Фотошоп «араласпаған» ерекше суреттер.
Әлемнің таңғажайып табиғаты «таңдай қақтырмай» қоймайды. Әрине, тек сол сұлулықты байқап, көре білу керек.
Жер шарының түкпір-түкпіріндегі өз ісіне әбден берілген фотографтардың осы бір еңбектері арқылы сол сұлулықты Сіздердің назарларыңызға ұсынамыз.
Фотографтардың суреттері adme.ru сайтынан алынды
Әлем кинематографиясындағы ең сымбатты да танымал актер, дарынды режиссер, білікті кәсіпкер Ален Делон кеше 80 жылдық мерейтойын тойлап өтті.
Ол — «Адель продюксъон» кинокомпаниясының қожайыны. Миллиардтар мен жылжымайтын мүліктердің иесі. Шампан, көзілдірік, ерлер киімі, парфюмерия және косметика өнімдерін шығарып сататын өндірістердің құрушысы және қожасы. Асыл тұқымды жылқы зауытының негізін қалаушы. Сурет, қару басқа да шығармашылық құралдарының коллекционері.
Бірнеше буын кино көрермендерінің сүйіктісіне айналған, сымбатты актер Делонның шығармашылық жолы даңғыл. Ол 100-ден астам фильмде басты рөлдерді сомдап, көрерменнің жүрегінен ойып тұрып орын ала білді.
Кино өнерінде ол нағыз ер азататтың бейнесін аз сомдаған жоқ, кейде бақайесепшіл, суыққанды да болатын.
Бір жағынан қарағанда ол экранда өзін-өзі сомдаған сияқты- актер ретінде бас айналдырар жетістікке жеткен, ал бизнесмен ретінде қатал мінезі, кез-келген жағдайдан шебер шыға алатын қасиетінің арқасында бай-бағландардың алғашқы көшіне іліккен адам.
Кеңес Одағының екі мәрте батыры, авиация генерал-майоры Талғат Бигелдиновке арналған мемориалды тақта оның өзі тұрған үйіне орнатылады.
Салтанатты шара ертең сағат 12:00-де Қонаев көшесіндегі №153 үйде өтеді.
Талғат Жақыпбекұлы Бигелдинов — Авиация генерал-майоры, Кеңес Одағының екі мәрте батыры, «Барыс» орденінің иегері. 1922 жылы 5-тамызда Сарыарқаның кең-байтақ даласында, Ақмола облысының өзен-көлі тасыған, емдік суы атқылаған Майбалық ауылында туған. 2014 жылғы 9 қарашада Алматы қаласында дүниеден өтті.
Талдықорған қаласынының құрылыс нысандары енді жаңа басшының жіті бақылауында болмақ.
Алматы облысының басшысы Амандық Баталов Талдықорған қаласында құрылысы жүріп жатқан бірнеше нысанды аралады. Бұл жұмыс сапардың басты мақсаты — Талдықорғанға жаңадан әкім болып тағайындалған Бағдат Қарасаевты қалада жүргізіліп жатқан жұмыс жайымен тезірек таныстыру.
Амандық Ғаббасұлы бастаған топ алдымен Талдықорған қаласының әуежайында болды. Өңір басшысы қала әкіміне әуежайды абаттандыру, жарықтандыру сынды бірқатар тапсырма жүктеп, бұл нысанның қала дамуында үлкен орын алатынын қадап айтты. Жұмыс тобы Қаратал өзенінің абаттандырылуымен де танысқан болатын. Облыс әкімі мұнда іске асып жатқан шаруамен де жете танысып, қаланы қақ жарып өтетін өзеннің жағалауын көріктендіруге қатысты өз ойын ортаға салды.
Орталық парктің жеке кәсіпкерлердің иелігінде болған бөлігінің қала меншігіне қайтарылуына байланысты облыс әкімі Амандық Баталов қала әкімі Бағдат Қарасаевқа келесі жылдың бюджетіне саябақтың осы бөлігін реконструкция жасау жөнінде тиісті ұсыныстар жасауды тапсырды.
Сонымен қатар, Амандық Ғаббасұлы «Жастар» саябағында болып, парктің абаттандырылуына қатысты бірқатар тапсырма берді. Бұдан бөлек, облыс әкімі бүгінде Талдықорған қаласында салынып жатқан Оқушылар сарайы сынды бірнеше нысанды аралап қайтты. Жұмыс сапары барысында Жетісу жерінің бас қаласы – Талдықорғанның ажарын арттыруға байланысты біршама ұсыныс алға тартылды.
— Мен бүгін қаланың жаңа әкімі Бағдат Әбілмәжінұлын ертіп, жүргізіліп жатқан құрылыс жұмыстарымен таныстырдым. Атқарылып жатқан жұмыстар ауқымы кең. Сондықтан Бағдат Әбілмәжінұлы қаладағы құрылыстың барысымен жете танысқаннан кейін бірден іске кірісіп кетуі тиіс, — деді облыс әкімі А. Баталов.
Шымкенттегі Дендрарий саябағындағы көл мен Қошқар ата өзеніне 64 мың балық жіберілді.
Саябақтағы көлге — 52 мың балық, Шымкенттің қақ ортасын кесіп өтетін Қошқар ата өзеніне 12 мың балық жіберілген. Мамандардың айтуынша, балықтар өзен-көлдің таза сақталуына көмегін тигізеді. Әрі табиғаттың сақталуына үлес қоспақ. Ал, су жануарлары қалыпты ортаға үйреніп, көбейе бастаған сәтте оларды аулауға да болады.
Айта кетейік, суға тұқы, сазан сияқты балықтың үш түрі жіберілді. Тапсырысты «Көмешбалық» жауапкершілігі шектеулі серіктестігінің мамандары өз мойнына алған. Мекемеде қазіргі таңда 300 мыңдай шабақ өсіріліп жатыр екен.
XVIII Халықаралық «Шабыт» шығармашылық жастар фестивалі кеше Астана қаласындағы Конгресс-Холл сарайында гала концертпен қорытындыланды. Конгресс-холлдағы салтанатты кеште фестиваль қорытындысы шығарылып, жүзден жүйрік өнерпаздар марапатталды.
Қазылар алқасы 388 қатысушы таласқан фестивальдің басты сыйлығы — ел Президентінің Кубогы мен 500 мың теңге көлеміндегі ақшалай сыйлыққа бір ауыздан «Классикалық музыка. Скрипка» номинациясының бас жүлде иегері, Қазақ Ұлттық өнер университетінің студенті Мақсат Жүсіповты лайық деп тапты. Жеңімпазды Астана қаласы әкімінің орынбасары Ермек Аманшаев марапаттады.
«Шабыт» — нағыз өнер додасы. Фестиваль сахнасында тек Қазақстанның ғана емес, шетелдің үздік өнерпаздары да өнер көрсетіп келеді. Мақсат бүгін айтарлықтай жеңіске жетті, бұдан былай да осындай жетістіктері көп болсын», — деді Ермек Аманшаев.
Биылғы фестивальде алғаш рет өткізіліп отырған спорттық бал биі сайысында Красноярлық (Ресей) жұп Роман Зотодов пен Анна Позднякова жеңімпаз атанды.
«Халықтық музыка» номинациясының домбырамен ән айту категориясында бас жүлдеге Жақсыгелді Маясаров ие болды. Үздік домбырашы атағы мен медальді Астаналық Бегджанов Сәкен иеленді.
«Бейнелеу өнері» номинациясында қазылар алқасының назарына ұсынылған 150 жұмыстың ішінен мүсін категориясында павлодарлық Данияр Сарбасовтың туындысы, сәндік-қолданбалы өнерде атыраулық Есенғазиев Алтынбектің жұмысы үздік деп танылып, бас жүлдеге ие болды.
Академиялық ән айту категориясында астаналық Шахризада Тыныштық бас жүлдені иеленді. «Фортепиано» бойынша бас жүлдені алматылық Рабиға Дюсембаева алса, «альт, виолончель, контрабас» категориясында Павел Романенко бас жүлдеге лайық деп танылды. Цирк өнері номинациясында Алматыдан келген Қазақ мемлекеттік циркі командасы үздік атанды.
Фестиваль жеңімпаздары мен қатысушыларын елорданың мәдени өмірінде айрықша орын алатын шараның аяқталуымен құттықтау үшін әлемдік өнер майталмандарынан құралған қазылар алқасы мен ұстаздар, қалалық әкімдік өкілдері, шығармашылық интеллигенция өкілдері, қала қонақтары мен тұрғындары жиналды.
Гала концертте «Шабыт» фестивалінің бас жүлде иегерлері мен эстрада жұлдыздары өнер көрсетті.
Талдықорғанда атауы қызық жарыс өтті. Қазақшасы «алып адам» деген мағына беретін тартысты бәсекеге Жетісудың ең мықты жігіттері қатысты. Олар 200 келіден асатын зілтемір мен бөренелерді көтерді. Ауыр доңғалақтарды итеріп, машиналарды сүйреді.
«Жастар арасында салауатты өмір салтын қалыптастыруға үндейтін бүгінгі заманның экстремалды спорт түрлерін дамыту өте маңызды. Сондықтан облыстық деңгейде өтіп жатқан жарысты республикалық дәрежеге көтергіміз келеді», — дейді ұйымдастырушылар.
Алып жігіттер айқасында топ жарған үш спортшыға бағалы сыйлықтар мен дипломдар тапсырылды.
Бағдат Науқанов, облыстық жастар саясаты орталығының бөлім басшысы:
— Балуан Шолақ атамыз секілді алып та мықты жастардың бізде барына нық сенеміз. Сондай жастарды осындай спорт түріне шақырып, бүкіл дүние жүзіне осы спорт түрінен өзіміздің елімізді паш ететіндей жастарды дайындау – біздің мақсатымыз.
«Тауына қарасам, Алматы секілді, өзеніне қарасам, Астана секілді, терегіне қарасам, Тараз секілді. Үшеуін қосып қарасам, Талдықорған екен!»
Бұл жас ақын, Ерлан Жүністің Талдықорған туралы айтқаны. Жақында ғана Алматы облысының орталығына қоныс аударған ақын алғашқы шығармашылық кешін өткізіп үлгерді.
«Сәрсенбінің сәтінде» деп аталған жиынға Жетісу жеріндегі ақын-жазушылар мен оқырмандар қатысты. Олардың алдында Ерлан Жүніс соңғы жазған туындыларын оқып, пікір-алмасты. Сұрақтарына жауап берді. Ерлан Жүніс қазақ поэзиясында өзгеше үні бар, сарыны бөлек ақын. Оқырмандарына ойлы, мәнді жыр ұсынуға шебер.
Оның 2001 жылдан бері бірнеше жыр жинақтары жарық көрді. Алғашқысы — «Жыр-перзент». Сосын «Киелі түндердің дұғасы», «Хауас», «Үміт жырлары» атты өлең кітаптары бар. Жетісулық жас ақын халықаралық «Шабыт» фестивалінде «Әдебиет» аталымы бойынша гран-при және Президент кубогын иеленген. Бұл 2006 жылы болатын. Ал араға алты жыл салып мемлекеттік «Дарын» сыйлығын иеленді.
Еліміздің үздік жас дзюдошылары мықтыларын анықтау мақсатында, Алматы облысы Үшарал қаласында дзюдодан жасөспірімдер арасында «Алакөл ауданы әкімінің кубогі» үшін республикалық жарыс өтті. Оған Алматы қаласы, Шығыс және Оңтүстік Қазақстан, Жамбыл, Алматы облыстары мен көрші Өзбекстаннан балуандар келді. Барлығы 200ге жуық спортшы 10 салмақ дәрежесі бойынша күресті.
«Алакөл ауданы әкімінің кубогы» үшін өтетін жарыс осымен 9-шы мәрте ұйымдастырылып отыр. Жылдан — жылға деңгейі өсіп, қатысушылар қатары да көбейіп келеді. Қазіргі күні көршілес елдердің балуандары да бағын сынауды мақсат еткен. Биыл 12 команда жиналған. Дзюдошылар бәсекесінің ашылу салтанатында ауданның атқа мінер азаматтары осы жарыс арқылы көптеген саңлақтар тәжірибесін арттырып, ел құрамасының белді мүшесі атанғанын мәлімдеді.
Осы жарыста Семей, Талдықорған Шымкент, Алматы және Алакөл өңірінің саңлақтары жүлдегерлер қатарынан көрінді. Ұйымдастыушылар келер жылы турнирді халықаралық деңгейде өткізуді жоспарлап отыр.
Бүгін Алматы облысы мен Қырғыз Республикасы құқық қорғау органдарының бірлескен мәжілісі өтті.
Талдықорған қаласында Алматы облысының әкімі Амандық Баталов Қырғыз Республикасының Шу облыстық ішкі істер Бас басқармасының басшысы милиция полковнигі Қапар Батырханов пен Ыстықкөл облыстық ішкі істер басқармасының басшысы, полковник Эмилбек Салиевті қабылдап, Алматы облыстық ішкі істер департаментінде өткен Қазақстан Республикасының Алматы облысы және Қырғыз Республикасының Шу облыстық ІІББ мен Ыстықкөл облыстық ІІБ ынтымақтастығын ұйымдастыру жөніндегі мәжіліске қатысты.
Бұл басқосудың басты мақсаты – екі мемлекеттің арасында өзара ынтымақтастықты нығайту, қылмысқа қарсы бірлескен шаралардың 2014-2018 жылдарға арналған мемлекетаралық бағдарламасын жүзеге асыру болып табылады.
