Jas.kz

«Естімеген елде көп» демекші, мынандай жол белгілерін Сіздер кездестірмесеңіздерп де, олардың не білдіретінінен хабардар болып жүргендеріңіз абзал!

Мұқият болыңыздар! 88 км бойы түйе белгісіз бір жануарды, ал ол жануар кенгуруды қуып келеді. 89 км басталғанда бұл жарыс аяқталады. Қалжыңды былай қоя тұрсақ, Австралияда кездесетін бұл белгі алдарыңыздан кенеттен шығып қалуы мүмкін жануарларды бейнелейді.

Мына белгіге келгенде, биік өкшені шешіп, ары қарай жалаң аяқ жүру керек. Бәрібір өкшесіз қаласыз.

Танк. Жай ғана танк. Бәрі түсінікті.

Польшаның суретшілеріне шеберлік жетіспейтіні көрінеді. Жолға мас адам шығып қалуы мүмкін деген белгілері көліктің алдында асыр салып билеп жүрген адамның көрінісіне әлдеқайда ұқсайды.

О! Бұл сіз бен біз! Шамасы инстаграмды ақтарып келеміз.

Мына белгіні біздің қаламыздың кейбір жаяу жүргіншілер өтетін жерге орналастыру керек сияқты. Жолды әдейі асықпай өтіп, жүргізушілердің жынын келтіретін адамдар бар ғой? Солар үшін.

Бұл жерде көлігіңізді қалдырып кету үлкен ақымақтық болады.

Қорқатын түгі де жоқ. Бұл үш шеңбер жолды құлағы нашар еститін адамдар өту мүмкіндігін бейнелейді.

Ал мына белгі көзі нашар көретін адамдарды бейнелейді. Не деген креатив!

Лайк басуға болмайды. Қалжын. Бұл белгі бар жерде көлік тоқтатуға болмайды.

Қазақтар тойға кешігіп жатыр дегенде келеді, ия? Алайда бұл заңсыз иммигранттардың шекараны кесіп өтуі мүмкін дегенді бейнелейді. Суреттегі драматизмды айтсаңшы!

65 млн жыл бұрын қырылып қалмаған динозаврлар дәл осы жерде жолдан өтеді.

comode.kz

Жақсылық Үшкемпіров туған Алматы облысы Жамбыл ауданының Мыңбаев ауылына жаңа балабақша мен жатақхана салып берді. Сонымен қатар, шара аясында  грек-рим күресінен республикалық турнирдің жалауы желбіреді деп хабарлайды jas.kz.

Осы игі шаралардың барлығын әйгілі спортшы, олимпиада және әлем чемпионы, КСРО еңбегі сіңген спорт шебері Жақсылық Үшкемпіровтың Қазақстан Республикасының Тәуелсіздік күні қарсаңында «Қазақстан — 2050» стратегиясын жүзеге асыру жолында қосқан үлесі деп білуге болады.

Жоғарыда аталған екі ғимараттың және грек-рим күресінен ұйымдастырылған республикалық турнирдің ашылу салтанатына облыстық мәслихат хатшысы Ермек Келемсейіт, Жамбыл ауданының әкімі Жандарбек Далабаев, Қазақстанның Халық әртісі Асанәлі Әшімов, педагогика саласының ардагер еңбеккері Аягүл Миразова қатысты.

Жамбыл ауданында бүгінгі күні 14 мемлекеттік, 27 жеке меншік балабақша, 36 мектептке дейінгі шағын орталық балаларды білім нәрімен сусындап, тәрбиелеуде. Енді міне жеке меншік балабақшалар саны тағы бір балабақшамен толығып, 100 бүлдіршінді қарауына алды. Бұл балабақша Елбасының мемлекеттік-жеке меншік әріптестікті дамыту тапсырмасын және «Балапан» бағдарламасын жүзеге асыру мақсатында қолданысқа берілген нысан.

Балабақшаның өзі «Жақсылық» аталуы ырымшыл жандарға жақсылықтың жаршысы болмақ. Бұл заманауи үлгіде салынған екі қабатты ғимарат талаптарға сай, тәрбиеленушілердің қажеттілігін қанағаттандыруға керекті барлық құрылғылармен жабдықталған. Мұнда бүлдіршіндер төрт топқа бөлініп, білім алатын болады. Бөбектердің дұрыс тәрбие алып, білімін жетілдіруі сапасын назарында ұстап, балабақша ұжымына басшылық ететін Жұлдыз Үшкемпірова болмақ. Осы жанға жаңа нысанның кілті салтанатты түрде табысталды.

Осы күні болған екінші бір жақсы жаңалық екі қабатты жатақхана ғимаратының қолданысқа берілуі. Онда елді-мекеннің 38 отбасы қоныстанбақ. Қоныс тойын тойлаушылардың атынан спортсмен әрі кәсіпкер Айжан Райханова есімді азаматша шын жүректен алғысын білдірді.

Дәл сол күні осы елді-мекенде орын тепкен спорт кешенінде 1999-2001 жылы туылған жасөспірімдер арасында грек-рим күресінен республикалық турнир өткізіліп, тартысты өткен доданың жеңімпаздары бағалы сыйлықтармен марапатталды.

2015 жылдың қыркүйегінен бастап желтоқсан айы аралығында Ішкі істер министрлігі облыс әкімдерінің жоғары, орта оқу орындарының «Жас Отан» жастар қанаты басшылығының белсенді қолдауымен әрбір облыста есірткіге қарсылық ретінде «Өз өміріңді көркемде!» ұранымен ірі ауқымды акциялар өткізді.

Астана қаласында 10 желтоқсанда Қазақ мемлекеттік заң университетінде бір уақытта бүкіл республика бойынша ұйымдастырылған акцияның қорытынды сатысы өтті.

Іс-шараға еліміздің танымал эстрада мен спорт жұлдыздары қатысты. Олардың қатарында Бауыржан Исаев, Ерлан Көкеев, Дәурен Серғазин  Серік Сәпиев, Бақыт Сәрсекбаев болды.

Салауатты өмір салтын жүргізуді тілеп, шақырылған қонақтар сөз сөйледі.

Іс-шара жоғары деңгейде өтті. Акцияның басты ерекшелігі – есіртікінің қаншалықты қауіпті, өмірге қажет еместігін лекция, ұзақ соңар әңгімемен емес, қарапайым тілде түсіндіре отырып, тұлғалардың өз ұстанымдары туралы ой бөлісе отырып, өтуі болды.

Бүгін Индустрияландыру күні аясында өткен жалпыұлттық телекөпір кезінде Мемлекет басшысы Н. Назарбаев Алматы облысының Іле ауданында бой көтерген жаңа фармацевтикалық зауыттың іске қосылуына рұқсатын беріп, ақ жол тіледі.

Телекөпір барысында «Абди Ибрахим ГлобалФарм» ЖШС бас директоры жеткізгендей, жаңа зауыттың қуаттылығы жылына 1,5 млрд дәрі-дәрмек пен капсуланы құрамақ.

Алматы облысының әкімі Амандық Баталов:

— Мемлекет басшысының қолдауының арқасында Алматы облысында Индустриаландырудың өңірлік бағдарламасының арқасында 2010 жылдан бері 53 жоба жүзеге асырылды. Бүгін міне сапалы, қауіпсіз әрі емдік қасиеті жоғары дәрі-дәрмек шығаратын маңызды нысанды іске қосудамыз. Осы күнге дейінгі жобаның қаржыландырылуы 3,7 млрд. теңгені құрады. Екінші кезеңде, өндірісті ұлғайту кезінде тағы да 9 млрд. теңге инвестиция тартылатын болады.

Кәсіпорын еліміздің дәрі-дәрмекті сырттан тасуын азайтып, фармацевтика дамуын 10 пайызға арттырып, жетекші елдердің қатарына енуіне мүмкіндік береді.

Зауыт шығаратын қан қысымын төмендететін және туберкулезге қарсы препараттар, қандағы қант құрамын төмендететін дәрілер мен жаңа антивирустық препараттар шығаратын болады. Өнім сапалы, бәсекеге қабілетті, сондықтан да экспортқа шығаруға толық мүмкіндігі бар.