Jas.kz

Қазақстан мен ҚХР арасындағы іскерлік және мәдени байланысты нығайту мақсатында Панфилов ауданының тұрғындары Мұз және қар екінші халықаралық фестиваліне қатысты.

Осындай ынтымақтастық байланыс негізінде «Қорғас арқылы Ұлы Жібек жолының бойында» қазақстандық-қытайлық сауда жәрмеңкесі де жалғасуда. Аталмыш жәрмеңке инвесторлар мен сауда саласында серіктестерді тарту мақсатында «Қорғас» шекара маңы халықаралық ынтымақтастық орталығы» жобасының бірлескен презентациясына бағытталған. Шараның негізгі мақсаты — халықаралық туризімді өрістету және осы орталықтағы сауда-саттықтың өркен жаюына кең жол ашу.

Фестивальға ҚХР тарапынан арнайы экономикалық орталық Партиялық жұмысшылар комитеті хатшысының орынбасары, Қорғас қаласының әкімі    Мұрал Әбілмәжін, Қазақстаннан Панфилов ауданының әкімі Бердәулет Абдулдаев, «Қорғас» шекара маңы халықаралық ынтымақтастық орталығы» АҚ президенті міндетін атқарушы Василий Ни, Алматы облыстық туризм басқармасының өкілдері және жан-жақтан келген саяхатшылар қатысты.

Шынында, Қорғастағы қысқы «Мұз қаланың» әлем саяхатшыларының назарын аударуға мол мүмкіндіктері бар. Алдымен мұндағы салынып, алды пайдалануға беріле бастаған алып сауда орталықтары толассыз туристердің мекесіне айналды. Шығыс пен батысты жалғайтын шойын жол мен автодаңғыл да оған жағымды жағдай жасамақ.

Жиналғандар аумағы атшаптырым жерді алып жатқан мұз қалашықты қызықтап, мүсіндер маңында сүретке түсіп, балалар мұздан соғылған   арнайы төбелерден сырғанақ тепті. Мүсіншілер мұз бен қардан соққан алып айдаһар, қанатын қомдап тұрған самұрық құс, түйелер керуені, көркем гүлдер тағы басқа да толып жатқан сәнді көріністер қалашықтың ажарына айналған. Шара барысында фестивалға қатысушылар екі елдің қысқы әйелдер киімінің үлгілерін тамашалап, қытай өндірісінен шыққан жол талғамайтын көліктермен танысты.

Мереке соңы ҚХР-дың Іле қазақ автономды облысы мен Қазақстан өнерпаздарының концертімен аяқталды.

Партия филиалына келіп, мұң-мұқтажын айтып, көмек сұраған азаматтардың мәселесі қоғамдық қабылдауда жан-жақты қаралып, шешілуі тиіс. Әйтпесе, мұндай қабылдаудан ешқандай нәтиже болмайды, — деді Алматы облысының әкімі Амандық Баталов. Бұл туралы ол кеше «Нұр Отан» партиясы облыстық филиалында өткен қоғамдық қабылдауда айтты.

Қабылдауға келген азаматтарды Амандық Ғаббасұлы мұқият тыңдап, әрбір сауалға нақты жауап берді.

Мәселен, қоғамдық қабылдауда Талғар ауданы Ақдала ауылының тұрғыны Раушан Биғалиева өзінің қиын жағдайын баяндады. Үш балалы, 35 жастағы Раушанның 3 рет операция жасалғанымен екі көзі де көрмейді. Дәрігерлер бір көзіне ота жасауға болады, ал екінші көзі мүлдем көрмейді деп қорытынды жасапты. Ендігі үміт Ресейде жасалатын операцияда болып отыр. Алайда, Раушан Ресейде жасалатын операцияға қажетті 2 млн. теңге таба алмай, қиналуда. Облыс әкімі Амандық Баталов жанары суалған Раушан Биғалиеваға Ресейде көзіне операция жасауға қажетті қаражат тауып беретінін айтып, қуантты.

Ақсу ауданы Тарас ауылының тұрғыны Битілеу Қонаевтың ауылдағы 66 оқушы білім алатын орталау мектеп ғимаратына 1987 жылдан бері күрделі жөндеу жұмыстары жүргізілмегенін, қазіргі кезде фундаменті үгіліп, есік-терезелері ескіргенін, еденінің шіри бастағаны туралы сауалына Амандық Баталов мектеп ғимаратына зерттеу жасап, күрделі жөндеу жұмыстарын жүргізуге көмектесетінін айтты.

Ал Балқаш ауданынан келген Ұзақбай Несіпбаев Бақанас ауылында жер телімдері үшін кезекте 500 адамның тұрғанын айтып, тұрғын үй салу үшін қажетті инженерлік инфрақұрылым құрылысының жобалық-сметалық құжаттарын (ЖСҚ) әзірлеуге қаржы бөлуге көмектесуді өтінді. Бұл сауалға А.Баталов: «Тұрғын үй салу үшін бірінші кезекте жергілікті басқару органдары инфрақұрылымын жүргізуі керек. Бұл мақсатқа қаншалықты қаражат қажет екендігін анықтап, ЖСҚ дайындау жөнінде ұсыныс беруді құрылыс басқармасының бастығы Т.Бектасовқа тапсырамын», — деді.

Талғар ауданының тұрғыны Кенжегүл Мұхаметжанованың Өстемір ауылындағы № 14 орта мектептің 1979 жылдан бері күрделі жөндеу көрмегендігін айтқан өтінішіне қатысты, Амандық Ғаббасұлы мектептің күрделі жөндеу жұмыстары үшін 25 қаңтарда өтетін бюджеттік комиссияда тиісті қаржы қарастырылатынын жеткізді.

Сонымен қатар Кеген ауылының тұрғыны Әлікен Қапалбаевтың аудандағы ұзындығы 158 шақырымды құрайтын 9 каналдың дұрыс жұмыс істемеуі салдарынан 32 мың гектардан астам жерге судың толық берілмей отырғаны, осы каналдарды тазалауға қажетті жаңа техникалар сатып алу жайлы мәселесіне орай Амандық Баталов өткен жылдан бастап өңірде ирригациялық жүйелерді қалпына келтіру жұмыстары жан-жақты жүргізіліп жатқанын, ол үшін 2016 жылы облыстық бюджеттен 2 млрд. теңге қарастырылғанын тілге тиек етті. Бұл көтерілген мәселе бойынша, жұмыс оңды орындалса, көптеген шаруа қожалықтарына үлкен көмек болатынын айтты. Сондықтан каналдарды жөндеуге және жаңа техникалар сатып алуға көмектесуге уәде беретінін де жеткізді.

Қоғамдық қабылдауды қорытындылаған облыс әкімі А. Баталов:

— Бүгінгі кездесу барысында облыс тұрғындары жеке басының емес, өздері тұратын аудан мен ауылдардың мәселелерін көтерді. Бұл облыс халқының жалпы тұрмыс-жағдайы жақсы екенін білдіреді. Расында, 2015 жылды біз барлық көрсеткіштер бойынша — өндірісте де, ауыл шаруашылығында да, құрылыс пен бюджет кірісінде де табысты аяқтадық. Мұның бәрі — жұмыс орындарын сақтай алуымыздың, жұмыскерлерді тұрақты жалақымен қамтамасыз етудің нәтижесі. Мемлекет басшысының қолдауының және «Нұрлы жол» бағдарламасының арқасында жоспарлаған барлық нысандарымыздың құрылысын аяқтадық, оған бизнесмендер мен инвесторларды белсенді түрде тарттық. Барлық мәселе бір реттен шешіле салмайды, бірақ біздің нақты жоспарларымыз бар, қай бағытқа қарай жылжу керек екенін жақсы білеміз, — деді.

Астаналық смарт-бастамалар және Астана қаласының Интеллектуалдық байланыс орталығы жұмысының жоспарлары туралы Нұрәлі Әлиев баяндап берді.

Астана қаласының Интеллектуалдық байланыс орталығы елорда тұрғындарының өтініштерін неғұрлым тиімді өңдеуге мүмкіндік береді. Осылайша жетілдірілген байланыс орталығы бірден 60 қоңырауға дейін қабылдайды.

Елорда әкімінің орынбасарының айтуынша, «оператордың қатысуынсыз автоматты түрде өзекті ақпарат беру мүмкіндігінің арқасында 50 мыңға жуық өтініш өңделді, бұл жалпы қоңыраулар санының 62%».

2015 жылдың желтоқсан айының өзінде байланыс орталығында 6 оператор жұмыс істеген кезде 80 мыңға жуық өтініш өңделді, бұл 2014 жылдың сәйкес мерзімімен салыстырғанда 2 есеге көп. Қазіргі кезде операторлар саны 15 жетті, бұл астаналық «109» қызметінің жұмысының тиімділігі мен жеделдігін арттыруға мүмкіндік береді.

Бұған қоса, Нұрәлі Әлиев атап өткендей: «Байланыс орталығының мақсаты өтініштерді тек телефон қоңыраулары, «smart.astana.kz» порталы және электронды пошта арқылы өңдеу ғана емес, енді Астана тұрғындары өз өтініштерін #astana109» хэштегін көрсете отырып «Facebook», «Twitter» және «Instagram» әлеуметтік желілері арқылы да бере алады.

«Astana 109» парақшасында да астаналық білім мекемелерінде сабақтың болу/болмауы туралы хабарламалар лезде жарияланатынын айта кету қажет. Мұндай тәсіл халыққа ұнап та үлгерді. Соңғы мәліметтер бойынша, бар-жоғы екі тәуліктің ішінде «Facebook» желісінің 5800 астам пайдаланушысы байланыс орталығының ресми парақшасына кірген. Анағұрлым танымал әлеуметтік платформа «Instagram» болып табылады, онда санаулы уақытта «Astana 109» аккаунтына 4800 астам жазылушы тіркелген.

Бұдан бөлек, жуырда Астана әкімдігі «Астана Innovations» АҚ-мен бірлесе отырып ауа-райының жағдайларына байланысты мектептерде сабақтың болу/болмауы туралы хабарлама алудың тағы бір смарт-тәсілін ұсынды.

«Алдағы екі аптада астаналық оқушылардың ата-аналары «Smart Astana» мобильдік қосымшасының бета-нұсқасын бірінші болып пайдаланып көреді. Аталған қосымша сабақтың болмауы туралы push-хабарламаны лезде алу функциясымен қолайлы болып отыр. Бұл тек басы ғана және «Smart Астананың» әлеуметтік-маңызды жобалары елорда тұрғындарының өмірін барынша жеңілдететініне сенімдімін», деді Нұрәлі Әлиев.

Осылайша, алғашқы екі күннің ішінде 18 000 астам елордалық ата-ана мен мұғалімге «Smart Astana» қосымшасы таратылып, орнатылды.

Еске сала кетейік, 2016 жылғы 1 қаңтардан бастап «051-қызмет» ММ негізіндегі Астана қаласының Интеллектуалдық байланыс орталығы тәжірибелік пайдалануға берілді. Бұл барлық коммуналдық-тұрмыстық сипаттағы мәселелер бойынша елорда тұрғындарының өтініштерін қабылдаудың бірыңғай орталығы.

astana.gov.kz

1. Жұмысты дұрыстап жасау үшін ешқашан уақыт жетпейді, дұрыс жасалмаған жерін қайта жасау үшін уақыт әрқашан да бар. (Мескимен заңы)

2. Қиын істің шешімін жалқауға тапқызу керек, ол оңай шешімін табады. (Хлейд заңы)

3. Іздеуді табылады деп ойламаған жерден бастау керек. (Іздеу заңы)

4. Шығыс кіріспен теңесуге ұмтылады. (Паркинсонның екінші заңы)

5. Төмен отырған сайын таяқты көп жейсің. (Перкнис заңы)

6. Шұжықты жақсы көретін және заңды сыйлайтын адамның, олардың қалай жасалатынын көрмегені дұрыс. (Шұжық принціпі)

7. Топтық жұмыстың орны өте маңызды. Бұл кінәні басқаға арта салуға мүмкіндік береді. (Фингейлдің сегізінші қағидасы)

8. Сізге әрқашан не уақыт, не ақша жетпей тұрады. (Лерман салдары)

9. Жұмыстың алғашқы 90%-ы —  уақыттың 10%-ын алады. Ал қалған 10%-ы  — қалған уақыттың 90%-ын алады. (Жобаны уақытында бітіру қағидасы)

10. Тырнағыңызды алғанан бір сағаттан кейін тырнақ керек болады. (Уиттен заңы)

12. Істемейтін адамға жұмыстың барлығы оңай. (Холт заңы)

13. Қолынан іс келетін адам — іс жасайды. Қолынан іс келмейтін адам — үйретеді. (Б. Шоу заңы)

14. Дұрыс түсінілмей қалады-ау деген бұйрықтың барлығы дұрыс түсінілмей қалады. (Әскери аксиома)

15. Қажет болмай қалған жұмысты істеп тастауға дайын адамдар көптеп табыла кетеді. (Зимерги заңы)

16. Тіс ауруы әдетте сенбіге қараған түннен басталады. (Джонсон және Лэрд заңы)

17. Ең қызық экспонаттың аты жазылған тақтайшасы түсіп қалған болады. (Джоунс заңы)

18. Ұзақ уақыт сақтап, қолданылмай жатқан затты лақтыра салуға болады. Бірнәрсені тастай салсаңыз, дәл сол нәрсе керек бола қалады. (Ричард қағидасы)

19. Жоғалғанды әрқашан соңғы қалтаңнан табасың. (Буб заңы)

20. Үкіметтегі жемқорлық қашанда ол үкімет орнынан түскен соң хабарланады. (Уотергейт принципі)

21. Ең кішкентай тәжірибенің өзі үлкен теориядан жақсы. (Букер заңы)

22. Ең аз төлеген адам, ең көп шағымданады. (Дрю заңы)

23. Сынбайтын ойыншық басқа ойыншықтарды сындыруға жақсы. (Ван Рой заңы)

24. Ұлы жаңалықтар қателесіп ашылады. (Янг заңы)

25. Сiздiң бастан кешiргенiңiздi таныстарыңыздың бiрi бастан өткiзiп қойған, оның жағдайы сіздікінен де қиын болған. (Мидер заңы)

bilim-all.kz