Jas.kz

Астананың жаңа теміржол вокзалының жолаушыларға және вокзалдың жеке қызметкерлеріне арналған жерлерде қазақстандық өндірушілердің жиһаздары орналастырылады, деп мәлімдеді ҚТЖ ұлттық компаниясының баспасөз қызметі.

«Нарыққа жүргізген сараптамамызда қазақстандық өндірушілердің бағасы шетелдіктерге қарағанда біршама арзан екендігіне көзіміз жетті», — деді «ҚТЖ» ҰК» АҚ Ірі жобалар дирекциясының бас инженері Игорь Гайдук.

Шілде айының басында вокзал құрылысының бас мердігері «Sembol» компаниясы мен Жиһаз және ағаш өңдеу өнеркәсіптері қауымдастығы арасында әріптестік туралы келісім жасалып, жұмыс комиссиясы құрылды.

«Астана  жаңа теміржол вокзалы — ұлттық жоба, елордамыздың қақпасы. Біздің кәсіпорындарымыз үшін бұл жобаға қатысу — зор мәртебе!», — деді Жиһаз қауымдастығының ресми өкілі Қанат Ыбраев.

ҚазАқпарат

Олимпиада чемпионы Данияр Елеусінов 1 қыркүйекте өзі білім алған елордадағы №54 мектеп ұжымымен, оқушылармен кездеседі. Бұл туралы ҚазАқпарат тілшісіне Даниярдың сынып жетекшісі болған Рая Келесқызы айтты.

«Данияр Елеусінов №54 мектепте 2008-2009 оқу жылында 11 сыныпты бітірді. Ол мектебімізді оқып жүріп-ақ жасөспірімдер арасында өтетін барлық әлемдік, халықаралық жарыстардың жеңімпазы атанып, үлкен жетістіктерге жеткен еді. Барлық сабақты жақсы оқыды, әсіресе қазақ тілі мен әдебиетіне, тарихқа жетік болды, айрықша көңіл бөлетін. Данияр жарыстарға кеткен кезде де ұстаздарынан тапсырмалар алып әрі оларды тыңғылықты орындап отыратын. Өркөкіректігі, артық ауыз сөзі жоқ, өте қарапайым, салмақты бала. Мектепте оқып жүргенде ешқандай проблема да туындатпады, достарымен де жақсы араласты. Шетелге жарыстарға барып келгенде үнемі достарының барлығына бірдей кәдесыйлар алып келетін»,-  деді ол.

Р. Келесқызы Даниярдың сынып жетекшісі болғаннан кейін жекпе-жектерінде үнемі жанкүйер болып отыратындығын да баса айтты. «Бірақ, осы жолы алтын медаль үшін өткен кездесуін зор күйзеліспен көрдім, тіпті шыдай алмай сыртқа да шығып кеттім. Өйткені, қарсыласы Даниярдың жарақатынан соққы жасауға ұмытыла берді ғой», — дейді Олимпиада чемпионының сынып жетекшісі.

Сөз соңында  Рая Келесқызы 1 қыркүйек күні Олимпиада чемпионы Данияр Елеусіновті өзі білім алған мектепке шақырып, ұстаздармен, оқушылармен кездесу өткізу жоспарланып жатқандығын жеткізді.

Күріш пен мақтадан бөлек шардаралықтар көп жылдық екпелерге көңіл бөле бастады. Мәселен, соңғы бір жылдың көлемінде Тұрысбеков ауылдық округінде 220 гектарға, Жаушықұм ауылында 55 гектарға, Қоссейіт ауылында 13 гектарға жүзім көшеттері отырғызылған. Жүзімнің «тайфи розовый» сортын еккен шаруалар өнімді үш жылдан соң алатынын айтуда. Ал ауданда 209 гектар жерге егілген жүзім алқабынан өнім жиналуда. Бүгінгі күнге гектарына 35 цн өнім алған диқандар 731,5 тонна жүзім жинаған.

Сонымен қатар, аудан тұрғыны А.Ибадуллаев 10 гектар алқапқа алманың «Павлинка» деп аталатын сортын өсіруді қолға алған.  Ал бүгінге дейін ауданда 70 гектар жерге егілген алма баудан гектарына 25 цн. өнім түсіп, жалпы 175 тонна алма терілген.

Шардаралық шаруалар  2010 жылдан бері жалпы көлемі 1097 гектар жерге егілген бау-бақшадан мол өнім жинап келеді. Бұдан түсер пайданың мол екеніне көзі жеткен диқандар бау-бақшаны дамытуды жоспарлап отыр. Қазіргі таңда жиналған өнімдер ауданның ішкі нарығына шығарылуда.

Талдықорғанда «Қазақстанның үздік тауары» конкурс-көрмесі өтті. Салтанатты марапаттау рәсіміне облыс кәсіпкерлері, жергілікті ақарушы және мемлекеттік органдар, қаржы институттары өкілдері, қоғамдық ұйымдар және қала тұрғындары мен қонақтары қатысты.

Алматы облысы Кәсіперлер палатасы екінші рет конкурстың ұйымдастырушысы болып отыр. Сыйақы 2006 жыылы бекітілген болатын, міне енді бүгін 10 жылдығы тойлануда.

Өткен жылы республикалық конкурсқа Алматы облысы 9 компания ұсынған болатын. Олардың ішінде  «Үздік азық-түлік тауарлары» аталымы бойынша бірінші құрметті орынды «Рыбпром»  ЖШС (Капшағай қ.) жеңіп алған еді.

 Ал биылғы жылы 49 жергілікті компания қатысуда.

«Өндіріске арналған үздік тауарлар» аталымы бойынша бірінші орынды «Алматы бояулары» ЖШС компаниясы еншіледі.

«Алматы бояулары» ЖШС Қазақстан нарығында жұмыс істей отырып, елдегі  ірі жол-таңбалаушы материалдарды жеткізушіге айналды. Ресей нарығына шықты, ал қазір жаңа жоғары технологиялық зауытты салуда және де сыр-бояу бұйымдарын шығаруда.

 Екінші орынды -Жаркент крахмал-сірне зауыты, үшінші орынды пластикалық және алюминий бұйымдар шығаратын «Галакси» ЖШС алды.

Екінші «Үздік азық-түлік тауарлары» аталымында бірінші құрметті орын «Алатау Құс» компаниясына бұйырды. Кәсіпорында 850 адам жұмыс істейді. Күн сайын 50 мың келі құс еті дайындалады.

Екінші орын — «Алғашқы сыра зауытына». Үшінші орын — «Молдасанова» ЖК  және «Этно-ресторан «Аскар-Тау этно-мейрамханаға» бұйырды.

«Тұрғындарға арналған үздік тауарлар» аталымында «Тексан Казахстан Инвест» компаниясы жеңімпаз атанды.    Екінші орынды «Dolce» ЖШС, үшінші орынды  «Алматы матрас фабрикасы» алды.

ҚазАқпарат