Jas.kz

Дөңгелек үстелге Қазақстан Республикасының Мемлекеттік хатшысы Гүлшара Әбдіхалықова, Парламент депутаттары Қуаныш Сұлтанов, Аңсар Мұсаханов және Ақан Бижанов, Серік Үмбетов, Шорахмет Мырзахметов, Сейіт Қасқабасов, Серік Негимов, Ғарифолла Есім, Несіпбек Айтов, Құныпия Алпысбай, Рахымжан Тұрысбек, Тұрсын Жұртбай, Ералы Тоғжанов сынды тұлғалар қатысады. Сонымен қатар, шараға Қырғыз орталығының өкілдері, Л.Гумилев атындағы ЕҰУ-нің оқытушылары, айтыс ақындары, Сүйінбай Аронұлының әдеби-мемориалдық музейі қызметкерлері және студенттер шақырылып отыр.

Шараның мақсаты Жетісу жерінде дүниеге келген айтыскер-ақын Сүйінбай Аронұлының өмір жолы мен шығармашылығы және ақындық өнерінің жан-жақты қырларын ашу. Жалғасын тауып келе жатқан ақындық дәстүрдің қазіргі айтыстағы өзгешеліктері мен айырмашылықтарының жігін ажырату.

Ұйымдастырылатын жылжымалы көрмені Сүйінбай Аронұлының әдеби-мемориалдық музейі және Ұлттық музей бірігіп экспозициялайды. Көрмеде ХІХ ғасырдағы ақындардың тұтынған заттары негізінде алынған жәдігерлер мен ХХ ғ. жазушылар мен ғалымдар және ақындардың айтыс ақындары туралы еңбектері мен зерттеулері, арнау жырлары жинақталып ұсынылады.

Айтыскер ақындар Сырым Әуезхан мен Таңжарық Ержан қазіргі кезеңдегі айтыс өнері мен Сүйінбай Аронұлының ақындық шеберлігінің үлгісін көрсетеді.

Аталған шара 2015 жылғы 18 қарашада сағат 11.00-де басталады.

baq.kz

«28 панфиловшылар» Андрей Шальопаның көркем фильмі. Фильм түсірілімі «Ленфильм» киностудиясының павильонында 2013 жылдың 4 қазанында басталған болатын. Кейбір эпизодтары Алматыда түсірілді. Кино 2016 жылдың басында прокатқа шығады деп жоспарланған.

Фильмдегі оқиға желісінде 1941 жылғы қараша айында болған оқиға баяндалады. Естеріңізге салсақ, Панфиловшылар — генерал Панфиловтің қолбасшылығымен 1941 жылы Мәскеуді қорғауға қатысқан Алматыда құрылған 316 атқыштар дивизиясының жауынгерлері. 28 батыр төрт сағат бойы жаумен ерлікпен шайқасып, фашистердің 18 танкісін жойды. Олардың барлығына да Кеңес Одағының Батыры атағы берілген болатын.

«28 панфиловшы» фильмінің басты ролдерін Ресей, Украина және Қазақстан актерлері сомдайды. Қазақстандық жауынгердің ролінде — актер Азамат Нығманов. Ол 2013 жылы Алматыда өткен «Еуразия» кинофестивалінде «Үздік актер» сыйлығын иеленген. Сонымен қатар, картинаға қырғызстандық актер Азиз Бейшеналиев те түседі. Айта кетейік, қырғыз актері қазақстандық режиссер Ақан Сатаевтың «Ликвидатор» фильміндегі ролі арқылы танымал.

baq.kz

«Бір жағынан халыққа тосын сый жасаймын деп, бір жағынан өзім де қазір жеке «сольный» альбом жазып жатқаным құпия емес, әрине. Соның бастауы деп білуге болады»,- деді Мұқасан Шахзадаев «Гакку» телеарнасына.

25 жыл тарихы бар топта өнер көрсеткен қос өнерпаз жеке ешқашан ән айтпаған. Керек десеңіз, Нұрлан тек екінші дауыста ән шырқап келді. Алдағы уақытта, ол да жеке әнші ретінде өзін таныстырады деседі.

Мұқасан Шахзадаев, әнші: «Кейде той-домалаққа барасың, достарыңмен бірге болған кезде Нұрлан болмай қалады немесе мен болмай қаламын. Сол кезде «Мұқаш, Нұрлан бір өлең айтып жіберші»,- десе, «Нұрлан жоқ қой, Мұқасан жоқ қой»,- деп, отырып қалатын кездер де бар. Сондықтан жеке-жеке ән жазып қоюды шештік».

Алыпқашпа сөздің неден шыққаны енді түсінікті болды. Ең бастысы — топ тарамайды. Айтпақшы, қазіргі таңда Мұқасанның қоржынында үш ән бар. Соның бірін Ринат Гайсин жазған. Ол ән «Бақыт» деп аталады.

Топ мүшесі Нұрлан Қонысбаев Алматы облысы, Балқаш ауданынының тумасы. Ал Мұқасан Шахзадаев Тараз өңірінен. Мұқасанның есімі әйгілі «Дос-Мұқасан» тобының құрметіне қойылған екен.

baq.kz