Jas.kz

Кәсіпкерлікті дамытуға қолайлы жағдай жасау мақсатында елімізде 39 рұқсат беру құжатының күші жойылады. Бұл туралы бүгін Мәжілістің жалпы отырысында Ұлттық экономика министрі Ерболат Досаев мәлім етті.

Жалпы Парламенттің төменгі палатасы 2015 жылдың соңғы отырысын өткізуде. Парламент үшін биылғы жыл оңайға соқпады. Өйткені биыл елімізде бірнеше маңызды шараөтті. Ол Президент сайлауы, Қазақ хандығының 550жылдығы, ҚХА 20 жылдығы, еліміз екі бірдей халықаралық ұйымның мүшесі атанды. Бұл істе мəжілісмендердің үлесі аз болмады. Жалпы бір жылда парламент 3бірлескен отырыс, 38жалпы отырыс, 5 үкімет сағатын өткізді. Мәжілістің қарауына биыл 210 заң жобасы келіп түссе, оның 158-і мақұлданды. Бұл өткен жылдың қорытындысымен салыстырғанда 59 құжатқа артық. Биыл Мəжіліс 44 жұмыс аптасын өткізді.

Бұл күндері мыңнан аса жұмыс тобы мен комитеттер отырысы өтті. Жұмыстың жемісті болғанының тағы бір дәлелі, биыл Үкімет қайтарып жіберген заң жобалары болса аты. Мəжілісмендердің өткен жылға көшелері жоқ, ал келер жылдан үміттері зор. Өйткені жаңа жылда Парламент сайлауы өтеді және алдағы жыл EXPO-2017 көрмесіне соңғы дайындықтар пысықталды. Сондықтан атқарар шаруа аз болмайды деді қорытынды сөзінде палата спикері.

24.kz

Келер жылдан бастап виза берудің жаңа ережелері енгізіледі. Бұл туралы еліміздің Сыртқы істер министрі Ерлан Ыдырысов мәлімдеді. Жаңа жылдан бастап біздің елге келетін шетелдіктерге қолайлы жағдай жасалмақ.

Статистикаға сүйенсек, Қазақстан азаматтары 41 мемлекетке визасыз кіруге құқы бар. Ал 2015 жылдың 15 шілдесінен 2017 жылдың соңына дейін 20 елдің азаматына 15 күнге ел аумағына визасыз кіруге рұқсат берілген.

Статистикаға сүйенсек, біздің елімізде 2013 жылы 320 мыңдай виза берілсе, өткен жылы 300 мыңнан астам азамат емін-еркін кіріп-шығуға мүмкіндік алған. Бұл көрсеткіш биылғы жылдың 11 айында 242 мың 645-ке жетті.

24.kz

Танымал поляк карикатурисі Кучинскиді де желіге тәуелділік тақырыбы көп мазалайды екен. Соңғы жылдардағы карикатураларында Фейсбук тақырыбын көп салған екен. Оның суреттерінде тәуелділік, жалған ақпарат, лайкомания, ФБ арқылы диагноз қою, оқшаулық, негатив, өсек-аяң, маска кию, жануарға айналу сияқты қазіргі желі элементтерін көруге болады.

Талдықорған қаласында жыл сайынғы дәстүрлі «Ақ Дастархан» аспаздар байқауы өтті. Бұл жолы байқауға аудандық, қалалық іріктеу турларында жеңімпаз болған 23 аспаз бен кулинарлар қатысты.

Байқау барысында 500-ден астам түрлі тағамдар мен кондитерлік бұйымдар қазылардың сараптауына ұсынылды. Бағалау барысында тағамның сапасымен қатар оны ұсыну және көркемдеу ерекшелігіне, денсаулыққа пайдалы тағамдарға басымдық беру жайына да назар аударылды.

Қазылар алқасының төрағасы, Қазақстандағы аспаздық ісі бойынша әзірге жалғыз халықаралық сарапшы Серікхан Әділхановтың айтуынша, «Ақ Дастархан» — тек аспаздық байқауы ғана емес, мейрамханалық істің сапасы мен біліктілігін арттыру алаңы да. Оның түпкі негізінде «саламатты тамақтану» ұстанымы жатыр.

Бірнеше номинация бойынша өткен конкурстың жалпы қорытындысында «Қоғамдық тамақтану саласының жыл үздігі» атағы және Гран-При жүлдесі Қарасай ауданының Қаскелең қаласынан келген «Rhama Park» мейрамханасының ұжымына берілді.

Қазылар алқасы қатысушылар арасынан «Жылдың үздік аспазы» номинациясы бойынша Талдықорған қаласындағы «Кишлак» мейрамханасын, «Жылдың үздік кондитері» аталымында Қаскелең қаласындағы «Ас-Мар» кондитерлік кешенін, «Жылдың үздік даяшысы» аталымында Қарасай ауданындағы «Rhama Park» мейрамханасының кондитері Татьяна Бобровскаяны жеңімпаз деп таныды.

Сонымен қатар осы байқауда Талдықорған қаласының «Серебрянный водопад» кондитерлік цехы, Үштөбе қаласындағы «ЛАД» кондитерлік кешені, Еңбекшіқазақ, Талғар аудандарының аспаздық-кондитерлік цехтары, Сондай-ақ Жамбыл, Алакөл ауданының аспаздары жүлдегерлер қатарынан көрінді. Олар ақшалай және естелік сыйлықтармен, дипломдармен марапатталды.

Алматы облысы Қарасай ауданы Береке ауылының тұрғындары үшін жаңа аялдамалар салынды. Бұл жобаға Қарасай ауданы Елтай ауылдық округі әкімдігінің қолдауымен «Эфес-Қазақстан» ЖК АҚ бастамашы болды.

Зауыт директоры Сабыржан Белгібаевтың айтуынша, биылғы жылы осы жоба арқылы ауданның көліктік және әлеуметтік инфрақұрылымын қолдау көзделген. Бизнестің әлеуметтік жауапкершілігі шеңберіндегі қызметін зауыт алдағы уақытта да жалғастырмақ.

Бұл жоба шағын елді мекендерді көріктендіру, тұрғындарына қолайлы жағдай жасауға бағытталған.

Мемлекет басшысының мемлекеттік-жекеменшік әріптестік тетігін дамыту туралы тапсырмасын орындау мақсатында Алматы облысы Алакөл ауданы Үшарал қаласында 100 орынға арналған коммерциялық жаңа балабақша ашылды.

Балаларды мектепке дейінгі тәрбиемен қамту ісіне кәсіпкер, облыстық мәслихаттың депутаты, «Нұр Отан» партиясы аудандық филиалы саяси кеңесінің мүшесі, «Нүсіпов және К» ЖШС басшысы Қанатхан Нүсіпов үлес қосты, деп хабарлайды Алматы облысы әкімінің баспасөз қызметі.

Бұл айтулы шараға облыстық мәслихаттың хатшысы Ермек Келемсейіт пен Алакөл ауданының әкімі Әлібек Жақанбаев қатысып, балабақша ұжымына плазмалы теледидар сыйға тартты.

Балабақшаның екі қабатты ғимаратының жалпы алаңы 600 шаршы метрді құрайды. Мұнда жатын бөлме, ойын бөлмелері, мәжіліс және спорт залдары, денсаулық бөлмесі, заманауи құралдармен жабдықталған асхана бар. Ғимарат әзірге жеке жылытылады, дегенмен 2016 жылдан бастап орталықтандырылған жылыту жүйесіне қосу жоспарланып отыр.  Балабақша аумағын абаттандыруға да көп көңіл бөлінген. Ойын алаңдары, өрнекті қоршау, әдемі жарық шамдары, бейнебақылау камералары, тротуар плиталары, жасыл желек, 20-дан астам шырша аулаға ерекше ажар беріп тұр.

Қ. Нүсіповтің айтуынша, заманауи, екі қабатты, кірпіштен қаланған балабақша өз жеке қаражатына тұрғызылған, яғни 70 млн. теңге инвестиция тартылған.

Балабақшада балаларды оқыту мен тәрбиелеуге ерекше мән берілген. Мұндағы тәрбиешілер балаларды ерекше бағдарламамен оқытады, мемлекеттің үш тұғырлы тіл саясатына байланысты қазақ, орыс, ағылшын тілдерін тереңдете үйретуде.

Жаңа балабақша Алакөл ауданында соңғы үш аптада ашылған екінші және жұмыс істеп тұрған 15-ші балабақша. Аталмыш ауданда балаларды мектепке дейінгі тәрбиемен қамту 90 процентке жеткен. Жаңа балабақшаның ашылуына байланысты 30 жаңа жұмыс орны құрылғанын да айта кету керек.

Ертең, желтоқсан айының 23-жұлдызында «Қазақстан» концерт залында ардақты пайғамбарымыз Мұхаммедтің (с.ғ.с.) туылған күніне орай «Адамзаттың абзалы» атты мәуліт кеші өтеді.