында әр ауданда семинарлар өткізіліп жатқанын хабарлады. 

Семинарға қатысушылар алдымен, Мичурин ауылдық округіне қарасты «Мөлдір» жауапкершілігі шектеулі серіктестігінің қарқынды бағымен және тәлімбағымен танысты. Түркияның «Яула Филис» компаниясымен бірлесу нәтижесінде қолға алынып, егілген 110 гектарлық жер алқабында алма жемісі өсіріледі.

Сонымен қатар, жұмысшы топ қарқынды бау өсірумен айналысатын «Көктал», «Кентау», «Түлкібас транссервис» ЖШС-нде болып, тыныс тіршілігімен танысты.

Шаруашылықтар бақ өсіруде алдыңғы қатарлы елдердің, оның ішінде Түркия, Польша мемлекеттерінің соңғы үлгідегі озық тәжірибелерін пайдаланады. Бұл бауларда негізінен тамшылатып суғару технологиясы қолданылады. Барлық қажетті бау-бақша техникасы болған жағдайда, шаруашылық қызметкерлерінің еңбегі айтарлықтай жеңілдетіледі, агротехникалық шараларды жүргізуге ыңғайлы болады.

Семинарда шаруашылық басшылары өздерінің тәжірибелерімен бөлісіп, өзекті мәселелер жайын талқылады. Жиын соңы пікір алмасулармен жалғасып, алма бауды дамыту бойынша атқарылып жатқан жұмыстар мен кездесетін кедергілер жайлы айтылды.

Жалпы Түлкібас ауданы таулы аймақта орналасқан. Ауа райы қоңыр салқын, алма-бау жеміс ағаштарын өсіруге өте қолайлы аймақ болып есептеледі. Бүгінгі таңда аудандағы барлық жеміс ағаштарының көлемі 3115 гектарды құрап отыр.

2020 жылға мерзімде дейін аудан көлемінде алма бау көлемі 3600 гектарға жеткізіп, оның ішінде ауданда қарқынды бауларды өсіру дамытылып, өнім көлемін ұлғайту жоспарлануда. Алдағы мерзімде алманы Түлкібас ауданының брэндіне айналдыру жолында жұмыстар атқарылатын болады.